UN/LOCODE
UN/LOCODE (änglisch United Nations Code for Trade and Transport Locations) isch e Kood für geografischi Ort, wo vo dr Wirtschaftskommission für Öiropa (UNECE), ere Underorganisazioon vo de Veräinte Nazioone (UNO), entwicklet und aktualisiert wird.
D Grundlaage
[ändere | Quälltäxt bearbeite]Mee as 42'000 Ortsnääme vo Ort, wo für d Wirtschaft und dr Vercheer bedütend si, bsundrigs vo Ort mit Seehääfe, Flughääfe (in däm Fall isch d Abchürzig im Allgemäine idäntisch mit em IATA-Code), Bahnhööf, Chnootepünkt für Färnstroosse und Gränzübergäng in 235 Länder het mä e Kood zuegordnet.
UN/LOCODE bestöön tüpischerwiise us 5 Buechstaabe. Die erste bäide Buechstaabe si dr Länderkood noch ISO 3166-1 alpha-2. Dr Ort innerhalb vom Land wird im Allgemäine mit drei witere Buechstaabe aagee, wenn aber die mööglige Kombinazioone nit länge, chönne au Ziffere verwändet wärde.
Dr UN/LOCODE definiert au e Schriibwiis vom Ortsnaame in latiinische Buechstaabe und mäistens in ere nazionale Sprooch ooni Diakritika (z. B. die dütsche Umlut).[1]
Bischbil
[ändere | Quälltäxt bearbeite]| LOCODE | Land | Ort | mit Diakritika |
|---|---|---|---|
| AT VIE |  |
Wien | |
| BE BRU | .svg){kind=small} |
Brussel | Brüssel |
| CH BRN |  |
Bern | |
| DE BER |  |
Berlin | |
| LI VDZ |  |
Vaduz | |
| LU LUX |  |
Luxemburg | |
| NL AMS |  |
Amsterdam | |
| SE BAS |  |
Bastad | Båstad |
| SE GOT | |
Goteborg | Göteborg |
| US NYC |  |
New York City |
E Liste vo de Länderkood cha mä in dr ISO-3166-1-Kodierliste aaluege.
Verwändig
[ändere | Quälltäxt bearbeite]Dr UN/LOCODE verbräitet sich immer mee.
In dr Schifffahrt
[ändere | Quälltäxt bearbeite]D International Maritime Organization (IMO) empfiilt 2005 d Verwändig vo UN/LOCODE innerhalb vom Automatische Identifikazionssüsteem AIS.[2]
Sidder wird dr LOCODE uf dr ganze Wält im AIS-Vercheer brucht, für dass es bi dr Beschriibig vom Abgangsort und vom Bestimmigsort vom ene Schiff und sinere Laadig nid zu Verwäggslige chunnt.
Weblingg
[ändere | Quälltäxt bearbeite]- Offizielli Website vo dr Wirtschaftskommission für Europa – UN/LOCODE (änglisch)
- Suechliste für UN/LOCODE, Wirtschaftskommission für Europa (änglisch)
Fuessnoote
[ändere | Quälltäxt bearbeite]- ↑ Secretariat Note to the users of UN/LOCODE 2006-2 (Änglisch, pdf) United Nations Economic Commission for Europe. 30. April 2007. Abgrüeft am 25. Juni 2009: „[...] two columns are provided for place names, one reflecting national name versions, with diacritic signs, and one in which diacritic signs have been removed from the names.“
- ↑ Guidance on the use of the UN/LOCODE in the destination field in AIS messages (Englisch, pdf) International Maritime Organization. 15. Dezember 2004. Archiviert vom Original am 28. Juni 2007. Abgrüeft am 25. Juni 2009: „The Maritime Safety Committee, [...] encouraged the use of the UN/LOCODE.“
|
Dä Artikel basiert uff ere fräie Übersetzig vum Artikel „UN/LOCODE“ vu de dütsche Wikipedia. E Liste vu de Autore un Versione isch do z finde. |