Tramacastiel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Tramacastiel
Municipio d'Aragón
Tramacastiel.
Entidat  • País  • Provincia  • Comarca	Municipio  Aragón  Teruel Comunidat de Teruel
Partiu chudicial	Teruel
Superficie	47,38 km²
Población  • Total  • Densidat	62 hab. (2013) 1,31 hab/km²
Altaria  • Meyana	879 m.
Distancia  • 31 km	enta Teruel
Alcalde	Sebastián Alegre Monterde
Codigo postal	44133
Parroquial  • Diocesi  • Arcipestrau  • Parroquia	Teruel y Albarracín Teruel O Salvador
Coordenadas	40°11’21’’N 1°14’23’’U
Tramacastiel Tramacastiel en Aragón

Tramacastiel ye un municipio aragonés de la provincia de Teruel, situau en la comarca de la Comunidat de Teruel.

La suya población ye de 62 habitants, en una superficie de 47,38 km² con una densidat de población d'1,31 hab/km².

Toponimia

Lo toponimo Tramacastiel ye considerau un mozarabe por la suya terminación en -iel. Manimenos esta terminación yera común tamién en aragonés medieval como variant de la terminación -iello, igual que podemos trobar escrito castiel muitas vegadas en cuenta de castiello en textos medievals d'atras zonas.

Microtoponimos intresants son manzaneros, La Alquería, Los Alcores, Las Lomas, El Rebollo, Las Suertes, Los Morrones, Hoya Embí, Morrita, Cerro de Casteldasnos, Pieza Roya, La Lastra, Barranco el Chotil y Tablas de la Cueva el Bu.

Cheografía

Tramacastiel ye situau en la estreita val d'un regacho a 879 metros d'altaria dencima de lo livel d'a mar, entre la sierra de Penya Redonda y un eixe formau por La Serretiella y El Tormo (1.171 m), y a una distancia de 31 km de la ciudat de Teruel, la capital de la suya provincia.

La sierra de Penya Redonda presenta en lo termin municipal de Tramacastiel lo Cerrito Cuatreño (1.368 m), punto a on que Tramacastiel muga con los termins de Tormón, Rubials y la "manga" de lo termin municipal d'Albarracín que bi ha entre Las Casiellas de Bezas y Ligros. Uns cuantos barrancos baixan dende la versant este de la sierra de Penya Redonda y s'achuntan con atros barrancos que baixan dende lo norte orichinando lo regajo de Tramacastiel. Se considera que este regacho naixe a 700 m de Tramacastiel, dende a on que baixa en dirección Sud pa cayer en Guadalaviar a l'altura de Mas de la Cabrera, entre Libros y la muga con Castiel Fabib. La suya ribera ye chica y con choperas. En los decenios de 1950 y 1960 bi heba un important cautivo de manzaneras de la variedat reineta.

Mugas

Lo suyo termin municipal muga con Castiel Fabib, con Tormón, con un cantón de lo termin d'Albarracín, con Rubials, con Villel y Libros.

Historia

La primera mención de Tramacastiel ye de 1187, cuan lo rei Alifonso II d'Aragón donó Villel a la Orden de Montegaudio, que dimpués fue absorbida por los templers.

Tramacastiel deixó de perteneixer a la Comanda de Villel en circunstancias desconoixidas y se sabe que perteneixió a los Ruíz de Castelblanc en 1200 chunto con Lo Cuervo, Tormón, Cascant, Valacroch, Sot y Chera. Por matrimonio entre una filla d'este linache y Blasco Ferrández d'Heredia, buena part d'estas localidaz pasoron a depender de los Ferrández d'Heredia adintro de la part serrana de lo Condau de Fuents.

Cuan en 1581 se yera tramitando la deseparación u desligamiento entre la Diocesi d'Albarracín y la Diocesi de Segorb Tramacastiel feba part (chunto con esta localidat, Alobras y Tormón), de lo Cuartillejo del Cuervo, un territorio en litichio entre las dos diocesis que quedó a la fin adintro de la Diocesi d'Albarracín. Tramacastiel feguraba encara como de lo Condau de Fuents en lo Itinerario del Reyno de Aragón (1610-1611) de João Batista Labanha.

Tramacastiel fizo part de la sobrecullida de Teruel por lo menos entre 1446 y 1495. En 1646 perteneixeba a la vereda de Teruel. Dende 1711 dica 1833 fació part de lo correchimiento de Albarracín.

Demografía

Evolución demografica

1992 1994 1996 1997 1998 1999 2000 2001 2002 - - - - 116 118 118 106 110

2003 2004 2005 2006 2007 2008 2009 2010 2011 112 114 116 115 100 101 100 98 89

2012 2013 2014 2015 2016 2017 2018 2019 2020 85 76 74 75 66 67 64 72 67

2021 2022 2023 2024 2025 2026 2027 2028 - 67 66 - - - - - - -

1990- : población de dreito. Fuent: Intercensal en l'INE, Series de población en l'INE y Relación d'unidatz poblacionals en l'INE.

Administración

Reparto de concellers

Eleccions municipals
Partiu	1979	1983	1987	1991	1995	1999	2003	2007	2011
Partido Aragonés									2
Partido de los Socialistas de Aragón									1
Total									3

Alcaldes

Lista d'alcaldes

Lechislatura	Nombre	Partiu politico
1979–1983	Manuel Martínez García	UCD
1983–1987
1987–1991
1991–1995
1995–1999
1999–2003
2003–2007
2007–2011
2011–2015	Sebastián Alegre Monterde	PAR
2015–2019	José Miguel Delgado Almazán	PP
2019–2023	Clara Isabel Benito Calomarde	PSOE
2023–2027	Eduardo Silverio Miguel Repulles	PSOE

Fiestas

• 20 de chinero.
• 29 de setiembre.

Referencias

• Datos: Q669114
• Multimedia: Tramacastiel / Q669114