Bandera
![](http://upload.wikimedia.org/wikipedia/commons/thumb/5/53/Si%C3%B1al_d%27Arag%C3%B3n.svg/250px-Si%C3%B1al_d%27Arag%C3%B3n.svg.png)
Una bandera (d'o gotico < bandwo "sinyal") ye un trozo de tela, por un regular rectangular, fixau por un costau a un palo u asta y que sirve como simbolo u insignia d'una nación, d'un estau, d'una ciudat, d'una dinastía, d'una autoridat, d'un partiu, d'una asociación, etc, u como signo ta identificar situacions churidicas, militars, tecnicas, etc. Tamién puet emplegar-se con motivos decorativos.
As banderas estatals u nacionals simbolizan a un estau u a un país y ye un d'os signos d'identidat mas importants que poseyen. Sirve ta representar a ixe estau en o estranchero, pero tamién como emblema en a propia tierra. A bandera estatal s'iza cada día en os edificios oficials (cortes, concellos,...). As interpresas y entidaz privatas tamién pueden izar-las, igual que los ciudadans. Cuan i ha un succeso trachico u s'escatece la muerte d'una persona de maximo rango politico as banderas ondean a meya asta en sinyal de duelo.