Novallas

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Ta atros emplegos d'o toponimo Novallas se veiga Novalla (desambigación).

Novallas
Municipio d'Aragón
Novallas y Moncayo.
Entidat  • País  • Provincia  • Comarca	Municipio  Aragón  Zaragoza Tarazona y Moncayo
Partiu chudicial	Tarazona
Superficie	11,3 km²
Población  • Total	846 hab. (2013)
Altaria  • Meyana	425 m.
Distancia  • 90 km  • 6 km	enta Zaragoza enta Tarazona
Alcalde	Honorio Jesús Fernández Cornago
Codigo postal	50510
Chentilicio	novallero
Parroquial  • Diocesi  • Arcipestrau  • Parroquia	Tarazona Tarazona Ntra. Sra. de l'Asumpción
Coordenadas	41°56’48’’N 1°41’39’’U
Novallas Novallas en Aragón
Web oficial

Novallas ye un municipio aragonés d'a provincia de Zaragoza, situato en a comarca de Tarazona y Moncayo.

A suya población ye de 885 habitants (2008) en una superficie d'11,3 km², con una densidat de población de 78,32 hab/km².

Parla

En Novallas se parla o mesmo castellano con aragonesismos que en toz os lugars d'a redolata, tanto en Aragón como en Navarra. Se conoix un texto alchamiato provinient de Novallas con fonetica ya prou castellana pero con conservación d'a F- inicial como herencio d'a fonetica aragonesa:

i dame con-ella arrizqui halāl i bueno / i dame d-ella criaturas buenas

Yā ‘Alī , / no t-eches con tu mujer d-aky-a que ayas / dīcho «Bi-smi-llāhi r-rahmani r-rahī i», / i si no lo diras sera el-Aššaytān / aparçero en la criatura.

Yā ‘Alī, / no mires a la natura de la mujer la ora / del conçebir con-ella, i si lo faras / i judgara Allāh entre vosotros / criatura sera trabado de la lenwa. //

Yā ‘Alī, no t-eches con tu mujer / si a ella no plaze, si lo faras i judgara Allāh / entre vosotros criatura sera / desobidiente a vosotros.

Yā ‘Alī, no t-eches con tu mujer debǎso de arbol fruytible, si lo faras / i judgara Allāh entre vosotros / criatura sera macho i fembra.

Yā ‘Alī, no t-eches con tu mujer en-el perche / de casa, si lo faras i judgara Allāh» //

Como aragonesismos tenemos faras, fembra, aparçero, desobidiente, perche, la ora, d-aqui-a que, natura y trabado). echar-se con encara que con fonetica castellana, puet representar un aragonesismo semantico (verbo aragonés "chitar-se" en cuenta d'o castellano acostar-se.

Como arabismos tenemos a forma «i» que introduce a apodosis d'una oración condicional traducindo o que en arabe se fa con fa, con a mesma función (i si lo faras / i judgara Allāh entre vosotros); «judgara entre» ye a traducción literal d'a costrucción arabe hakama bayna, con o sentito de conoixer a; l'adchetivo en -ble «fruytible» corresponde a un participio no adchectivo arabe). I trobamos, a més lexico arabe: Allāh, yā arrizqi, halāl, Aššaytān ("satán") y bi-smi-llāhi r-rahmāni r-rahīmi.

Toponimia

En textos medievals de 1119-1120 o nombre sale latinizato como Novalias. Un texto de 1128 fa referencia a un García Sanz de Novalla u García Sanç de Nowalga (una mera variant fonetica).

O nombre vien d'o latín Novalia, plural neutro de l'adchetivo latín novalis. Os romanos clamaban a la huebra ager novalis, pero tamién yera aplicable a los yermos u a una tierra nueva en una clase de cautivo. A evolución dende Novalia ta Novalla ye d'alcuerdo con a fonetica aragonesa y mozarabe, en castellano ese estato Novaja. Esiste una finca en Escatrón con o mesmo nombre.

Bi ha microtoponimos en aragonés como La Torraza, on bi ha una villa romana, Barranco d'el Navallo, y una zaica dita Nau que contina por o termin de Mont Agut. Bi ha una zaica que se diz agora Mendienique pero que no ye un toponimo basco, yera arabe porque en la Edat Meya Bendenic (escrito Bendenich u Bendieneque). Talment siga una variant relacionada con a cequia de "Bajenique" en o termino d'Arandiga.

Cheografía

Novallas ye situato a 425 metros d'altaria dencima d'o ran d'a mar, en a marguin ezquierda d'o río Queiles, a una distancia de 6 km de Tarazona, a capital d'a suya comarca, y a 90 km de Zaragoza, a capital d'a suya provincia y d'Aragón.

Demografía

Evolución demografica

1992 1994 1996 1997 1998 1999 2000 2001 2002 - - - - 758 738 731 727 769

2003 2004 2005 2006 2007 2008 2009 2010 2011 815 807 806 818 875 885 891 919 949

2012 2013 2014 2015 2016 2017 2018 2019 2020 948 947 931 913 871 838 850 830 825

2021 2022 2023 2024 2025 2026 2027 2028 - 833 845 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido de los Socialistas de Aragón								4	5
Partido Popular								2	2
Partido Aragonés								1	0
Total								7	7

Alcaldes

Lista d'alcaldes

Lechislatura	Nombre	Partiu politico
1979–1983	José Luis Vázquez Baigorri	Unión de Centro Democrático
1983–1987	Javier Gorrindo Lasheras	Alianza Popular
1987–1991	Javier Gorrindo Lasheras	Alianza Popular
1991–1995	Javier Gorrindo Lasheras	Partido Popular
1995–1999	Juan Luis Alegría Soria Honorio Jesús Fernández Cornago	Partido Aragonés Partido de los Socialistas de Aragón
1999–2003	José Manuel Chueca Echaúz Honorio Jesús Fernández Cornago	Partido Aragonés Partido de los Socialistas de Aragón
2003–2007	Honorio Jesús Fernández Cornago	Partido de los Socialistas de Aragón
2007–2011	Honorio Jesús Fernández Cornago	Partido de los Socialistas de Aragón
2011–2015	Honorio Jesús Fernández Cornago	Partido de los Socialistas de Aragón
2015–2019	Honorio Jesús Fernández Cornago	Partido de los Socialistas de Aragón
2019–2023	Honorio Jesús Fernández Cornago	Partido de los Socialistas de Aragón
2023–2027	Pedro Luis Lapuente Aranda	PSOE

Puestos d'intrés

• Castiello, actualment emplegau como Casa d'a Villa.
• Ilesia de Sant Marzal.

Fiestas

• Sant Marzal, 30 de chunio.
• Santa Cruz, 14 de setiembre.
• Santa Barbara, 4 d'aviento.

Vinclos externos

• Se veigan as imáchens de Commons sobre Novallas.
• (es) Pachina web oficial de Novallas.
• (es) Pachina web no oficial de Novallas.

Referencias

• Datos: Q1635927
• Multimedia: Novallas / Q1635927