Paintball
 | Esti artículu o seición necesita referencies qu'apaezan nuna publicación acreitada, como revistes especializaes, monografíes, prensa diaria o páxines d'Internet fiables. |
El Paintball (traducción lliteral al asturianu ye bola de pintura) ye un deporte nel que los participantes empleguen pistoles d'aire comprimíu denomaes marcadores (markers) pa disparar pequeñes boles de pintura escontra los otros xugadores. N'esencia ye un xuegu de persecución complexu, pues elimínense los xugadores a los que-yos da la pintura.
Normalmente nuna partida de paintball enfréntense dos equipos col envís d'eliminar a tolos xugadores del equipu contrariu o completar l'oxetivu (como capturar la bandera o eliminar a un xugador en concretu). Un xuegu de paintball típicu non profesional suel tardar d'unos cinco minutos a media hora. L'equipu básicu precisu pa prauticar el paintball nun ye mui caru (magar que si puen selo los marcadores y demás d'alta gama). El númberu de boles de pintura disparaes nuna partida camuda muncho d'un xugador a otru: dellos disparen 100, dellos unes poques y aínda hailos que nun son quién a disparar nenguna en tola partida.
Dende la so ñacencia, el paintball enganchó a bien de xugadores ocasionales o permanentes. La Sporting Goods Manufacturer's Association estima qu'alrodiu de 10 millones d'estauxunidenses xueguen añalmente al paintball. Les estadístiques de les aseguradores indiquen que'l paintball ye ún de los deportes más seguros, aínda más que'l golf.
Les partides de paintball pueden xugase embaxo techu o al aire llibre y adoptar estremaes formes, como'l woodsball y el torneing o speedball. Les regles varíen ampliamente d'una forma a otra, diséñense de tala manera que la mayoría de los participantes esfruten d'un entornu seguru.
Referencies
[editar | editar la fonte]Enllaces esternos
[editar | editar la fonte]
Wikimedia Commons tien conteníu multimedia tocante a Paintball.
