Nina Sublatti

Nina Sublatti
Vida
Nacimientu	Moscú, 31 de xineru de 1995 (29 años)
Nacionalidá	Xeorxa
Oficiu	cantante, modelu, compositora, calígrafa
	Participante Festival de la Canción de Eurovisión 2015 (es) (11.) ;
Xéneru artísticu	pop; Dark wave (es) ; indie pop (es)
Instrumentu musical	pianu; voz
	ninasublatti.com

Nina Sulaberidze (xeorxanu: ნინა სულაბერიძე; 31 de xineru de 1995, Moscú), más conocida pol so nome artísticu Nina Sublatti, ye una cantante, pianista, compositora, modelu, especialista en artes plástiques y calígrafa xeorxana. En 2013 ganó la séptima edición de la versión xeorxana del talent show "Idols", tituláu "Saqartvelos Varskvlavi" ("საქართველოს ვარსკვლავი"). Foi la representante de Xeorxa nel Festival del Cantar d'Eurovisión 2015.

Vida y carrera

1995-2013: Entamos

D'ascendencia xeorxana, Sublatti nació na capital rusa Moscú, el día 31 de xineru del añu 1995. Poco dempués de la so nacencia, tornó xunto a los sos padres a Xeorxa. Mientres la so infancia tamién vivió un tiempu en Riga (Letonia). Les sos influencies musicales de siempre fueron Janis Joplin, Brian Molko y Björk. Estudió caligrafía, pintura, dibuxu y escultura nuna escuela d'arte. En rematando los sos estudios, en 2008 robló un contratu con una axencia de modelos y empezó a modelar. Darréu en 2011 empezó a trabayar nel Georgian Dream Studio collaborando col cantante Bera Ivanishvili.^[2]

1965-presente

En 2013 foi la ganadora de la séptima edición de la versión xeorxana del talent show "Idols", tituláu "Saqartvelos Varskvlavi" ("საქართველოს ვარსკვლავი") emitíu na cadena de televisión Rustavi2. Darréu en 2014 llanzó'l so primer álbum tituláu "Dare to Be Nina Sublatti", que se convirtió nel álbum más vendíu en Xeorxa.

Darréu n'avientu de 2014, anuncióse que Nina yera una de los cinco concursantes que pertenecíen pa representar a Xeorxa en eurovisión, resultando'l 14 de xineru de 2015 ser la ganadora de la selección nacional col cantar "Warrior" y pasando a ser la representante de Xeorxa nel Festival del Cantar d'Eurovisión 2015 que se celebró nel Wiener Stadthalle de la ciudá de Viena, Austria. El cantar ta compuesta pol compositor y músicu suecu Thomas G:son, la puesta n'escena ta diseñada pola coreógrafa sueca Sacha Jean-Baptiste y el videoclip ta dirixíu pol xeorxanu David Gogokhia, que yá trabayó enantes nunos de los primeres singles de Nina.

Nel festival eurovisivo, el 19 de mayu en superando la semifinal con 98 puntos, llegó a la gran final onde actuó na 23 posición y finalmente quedó nel 11º puestu con un total de 51 puntos llograos.

Mientres anguaño 2015 amás de sacar el single "Warrior" utilizáu pal festival de eurovisión, sacó otros más titulaos: "Dark Desire", "Sleep", "I've Got an Idea", "Locked Box" y "You Call Me Devi", que fueron incluyíos nel so nuevu álbum "Locked Box", llanzáu'l día 27 de xunetu.

Ver tamién

Referencies

↑ Afirmao en: Discogs. Identificador Discogs d'artista: 4355581. Apaez como: Nina Sublatti. Data de consulta: 9 ochobre 2017. Llingua de la obra o nome: inglés.
↑ «Xeorxa: Get to know national selection finalist Nina Sublatti» (inglés). Wiwibloggs (25 d'avientu de 2014). Consultáu'l 21 de mayu de 2015.

Enllaces esternos

Sitiu web oficial

Nina Sublatti en Facebook

Nina Sublatti en Twitter

Ficha de Nina Sublatti en Discogs

Predecesor:
Mariko Ebralidze y The Shin
con «Three minutes to Earth»

Xeorxa nel Festival d'Eurovisión
2015

Socesor:
Nika Kocharov & Young Georgian Lolitaz
con «Midnight Gold»

[f63b55ffdf1204531be39e7633e80108374108f8-1] Afirmao en: Discogs. Identificador Discogs d'artista: 4355581. Apaez como: Nina Sublatti. Data de consulta: 9 ochobre 2017. Llingua de la obra o nome: inglés.

[2] «Xeorxa: Get to know national selection finalist Nina Sublatti» (inglés). Wiwibloggs (25 d'avientu de 2014). Consultáu'l 21 de mayu de 2015.

[1]

[2]