Rexones económiques de Rusia

Rusia sodivídese en doce rexones económiques (en rusu экономи́ческие райо́ны, ekonomicheskiye rayony, en singular ekonomichesky rayon), que son grupos de suxetos federales que comparten les siguientes característiques:

Oxetivos sociales y económicos comunes, y participacióno en programes de desarrollu.
Condiciones y potencial económicu asemeyaos.
Condiciones climátiques, ecolóxiques ya xeolóxiques asemeyaes.
Metodoloxíes asemeyaes d'inspección técnica de les construcciones nueves.
Metodoloxía asemeyada de supervisión aduanera.
Condiciones de vida de la población asemeyaes.

Dengún suxetu federal puede pertenecer a más d'una rexón económica. Estas, además, agrúpense en zones económiques;una rexón económica, o partes d'ella, pueden pertenecer a rexones económiques diferentes. L'establecimientu y l'abolición de les rexones económiques y les zones económiques ye competencia del gobiernu federal de Rusia. Hai que señalar que la división en rexones económiques ye distinta de la división en distritos federales: les primeres úsense namái con propósitos económicos y estadísticos, mentantu que los segundos son l'instrumentu pa facer cumplir les lleis federales nel territoriu del país.

Tabla

Rexón económica	Población (2020)	Área (km²)
Centru	32.310.000	482.300
Chernozem Central	7.123.000	167.900
Siberia Oriental	6.119.000	3.371.800
Estremu Oriente	6.122.000	6.952.600
Kaliningráu	1.013.000	15.100
Cáucasu septentrional	22.629.000	381.600
Norte	4.473.000	1.476.600
Noroeste	8.497.000	195.200
Ural	18.699.000	823.300
Volga	15.807.000	539.800
Volgo-Viatski	7.153.000	264.800
Siberia Occidental	14.756.000	2.454.000

Referencies

Enllaces esternos