السياسه بتشرح القواعد و الشروط اللى لازم كل اللى بيضيف أو يعدل فى ويكيبيديا مصرى يتبعها, السياسات بتبقى رسميه بعد نقاش و اتفاق عليها و ممكن تتعدل أو تتلغى بنفس الطريقه. لو عايز تقترح تعديل, لو سمحت اقترحه فى صفحة المناقشه.
تم تحسين مقالات ويكيبيديا من خلال العمل الجاد للمحررين المنتظمين و الجداد, افتكر: كنا كلنا محررين جداد فى ويكيبيديا اول ما جينا, و بطريقه ما (لما يتم تحرير مقال برى المعتاد) حتى الخبرا بيننا بيكونو جداد.
الاعضاء الجداد هما مساهمبن محتملبن و لكدا هما المورد الاكتر قيمه فى ويكيبيديا, لازم نتعامل معاهم بلطف و صبر, موش من الضروري يكون الللى جاى جديد عارف كل حاجه عن لغه الترميز الخاصه بويكيبيديا و السياسات و الارشادات و معايير المجتمع, حتى المحررين الاكتر خبره ممكن يحتاجو لتذكير لطيف من وقت للتانى.
كتير من المستخدمين (اللى بقو دلوقتى خبرين) بيعملو تعديلات اختباريه او بيضيفو مواد من غير مصدر, التواصل مع الوافدين الجداد بصبر جزء من ضمان بقائهم على ويكيبيديا و المساهمه فى النهايه بطريقه بناءه.
ماتعذبش المساهمين الجداد
افهم ان الوافدين الجداد ضروريون للمجتمع, من خلال مساعده الوافدين الجداد نقدر نزيد نطاق المعرفه و وجهات النظر و الافكار على ويكيبيديا و بالتالى المحفاظ على حيادها و نزاهتها كمورد و زياده قيمتها.
افتكر ان شعارنا و دعوتنا للوافد الجديد انه يكون جرئ, عندنا مجموعه من القواعد و المعايير و التقاليد, لكن موش لازم تطبيقها بطريقه بتادى لاحباط جهود الوافدين الجداد اللى, الوافد الجديد ثروه من الافكار و الابداع و الخبره من المجالات التانيه اللى بغض النظر عن القواعد و المعايير الحاليه عندها القدره على تحسين مجتمعنا و ويكيبيديا ككل, يمكن يكون اللى بيعمله الوافد الجديد "خطا" لكن فى النهايه بيحسين ويكيبيديا, راقب لفتره من الوقت و لو لزم اساله بيحاول يعمل ايه.
لو الوافد الجديد عمل خطا بسيط صلحه بنفسك و ما تنتقدش شغله, ممكن تكون ملاحظه لطيفه على صفحه نقاش المستخدم الخاصه بيه بتشرح معيار ويكيبيديا مفيده.
الوافد الجديد ممكن يعمل مسوده اوليه مؤقته عشان يعرف لو كان مسموح ليه ببدء مقال, استنى عليه كم يوم عشان تشوف تطور مقالته بدل من التسرع فى الانتقاد.
لو كام لازم تقول حاجه للوافد الجديد عن خطا معين لو سمحت اعمل داه بطريقه بناءه و محترمه, قدم نفسك بتحيه على صفحه نقاش المستخدم و رحب بيه و قدم تصحيحاتك بهدوء.
ذكر الوافدين الجداد اننا بنحفظ كل حاجه, لما يتم التراجع عن تعديلاتهم ممكن يخافو او يبداو حرب تعديل او يسيبو ويكيبيديا.
علم الجداد يكونو جرئيين فى عمل التغييرات.
وجه المستخدم الجديد اللى ارتكب خطا لصفحات السياسه المناسبه.
خفف من حده الخطاب المعتاده لما توجهلو نصيحه, خلى الوافد الجديد يحس بانه مرحب بيه.
احيانا بينسى الجداد التوقيع على غى صفحه النقاش الخاصه بيهم. استخدم قالب {{مش ممضى}} و فكر المستخدم اللى نسى.
افترض حسن النيه و اديلو فرصه!
الخبره او الامتيازات موش سبب للرضوخ الافتراضى من الجداد للقدامى, اساس العلاقات هوا الاحترام المتبادل بين كل المستخدمين.
من المفضل توجيه المستخدمين لطرق التعديل.
افتكر انك كنت مره وافد جديد.
ازاى ماتكونش معذب
الوافدين الجداد موش هيكون عندهم فكره كويسه عن ويكيبيديا و هياخدو وقت على ما يتعودو, حاول:
ما تمسحش, انما حسن.
تجنب المبالغات فى التعليقات (زى, غبى , سىء , الخ).
اشرح دايما التراجعات فى ملخص التحرير.
اتجنب السخريه فى تحرير الملخصات و فى صفحات المناقشة.
سياسات ويكيبيديا
ارشادات ويكيبيديا