Estrechu de Foveaux

Estrechu de Foveaux
Situación
Reinos	Nueva Zelanda
Rexón	Southland
Distrito (es)	Distrito Southland (es)
Tipu	estrechu
Asitiáu en	Mar de Tasmania
Coordenaes	46°40′S 168°11′E / 46.67°S 168.19°E
	Estrechu de Foveaux Estrechu de Foveaux (Nueva Zelanda)
Datos
Noamáu por	Joseph Foveaux y Kiwa (en)
Llonxitú	130 km
Afluentes	ver Ríu Waiau, Cavendish River (en) , Murray River (en) y Wairaurāhiri River (en) ;

L'estrechu de Foveaux (n'inglés Foveaux Strait, en maorí "Te Ara a Kiwa" o Te Ara a Kewa) ye un estrechu marín que dixebra les islles de Nueva Zelanda d'islla Sur a la islla Stewart, la tercer mayor islla del país. Trés grandes badees, Te Waewae Bay, Oreti Beach y badea Toetoes cuerren a lo llargo de la mariña norte del estrechu, na que tamién ta la ciudá y el puertu de Bluff.

Nel estrechu atópense les islles Solander y la islla Ruapuke.

L'estrechu tien unos 130 km de llargu (dende la islla Ruapuke hasta la islla Little Solander) y un anchor dende 14 km na islla Ruapuke hasta los 50 km na badea de Te Waewae.

Tien una fondura que va dende los 20 m, al este, hasta los 120 m, al oeste.

Foi afayáu polos europeos en 1804, cuando Owen Folger Smith atopóla y llogró demostrar la insularidad de la islla Stewart, que James Cook creyó que taba xunida a la islla Sur.

L'estrechu lleva'l nome de Joseph Foveaux (1767-1846), Teniente Gobernador de Nueva Gales del Sur nesa dómina.

Esti tramu d'agua ye bien bravíu y con agües traicioneres. Esta asitiau na metá de la zona de vientos conocida como les Ruxentes Cuarentes y bien raramente esta n'aselu.

L'estrechu de Foveaux ye'l llar de la pesquería d'ostres de Bluff, Ostrea chilensis^[1] les ostres son recoyíes por una flota de barcos de dragáu, na so mayoría operando dende Bluff Harbour na Islla Sur, ente marzu y agostu de cada añu .

La pesca d'ostres empezó na islla Stewart mientres la década de 1860 y gradualmente treslladóse al estrechu col descubrimientu de criadorios d'ostres más grandes en 1879.

L'estrechu ye una estensión d'agua dura y, de cutiu, traicionera. En Mayu de 2006, seis marineros morrieron nel área de les Islles Tītī- Muttonbird , cuando'l so arrastreru fundióse, cerca de la islla de les Muyeres, mientres tornaba a Bluff. Dende los años 1998 a 2012 hubo un total de 23 muertes nel Estrechu, con seis incidentes nos últimos años.

John van Leeuwen nadolu el 7 de febreru de 1963, nun tiempu de 13 hores y 40 minutos.^[2]^[3]^[4]

Referencies

↑ «Les extrañes ostres de Bluff». Archiváu dende l'orixinal, el 2022-12-17.
↑ From Cape Campbell to Foveaus strait, East coast, middle island. (n'inglés)
↑ [The Dangerous Cook Strait - Roadside Stories (n'inglés)
↑ Cuatro muertos y cuatro sumíos nun naufraxu nel estrechu de Foveaux, N.Z.

Enllaces esternos

[1] «Les extrañes ostres de Bluff». Archiváu dende l'orixinal, el 2022-12-17.

[2] From Cape Campbell to Foveaus strait, East coast, middle island. (n'inglés)

[3] [The Dangerous Cook Strait - Roadside Stories (n'inglés)

[4] Cuatro muertos y cuatro sumíos nun naufraxu nel estrechu de Foveaux, N.Z.

[1]

[2]

[3]

[4]