Saltar al conteníu

Chavela Vargas

De Wikipedia
Chavela Vargas
Vida
Nacimientu San Joaquín, 17 d'abril de 1919[1]
Nacionalidá Bandera de Méxicu Méxicu
Muerte Cuernavaca[2], 5 d'agostu de 2012[3] (93 años)
Causa de la muerte insuficiencia respiratoria[4]
Estudios
Llingües falaes castellanu[5]
Oficiu artista caleyera, cantante, música, actriz de cine, artista d'estudiu
Premios
Influyencies José Alfredo Jiménez
Xéneru artísticu ranchera (es) Traducir
Instrumentu musical guitarra
voz
Discográfica RCA Records
IMDb nm0889805
Cambiar los datos en Wikidata
Conciertu de Chavela Vargas en Madrid, 2006

María Isabel Anita Carmen de Jesús Vargas Lizano, conocida como Chavela Vargas (17 d'abril de 1919, San Joaquín – 5 d'agostu de 2012, Cuernavaca), foi una cantante costarricana-mexicana. Considérasela una figura principal y peculiar de la música ranchera.

La canción ranchera ye un xéneru musical mui masculín y sensual, cantáu polo xeneral por homes. Chavela cantaba davezu canciones interpretaes por homes sobro'l so deséu poles muyeres. Vistía comu un home, fumaba tabacu, bebía muncho, llevaba pistola y yera reconocía pol so carauterísticu ponchu roxu. Nuna entrevista pa la televisión colombiana nel añu 2000, espresó abiertamente que yera lesbiana.

Vida profesional

[editar | editar la fonte]

Chavela Vargas coló pa Méxicu cuando tenía 14 años y dempués adoptó la nacionalidá mexicana. Per munchos años cantó nes cais hasta que nos sos trenta fízose cantante profesional, cola aida de José Alfredo Jiménez, cantante y compositor de los sos mayores ésitos.

El so primer álbum foi espublizáu en 1961 y dende entóncenes grabó más d'ochenta discos. Retiróse parcialmente a finales de los años setenta pero tornó con tol renome en 1991.

Apaeció na película de Julie Taymor Frida, cantando el so gran clásicu Paloma negra. Ella mesma na so xuventú tuvo un idiliu cola pintora mexicana, Frida Kahlo. En 2003, a la edá de 83 años, presentóse nel Carnegie Hall.

Tamién apareció en Babel, la película d'Alejandro González Iñárritu, cantando «Tú me acostumbraste», l'inmortal boleru de Frank Domínguez.

Vivía cola so pareya na so casa nuna sablera de la península de Nicoya, nel norte costarricacu y tamién en Méxicu, donde l'adoraben y tien munchos collacios intelectuales, periodistes y del mediu cultural y artísticu de la República Mexicana.

El 30 de xunetu de 2012 foi internada nel hospital Inovamed de la ciudá mexicana de Cuernavaca, con problemes crónicos en corazón, pulmones y reñones. Muerre'l domingu 5 d'agostu de 2012.

Referencies

[editar | editar la fonte]
  1. ↑ Afirmao en: Gemeinsame Normdatei. Data de consulta: 27 abril 2014. Llingua de la obra o nome: alemán. Autor: Biblioteca Nacional d'Alemaña.
  2. ↑ Afirmao en: Gemeinsame Normdatei. Data de consulta: 31 avientu 2014. Llingua de la obra o nome: alemán. Autor: Biblioteca Nacional d'Alemaña.
  3. ↑ «"Muere Chavela Vargas"».
  4. ↑ URL de la referencia: https://www.bbc.com/news/world-latin-america-19141242.
  5. ↑ Identificador CONOR.SI: 9886563. Afirmao en: CONOR.SI.
  6. ↑ Identificador del Boletín Oficial del Estado: BOE-A-2000-18627.

Enllaces esternos

[editar | editar la fonte]
Sacáu de «https://ast.wikipedia.org/w/index.php?title=Chavela_Vargas&oldid=4242262»