Na tabla periódica de los elementos un periodu ye una ringlera de la tabla. El periodu al que pertenez un elementu vien dau pol númberu de capes electróniques que tien. El númberu atómicu de los elementos de cada periodu aumenta de forma regular d'esquierda a drecha. Elementos axacentes nun periodu tienen masa atómica asemeyada pero, de magar pertenecen a grupos diferentes, suelen tener diferente comportamientu químicu, pol mor de que son los electrones allugaos nos niveles más esternos los qu'en gran midida determinen les propiedaes químiques.
