Punta Escarra
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Punta Escarra | |
 Punta Escarra dende as pistas de Fornigal | |
Situación
| |
| Situación |  Muga entre Samianigo, Sallent y Canfranc (Uesca)
|
| Latitut | |
| Lonchitut | |
| Vértiz cheodesico | Error d'expresión: operador / no asperau/0.pdf |
Cheografía
| |
| Cordelera | Sierras interiors pirenencas |
| Sierra | |
| Macizo | |
| Altaria | 2760 m |
| Primera puyada | |
| Ruta mas fácil | |
Mapa
| |
.png)  | |
A punta Escarra[1] ye una tuca pirinenca situata entre as vals de Tena, a Canal d'Izas y o cul d'Ip, amán d'a Pala d'Ip. Ye un trifinio entre os municipios de Samianigo, Sallent de Galligo y Canfranc, a suya versant norueste ye canfranera, la sud samianiguense y la este sallenuta. Con una altaria de 2.748 m ye a cuatrena tuca en altaria d'o cul d'Ip, dimpués de Collarada, a Pala de Ip y a Pala d'Alcanyiz. Zarra o cul por o nord-este y s'une con a Pala de Ip enta o norueste y con o pico Huembro d'Escarra enta o sudueste.
Toponimia
[editar | modificar o codigo]Gerhard Rohlfs[2] relaciona iste toponimo con o gascón "escarrouè" y l'aragonés "escarrón", que se corresponden con o basco "askarra", que designa a la mesma especie d'árbol.
Seguntes William Dennis Elcock[3] manimenos no ye tan claro l'orichen prerromano. L'anglés sinyala a o verbo "escarrar" d'orichen latín (EXCARRARE) y present tanto en aragonés como en occitán con o significau de "rascar, limpiar a borda" como fuent d'iste toponimo.
Rotas
[editar | modificar o codigo]No bi ha garra rota prou fácil ta puyar enta ista polida tuca. Todas son luengas y amenistan de bel trampo d'escalada prou dificil por a suya verticalidat u exposición, a on se recomienda l'uso de cuerda, encara que no ye estrictament necesaria para montanyeros experimentaus (dificultat II).
Desde l'ibón d'Ip
[editar | modificar o codigo]Iste recorriu ye luengo y se recomienda aturar a dormir en o cubilar no guardau que bi ha chunto a l'ibón d'Ip, recientement esviellau. Se puet plegar dica l'ibón por cualsiquiera d'os diferents itinerarios que existen dende Canfranc u dende Os Aranyons.
Una vegada astí, se rodia l'ibón por o canto ezquierdo, pasando baixo o corridor sud d'acceso ta a Pala de Ip, y plegando ta un vallón entre a Pala de Ip y a Punta Escarra. Se puya dita cuenca por a marguin ezquierda d'o torrent enta una glera, que rodiaremos por o suyo canto ezquierdo, trescruzando o torrent. Mientres puyamos trobaremos trazas de senda y bella fita que mos guidan enta a base d'o pico. Una vegada astí bi ha dos opcions ta plega en a tuca:
- A mas recomendable consiste en buscar una zona poco inclinada y delgada en iste primer contrafuert d'a montanya. Ista chicota chaminera ye chusto a un tercio de l'ariesta NO y a dos tercios de l'ariesta SO. Se puya enta a ezquierda (20 metros, dificultaz I, II-, I, bi ha uns cordinos ta un posible rápel de 20 m a la baixada). Se sale a una chicota terraza por a que se contina facilment dica l'ariesta NO. Dimpués d'una cingla a la ezquierda por a que salimos a la cara nort d'o pico, se trepa por una canaleta d'atros 20 m paralela a la ariesta, (dificultaz I+, II-, parabolts, opción de rápel de 40 m dica a base), saliendo en iste punto a una caracteristica breca en l'ariesta NO, a on desemboca a segunda alternativa. Dende aquí se torna enta a cara norte por unas viras y cinglas a la ezquierda que ascape se pierden pero mos permiten trepar por una diagonal a la dreita (dificultat I+, una mica exposada, 30 m) que mos deixa en una reunión muit bien equipada. Dende aquí, una nueva diagonal con lastras (dificultad I, 35m), enta a dreita y amán de l'ariesta, mos leva enta a tuca. Bi ha un anclache de cadena en a cima ta rapelar.
- Si se quieren evitar as primeras trepadas, se puet prener a siguient alternativa, encara que va por terreno exposau y inestable: en cuentas de trepar o primer murallón rocoso d'o pico, se puya a la cresta d'a ezquierda, enta o collau de salida d'o corridor norte, chunto a un crebau chendarme. Se contina por ella dica o espolón rocoso que se rodia por a dreita. A la ezquierda s'ubre una canal con buenas cinglas en primeras y que mos leva enta una vira dimpués d'un nuevo espolón, habendo de trepar por chicotas cinglas con rocas una mica descompuestas ([dificultad I+) dica salir a la breca de l'ariesta, a on enlazamos con o itinerario anterior.
Por o corridor norte (dificultat PD)
[editar | modificar o codigo]O corridor norte de Punta Escarra, encara que ye una vía d'acceso a la tuca realment espectacular y atractiva d'hibierno, tiene una fama una mica siniestra, pues ha estau escenario de cuantos accidents debiu a la suya gran propensión a la formación de lurtes (d'hibierno) y a la cayida de piedras (en verano). Se tracta d'un empinau corridor de piedras sueltas (con nieu 45º), de bels 250–300 m.d. y dos resaltes de II mixto. A salida, en función d'a nieve que bi haiga, puet presentar inclinaciones de dica 55º.
Dica a base d'iste corredor se puet plegar dende Os Aranyons (Col de Ladrones) u dende o Fornigal (pista d'esquí de "Sarrios").
- Dende o Col de Ladrones se puya por a Canal d'Izas por o GR 11. Poco antis de plegar enta o Collau d'Izas que mos baixaría enta Formigal, prenemos un esbarre enta a dreita que mos endreza enta a base d'o corredor.
- Dende o Fornigal (Parking de "Sarrios") se sigue o GR 11 dica o Collau d'Izas (2.239 m.). Poco dimpués s'albandona o mismo ta endrezar-se baixo o Pico d'as Tres Huegas y baixo o Collau de Escarra (2.224 m.) enta a base d'o corridor, indo a meya ladera.
Dende Acumuer
[editar | modificar o codigo]Se i puet puyar tamién por a luenga val d'o río Aurín por una pista de bels 8 km zarrada a o trafico y dimpués por sendero dica l'ibón de Bucuesa. Dende astí se puya baixo a Pala de Alcañiz y a Punta de l'Alica enta o collau que bi ha entre os Campanals d'Ip y o Huembro d'Escarra. Una vira horizontal muit exposada baixo a ladera este d'ista tuca, mos permite unir-nos a la vía normal d'a cara norte.
Vías d'escalada
[editar | modificar o codigo]Bellas vías d'escalada:[4]
- Ariesta SO, dende a suya base: dificultat D, 160 m.d.
- Ariesta NE, dende o Collau d'Escarra: dificultat D, con pasos de dificultat V- y 560 m.d.
- Vía Moral Tomé en a cara norte, dende a suya base: dificultat D, 480 m.d.
Referencias
[editar | modificar o codigo]- ↑ (es) Toponimos oficials de l'Alto Galligo en www.lenguasdearagon.org
- ↑ (fr) "Vestiges du vocabulaire ibérien en Gascogne". G. Rohlfs
- ↑ (es) Toponimia del valle de Tena. W.D. Elcock
- ↑ Atela, David. 100 cumbres del Pirineo Aragonés. 6ª Edición, 2004. SUA Edizioak. Bilbau. ISBN 84-8216-053-2
Vinclos externos
[editar | modificar o codigo]- (es) En Mendikat
- (es) Punta Escarra en Wikineos
- (es) Esquiando por el Corredor Norte.
- (es) Ascensión por el Corredor Norte.
- (es) Ascensión invernal por el corredor norte.
- (es) Ascensión desde Ip.
| Control d'autoridaz |
|
|---|
Datos: Q8536427
Multimedia: Punta Escarra / Q8536427