Andrea Leeds

Andrea Leeds
Vida
Nacimientu	Butte (es) , 14 d'agostu de 1914
Nacionalidá	Estaos Xuníos
Llingua materna	inglés
Muerte	Palm Springs, 21 de mayu de 1984 (69 años)
Sepultura	Desert Memorial Park (es)
Causa de la muerte	cáncanu
Estudios
Llingües falaes	inglés
Oficiu	actriz, actriz de cine
Nominaciones	ver Óscar a la meyor actriz de repartu ; (6 febreru 1938): Stage Door;
IMDb	nm0498571

Andrea Leeds (14 d'agostu de 1914, Butte ^(es) – 21 de mayu de 1984, Palm Springs) foi una actriz cinematográfica d'Estaos Xuníos nomada al Premiu Óscar.

El so verdaderu nome yera Antoinette Lees, y nació en Butte, Montana. Entamu la so carrera cinematográfica en 1934 interpretando pequeños papeles, y usando'l so verdaderu nome. Yá como Andrea Leeds tuvo'l so primer papel importante na película de 1936 Come and Get It (Rivales). Consiguió un nuevu ésitu al añu siguiente con It Could Happen to You (1937).

Foi nomada al Óscar a la meyor actriz de repartu pol so siguiente papel, el d'una fracasada aspirante a actriz en Stage Door (Dames del teatru) (1937). Formó parte d'una repartu d'actrices de gran sonadía, incluyendo a Katharine Hepburn, Ginger Rogers, Lucille Ball y Eve Arden. A pesar d'ello, foi emponderada y destacada pola crítica. Tres el so ésitu nesta película, Leeds fixo pruebes pal papel de Melanie en Gone with the Wind, que finalmente consiguió Olivia de Havilland.

La so sustancial calidá fizo que fuera escoyida pa trabayar en The Goldwyn Follies (1938) faciendo'l papel de "Miss Humanity". El filme tuvo poco ésitu y nun recibió bones crítiques.

Darréu actuó en dos películes xunto a Joel McCrea, Youth Takes a Fling (Vocación de marín) (1938) y They Shall Have Music (1939), la primer ocasión na que tuvo un papel protagonista. Siguió interpretando papeles protagonistes románticos na película d'aventures ambientada na Filipines de 1906, The Real Glory (La xungla n'armes), xunto a Gary Cooper y David Niven, y en Swanee River (1939), xunto a Don Ameche, biografía en Technicolor de Stephen Foster,

La so última película, Earthbound (1940), yera de tema fantástica, sobre una muyer (el papel de Leeds) que resuelve l'asesinatu del so home cola ayuda de la so pantasma.

Estes películes tuvieron abondo ésitu, polo que Leeds fíxose una actriz popular. Sicasí, en 1939 casóse col deportista Robert S. Howard, y decidió dexar el cine pa centrase na so familia. Dedicóse a la cría de caballos, y tres la muerte de Howard en 1962 dirixó un negociu de xoyería. Foi'l so únicu matrimoniu. Tuvo dos fíos, unu de los cualos finó primero que ella.

Andrea Leeds morrió por causa de un cáncer en Palm Springs, California, a los 69 años d'edá. Como residente de la ciudá mientres años, ye recordada como una de les sos ciudadanes más importantes, teniendo una estrella nel Paséu de la Fama de Hollywood. Foi soterrada nel campusantu Desert Memorial Park en California.

Referencies

↑ ^1,0 ^1,1 Afirmao en: autoridaes BNF. Identificador BnF: 141979796. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

Enllaces esternos

Andrea Leeds na Internet Movie Database (n'inglés)

[81d52079deccd22a53ab206274f00eb886c1a307-1] 1,0 ^1,1 Afirmao en: autoridaes BNF. Identificador BnF: 141979796. Data de consulta: 10 ochobre 2015. Autor: Biblioteca Nacional de Francia. Llingua de la obra o nome: francés.

[1]