فريدا كاهلو
| هاد لمقالة كاتستعمل تقاليد د تّسمية سّپنيولية: سّمية شّخصية ديما ف لّول عاد سّمية د لفاميلة د لبّات كاهلو عاد سّمية لفاميلة د لم ثالديرون. |
فريدا كاهلو
| ||
.jpg)
| ||
| معلومات عامة | ||
| زيادة | 6 يوليوز 1907 كويوكان (لمكسيك) | |
| لموت | 13 يوليوز 1954 (47 عام) كويوكان (لمكسيك) | |
| طريقة دلموت | موتة طبيعية | |
| سباب لموت | ذات الرئة القصبية، انصمام رئوي و التهاب الوريد | |
| لجنسية | لمكسيك | |
| لحرفة | رسامة | |
| لّوغات لي كيعرف | صبليونية | |
| لفاميلة | ||
| لواليد | Guillermo Kahlo | |
| خوت | Cristina Kahlo y Calderón | |
| شريك | دييڭو ريڤيرا (1929–1939), طلاق دييڭو ريڤيرا (1940–1954), موت | |
| معلومات خرى | ||
| دين | إلحاد | |
| لحيزب | Mexican Communist Party (1927–1951) | |
| لأعمال |
| |
| ستيل | رسم البورتريه، بورتريه ذاتي و پورطري | |
| ||
     
| ||
ماݣدالينا كارمين فريدا كاهلو إي ثالديرون (ب صبنيولية: Magdalena Carmen Frida Kahlo y Calderón؛ es( 6 يوليوز 1907 – 13 يوليوز 1954) رسامة مكسيكية تعرفات بالپورتريهات، الپورتريهات الذاتية، والأعمال المستمدة من الطبيعة والآثار المكسيكية. التأثر ديالها بالثقافة الشعبية ديال بلادها خلاها تستخدم أسلوب الفن الفطري والشعبي باش تستكشف الأجوبة ديال أسئلة متعلقة بالهوية، ما بعد الاستعمارية، الجنس، الطبقات، والأعراق في المجتمع المكسيكي.[1] رسوماتها غالبا كتحمل عناصر قوية ديال الأوتوبيوغرافيا والواقعية المختالطة بالخيال. بالإضافة لانتمائها لحركة مكسيكايوتل، اللي كتسعی باش تعرّف هوية مكسيكية، تم وصف كاهلو بأنها سريالية ولا واقعية سحرية.[2]
كاهلو تولدات من أب ألماني وأم مستيزو، ودوزات معظم فترة الطفولة والبلوغ في La Casa Azul (البيت الأزرق) الدار ديال عائلها في كويوأكان، واللي دابا مفتوحة في وجه العموم باسم متحف فريدا كاهلو. علی الرغم من العجز ديالها وهي طفلة صغيرة بسبب إصابتها بشلل الأطفال إلا أنها كانت تلميذة نجيبة كتحلم باش تدخل شي مدرسة ديال الطب حتال النهار اللي طرات ليها كسيدا في سن 18 الشي اللي سبب ليها ألم ومشاكل صحية طول عمرها. أثناء التعافي ديالها رجعات للموهبة ديالها في الطفولة؛ الرسم، وهي دايرا في راسها باش تكون فنانة.
الاهتمام ديال كاهلو بالسياسة والفن قادها باش تنضم للحزب الشيوعي المكسيكي في 1927، فين تلاقات مع زميلها الفنان المكسيكي دييݣو ريڤيرا اللي غادي يتزوج بيها في 1928. قضی الزوجان أواخر العشرينات وبدايات الثلاثينات في السفر بجوج في المكسيك والولايات المتحدة. وفخلال هاد الفترة، طورات كاهلو أسلوبها الفني، اللي تميز بالتأثر بالثقافة الشعبية المكسيكية، ورسمات فالغالب پورتريهات ذاتية صغيرة مزجات فيها عناصر من المعتقدات قبل الكولومبية والكاثوليكية. لوحاتها أثارت اهتمام الفنان السريالي أندري بريتون، واللي نظم لكاهلو أول معرض منفرد ليها في جوليان ليڤي ݣالري في نيويورك سنة 1938.
كان المعرض ناجح وتبعو واحد آخر في باريس سنة 1939. المعرض ديال فرنسا كان أقل نجاحا، وواخا هاكاك شرا اللوڤر واحد اللوحة من عند كاهلو، "الإطار"، وبهادشي ولات هي أول فنان مكسيكي كتدخل أعمالو فتشكيلة اللوڤر. شاركات كاهلو فالأربعينيات فمعارض أخری في المكسيك والولايات المتحدة، وخدمات فالتعليم ديال الفن. قرّات في المدرسة الوطنية للرسم، النحت، وصناعة الطباعة "لا إزميرالدا" وكانت عضو مؤسس لندوة الثقافة المكسيكية. الصحة الضعيفة ديال كاهلو بدات كتضعف كثر في نفس العقد؛ دارت أول معرض ديالها منفرد في المكسيك عام 1953، قبل وقت قصير من الوفاة ديالها عام 1954 فعمر 47 سنة.
أعمال كاهلو كفنانة بقات بشكل نسبي ما معروفاش حتال أواخر السبعينات، ملي تم إعادة الاكتشاف ديالها من قبل مؤرخي الفن والناشطين السياسيين. فأواخر التسعينات، كاهلو ما ولاتش غير شخصية معترف بها فتاريخ الفن وصافي، ولكن ولات كتعتابر أيقونة لحركات الشيكانو، لفيمينيزم، و مجتمع لميم. كيتحتافل بالعمل ديال كاهلو علی المستوی الدولي علی أنه رمز للتقاليد الوطنية وتقاليد السكان الأصليين في المكسيك، وحتی من قبل النسويين اللي كيشوفو فيه بأنه مثال ما فيهش المساومة للتجربة والشكل الأنثوي.[3]
- ^ Christiane، Weidemann (30 أبريل 2008). 50 women artists you should know. Larass, Petra., Klier, Melanie. Munich: Prestel. OCLC 195744889. ردمك 978-3-7913-3956-6.
- ^ Rosenthal، Mark (2015). Diego and Frida: High Drama in Detroit. Detroit, Michigan : Detroit Institute of Arts, [2015] New Haven; London : Yale University Press, [2015]. ص. 117. ردمك 9780895581778.
- ^ Broude, Norma؛ Garrard, Mary D (1992). The Expanding Discourse: Feminism and Art History. ص. 399.
|
تقدر تزيد شوف بزاف د تّصاور و لمعلومات ديال Frida Kahlo ف ويكيميديا كومنز. |