مصر القديمه
| ||||
---|---|---|---|---|
البلد | ![]() | |||
![]() | ||||
القاره | افريقيا | |||
تاريخ التأسيس | 4 ألفية ق.م | |||
تاريخ الالغاء | 30 ق.م | |||
سبقه | مصر قبل التاريخ | |||
انتهى بتاريخ | 395 | |||
إحداثيات | 29°48′N 31°18′E / 29.8°N 31.3°E | |||
![]() | ||||
تعديل ![]() |
![](http://upload.wikimedia.org/wikipedia/commons/thumb/a/af/All_Gizah_Pyramids.jpg/250px-All_Gizah_Pyramids.jpg)
مصر القديمه هى مصر وحضارتها و ثقافتها اللى اتشكلت زمان فى منطقة وادى النيل فى شمال شرق افريقيا. قدماء المصريين هما المصريين القدام ، عنصر ميديترينيانى ( بحر متوسطى ) دخلوا منطقة وادى النيل فى العصور القديمه و استقروا فيها [1] حوالين نهر النيل و اسسو حضارة عظيمة عمرها اكتر من خمس-ت-الاف سنة. الحضارة دى بدات تقريا سنة 3150(ق ع ح )[2] بعد توحيد شمال و جنوب مصر فى دولة واحدة مركزية استمرت شامخة لمدة تلات-ت-الاف سنة.
عدا تاريخ مصر القديمة ب تلات مراحل استقرار(المملكة القديمة و المملكة الوسطانية و المملكة الحديثة ) و فترات انهيار قصيره بين المراحل التلاتة دي.بعد انهيار المملكة الحديثة دخلت مصر فى حالة انهيار مستمرةاتميزت بالاحتلال الاجنبى لارض مصر.
انتهى حكم الفراعنة رسمى لمصر سنة 31(ق ع ح)بعد معركة اكتيوم البحرية اللى انهزمت فيها كليوباترا ملكة مصر و اخر الفراعنة و بعديها احتل مصر و حولوها لاول مرة فى تاريخها لمجرد مقاطعة او اقليم تابع الامبراطورية الرومانية.
ازدهرت الحضارة المصرية القديمة بسبب سيطرة المصريين على الطبيعة اللى حواليهم، يعنى لما مثلا قدروا يطوروا نظام الري، كان عندهم فايض كبير جدا فى الحبوب و المحاصيل اللى امن لمصريين القدام درجة من الاستقرار الاجتماعى و التطور و الابداع الثقافي. الغنا و الاستقرار الاجتماعى مكن الادارات المصرية من الصرف على مشاريع كبيره زى استخراج المعدان من وادى النيل و الصحراء اللى حواليه، اختراع الابجدية الهيروغليفيه ، تشييد المعابد و القصور و المقابر و الاهرامات، ازدهار التجارة من الشعوب المجاورة، تكوين جيش قوى و هزيمة اعداء مصر. كل دا كان دليل على مستوى التطور اللى وصل ليه المصريين القدام وخصوصا طبقة الكتاب و القادة الدينيين و الاداريين اللى كانو بيشتغلوا فى تناغم تحت الحكم القوى للفراعنة اللى كانو بدورهم رمز لوحدة المصريين القدام بشكل عام.
المصريين القدام اسسوا حضارة و تركو للبشرية كلها تراث عظيم لسة لحد دلوقتى محل تقدير كل العالم.
الدراسات الحديثه اللى عملوها علما المصرولوجيا فى جامعة اكسفورد باستخدام " كربون 14 " على عينات من الاثار المصريه القديمه بينت ان تاريخ الدوله المصريه القديمه اقدم من اللى كان معروف، واتفقوا على ان تاريخ الدوله المصريه ابتدا من الفتره ما بين 2691 و 2626 قبل الميلاد، و ان الدوله المصريه الحديثه بدات ما بين 1570 و 1544 قبل الميلاد.[3]
الانجازات
كتير من الانجازات اللى حققها المصريين شملت نظام الرياضيات ، والمحاجر ، والمسح و طرق البنا اللى سهلت بنا الاهرامات والمعابد والمسلات الضخمة ، و الخزف و الازاز و التكنولوجيا ، وعملية فعالة لنظام الطب ، و أشكال جديدة من الادب ، و نظم الرى و اساليپ الانتاج الزراعى ، واقدم معاهدة سلام.[4]
كل الانجازات دى سابت لمصر ميراث دايم من : الفن والعمارة و الاثار و اتقلدت فى كل العالم ، و ألهمت خيال الكتاب والرحاله من قرون. الاحترام الجديد للحضارة المصرية وصل لبداية الحفريات الحديثة و للدراسة العلمية وتقدير اكبر لتراث المصريين الثقافى لمصر و العالم.
التاريخ
بحلول فترة أواخر العصر الحجرى مناخ شمال افريقيا بقى بصورة متزايدة حر و جاف ، ده اجبر سكان المنطقة على التركيز على طول وادى النيل ، و بعد ما كانو من البدو الصيادين اللى كانو عايشين فى المنطقة فى العصر الجليدى حوالى 1.8 مليون سنة بقى النيل شريان الحياة فى مصر.[5] فيضانات النيل الخصبة ادت البشر الفرصة لتطوير الاقتصاد الزراعى و استقرار أكتر فى التطور و فى المركزية فى المجتمع اللى بقى حجر الزاوية فى تاريخ الحضارة الانسانية.[6]
فى سنة 2010 علما المصرولوجيا فى جامعة اكسفورد عملوا دراسات باستخدام " كربون 14 " على 211 عينة من الاثار المصريه القديمه و قدروا انهم يتوصلو لان تاريخ الدوله المصريه القديمه اقدم من اللى كان معروف واتفقوا على ان تاريخ الدوله المصريه ابتدا من الفتره ما بين 2691 و 2626 قبل الميلاد ، و ان الدوله المصريه الحديثه بدات ما بين 1570 و 1544 قبل الميلاد.[3]
الحكومة والاقتصاد
الفرعون كان هو الملك المطلق للبلد ، من الناحية النظرية على الاقل ، مارس السيطرة الكاملة على الارض ومواردها. الملك كانهو القائد العسكرى الاعلى ورئيس الحكومة اللى يعتمد على البيروقراطين من المسؤولين علشان ادارة شؤونه.
اللغه
![](http://upload.wikimedia.org/wikipedia/commons/thumb/c/ce/Egypt_Hieroglyphe2.jpg/220px-Egypt_Hieroglyphe2.jpg)
الماده الرئيسيه : اللغه المصريه القديمه
التطور التاريخى للغه
- الهيروغليفيه
- الديموطيقيه
- الهيراطيقيه
- اللغه القبطيه
الادب
الماده الرئيسيه : الادب المصرى القديم
المصريين القدام كان عندهم اداب متنوعه منها الدينى و منها الجنزى و منها الدنيوى. لغتهم كانت مليانه بالتشبيه و الاستعاره و الجناس اللفظى. و الادب المصرى القديم من اقدم اداب العالم لكن ما وصلش للعصر الحديث الكتير منه لانه كان متدون على ورق البردى اللى الزمن قضى عليه و اللى وصل منه ضاعت منه اجزاء. لكن اللى وصل بيبين ان الادب المصرى القديم كان ادب مميز و غنى بالمواضيع و الاساليب الفنيه وانه كان بيجمع بين القصه و القصيده و الملحمه و موضوعاته كانت بتتراوح مابين اشعار الحب و التأمل الصوفى و الاداب العامه و حكايات الابطال. فى الادب الدينى المصرى كان فيه اناشيد كتيره بتمجد الالهه و بتوصفها. من امثلة الادب الجنزى متون الاهرام ، و نصوص التوابيت ، و كتاب الاموات. و من أمثلة الادب الدنيوى حكايات و حواديت بديعه زى قصة خوفو و السحارين ، و البحار الغريق ،و الفلاح الفصيح ، و سنوهى ، و نصايح الوزير بتاح حوتب ، و الملكين مرى كارع و امنمحتب الاول ، و الحكيم امنمؤبى ، و " تحذيرات العراف ايبوود ، و " الملل من الحياه " . و جنب ده كان فيه الأغانى الجميله المليانه عواطف و حب و التمثليات الشيقه زى تمثيلية حياة اوزوريس ، و تمثيلية صراع حورس و ست.
العماره المصريه القديمه
![](http://upload.wikimedia.org/wikipedia/commons/thumb/5/52/Panorama_Abu_Simbel.jpg/400px-Panorama_Abu_Simbel.jpg)
العماره المصريه القديمه هى نظام البنا المصرى فى العصور الفرعونيه ، بتتسم بالمعابد و المقابر الراسخه ، و الحيطان السميكه اللى مافيهاش فتحات كتيره ، و اللى بتغطيها رسومات و نقوش و كتابات هيروغليفيه ملونه. طراز البنا المصرى القديم فيه مهابه و عظمه و بيأثر فى نفس اللى بيشوفه. من اشهر العماير دى الاهرامات و معبد الكرنك و الدير البحرى معبد ابو سمبل.
شوف كمان
لينكات خارجيه
![]() |
المصريين القدام | ![]() | |
---|---|---|---|
حكام المملكة القديمة والاسرات المبكرة: نارمر-مينا | زوسر | سنفرو | خوفو | خفرع | من كاو رع | پيپى التانى | ساحورع | |||
حكام المملكة الوسطانية: منتوحوتپ الثانى | منتوحوتپ الرابع | سنوسرت التالت | أمنمحات التالت | سبك نفرو | سكنن رع | كاموس | |||
حكام المملكة الحديثة: أحموس | حتشپسوت | تحوتمس التالت | أمنحوتپ التالت | أخناتون | توت عنخ أمون | رمسيس الأول | رمسيس التانى | |||
ملكات: تتى شرى | احمس-نفرتارى | الملكه احموس | تيى | نفرتيتى | عنخ اسن آمون | نفرتارى | اعح حتب | |||
الآلهة: أمون | ايزيس | سيت | بتاح | أوزوريس | حورس | حابى |خونسو | رع | جب |
مصادر
- ↑ Aziz Surial Atteya, The Coptic contribution to Chriatian civilization, p.5
- ↑ Only after 664 BC are dates secure. See Egyptian chronology for details. "Chronology". Digital Egypt for Universities, University College London. Retrieved 2008-03-25.
- ↑ أ ب أوكسفورد تعدل تاريخ مصر الفرعونية، الأهرام، عدد45226، 4 اكتوبر 2010
- ↑ Clayton (1994) p. 153
- ↑ Shaw (2002) p. 17
- ↑ Shaw (2002) pp. 17, 67–69
| ||||
---|---|---|---|---|
| ||||