Predicáu
El predicáu ye'l conxuntu de pallabres que s'arrexunten en redol a unu de los dos nucleos de la oración, el verbu. Ye un elementu necesariu de la sentencia gramatical, esto ye indispensable por que la oración tenga sentíu. Siempres ta formáu por un verbu en forma personal y cumple la función de nucleu del predicáu (o cópula, nes oraciones atributives); el restu de los elementos qu'acompañen al verbu van depender del tipu d'oración que teamos analizando. Podemos estremar dos tipos básicos de predicaos nes oraciones simples:
- Atributu: Formaos por un verbu copulativu (o semicopulativo) y un predicáu nominal. El suxetu rellaciónase semánticamente de forma direuta col atributu, que ye lo que se diz d'él; el verbu apenes tien significáu: namái sirve d'enllaz (o cópula) ente'l suxetu y l'atributu. Dacuando, esti tipu de predicaos puen llevar otros complementos.
- Predicáu verbal: Formaos por un verbu non copulativu (que cumple la función de nucleu del predicáu) y los sos posibles complementos.