Vikipediya:Kənd meydanı

Qısayol: VP:KM

Mövzu əlavə et

Arxiv

Kənd meydanı

Bu səhifə Vikipediyanın təkmilləşdirilməsi ilə əlaqədar təkliflərin müzakirə olunması üçün nəzərdə tutulub. Bu səhifədə yalnız Vikipediyanın təkmilləşdirilməsi istiqamətində məsələlər müzakirə olunur və elanlar qeyd olunur.

Vikipediyadan istifadə ilə bağlı suallarınızı Vikipediya:Yardım masası səhifəsində qeyd edin.

Lütfən, digər mövzularda müraciətləriniz üçün aşağıda qeyd edilmiş müvafiq səhifələrə müraciət edin.

• İcma portalı
• İnzibatçılara müraciət
• Tez-tez soruşulan suallar
• Texniki müraciətlər
• Transliterasiya
• Addəyişmə müraciətləri
• Yükləmə müraciətləri
• Kateqoriya müzakirələri
• Şablon müzakirələri
• Şikayətlər

Azərbaycan bələdiyyələrinin siyahısı

Salam. Naxçıvan istisna olmaqla bütün bələdiyyələrin siyahısı rayonlar üzrə yaradılıb. 1607 bələdiyyə olduğunu nəzərə alsaq bu başadüşüləndir. Amma yaxın zamanlarda bu say 500-ə qədər endiriləcək. Təklif edirəm ki, Naxçıvan MR-də olduğu kimi, bələdiyyələrin siyahısını iqtisadi rayonlar üzrə yaradaq. 57 məqaləni 13 məqaləyə birləşdirə bilərik. Daha sonra isə Azərbaycan bələdiyyələrinin siyahısı məqaləsini silib, 14 bənddən ibarət olacaq siyahını Azərbaycanda bələdiyyə məqaləsinə birləşdirək. İndidən müzakirəni aparaq ki, qanun layihəsi qəbul olunandan dərhal sonra işə başlaya bilək. —gabbani ∆ mesaj 21:07, 23 fevral 2024 (UTC)

@Zohrab javad, bu mövzu sizə maraqlı ola bilər. Nemoralis (müzakirə) 21:36, 23 fevral 2024 (UTC)

Maraqlı təklifdir. Dəstək göstərməyə çalışaram. Ru-Vikidəki Qarabağın yaşayış məntəqələrinin məqalələrini yeniləyib qurtarsaydım, buraya daha aktiv ola bilərdim. Amma yenə dəstək göstərməyə çalışaram. Zohrab javad (müzakirə) 21:52, 23 fevral 2024 (UTC)

@Gabbani Bir məsələni diqqətinizə çatdırım. Mənə elə gəlir ki, hələ bəzi yaşayış məntəqələri üzrə bələdiyyə yaradılmayıbdır (Qarabağ və Şərqi Zəngəzur). Zohrab javad (müzakirə) 21:57, 23 fevral 2024 (UTC)

@Gabbani, @Nemoralis@Zohrab javad tələsməyə ehtiyac yoxdur. Məqalələrin müəllifi olaraq qanun layihəsinin qəbulunu və icrasını gözləməyi təklif edurəm. - Dr.Wiki54 (müzakirə) 23:52, 23 fevral 2024 (UTC)

Azərbaycanda bələdiyyə məqaləsi isə başqa mövzudu ora sıyahiların əlavəsi lazım deyil. Məqalənin adı Azərbaycanda bələdiyyə sostemi olaraq da dəyişdirilə bilər. - Dr.Wiki54 (müzakirə) 23:53, 23 fevral 2024 (UTC)

 Lehinə: razıyam. Bu qanun qəbul edilsə də, edilməsə də bələdiyyələr üçün bu qədər məqaləyə ehtiyac yoxdur. Naxçıvan MR kimi hamısı iqtisadi rayonlar üzrə qruplaşdırıla bilər. Azərbaycan bələdiyyə sisteminin faktiki vəziyyətini bilirik. Ən səlahiyyətsiz qurumlardan 1-cisidir. 1999-da ona görə yaradılmışdı ki, Azərbaycan Avropa Şurasına üzv ola bilsin. Şərtlərdən ən mühüm idi çünki. Digər bir məsələ də başqa vikilərdə də o vaxt bələdiyyə haqqında məqalə olur ki, əgər orada bələdiyyə inzibati bölgü növüdürsə (məsələn Gürcüstanda rayon əvəzinə bələdiyyədir. Tutaq ki, Marneuli rayonu yox, Marneuli bələdiyyəsi). Bizdə isə daha çox idarə kimidir. Amma səlahiyyətsiz, səlahiyyəti məhdud bir idarə. samral ^müzakirə 12:16, 26 fevral 2024 (UTC)

 Lehinə: yeri gəlmişkən, Azərbaycanda bələdiyyə məqaləsinin adının sonuna cəm şəkilçisi artırılsa, məncə, daha yaxşı olar. alternativ bir çıxış yolu kimi rayonların (şəhərlərin) məqalələrində bələdiyyələr üçün ayrıca == başlıq == açıb bələdiyyələri bir-bir === ikincidərəcəli başlıq === kimi əlavə etmək də olar. əkrəm. 19:44, 26 fevral 2024 (UTC)

---

N Nəticəsiz. — Turkmen ^müzakirə 09:24, 25 mart 2024 (UTC)

Azərbaycanca Vikipediyada uploader/yükləyici istifadəçi qrupunun yaradılması

Bu müzakirə bağlıdır. Xahiş olunur, heç bir dəyişiklik etməyin.

Phabricatorda izlənilir
T360847 Açıqdır

Qrupun əhəmiyyəti və texniki tərəfi

Hazırda az-vikidə fayl yükləmək üçün sadəcə avtotəsdiqlənmiş istifadəçi qrupunda olmaq kifayət edir. Lakin bu hal müəyyən mənada xaosa gətirib çıxarır. Çünki hazırda az-vikinin fayllar barədə konkret siyasəti yoxdur və yeni qeydiyyatdan keçmiş təcrübəsiz istifadəçilər isə rahatlıqla istədikləri kimi yükləmə həyata keçirə bilirlər. Qrupun əhəmiyyəti bu yöndə təcrübəli istifadəçilər toplamağa səbəb olacaq və həmçinin trafiki azaldaraq sistemləşdirmə yaradacaq. Və özü ilə müəyyən bir mədəniyyət gətirəcək. Turkmen ^müzakirə 23:05, 17 mart 2024 (UTC)

Mexanizm

Təcrübəli istifadəçilər inzibatçılar tərəfindən bu qrupa daxil edilir və paralel olaraq Vikipediya:Yükləmə müraciətləri səhifəsi də yaradılır. İstifadəçilər müvafiq mənbə və lisenziya əsasında faylların yüklənilməsini tələb edə bilirlər. Azad faylların birbaşa Vikianbara yüklənilməsini nəzərə alsaq, bir çox faylın ya internet üzərindən, ya da internetdə yoxdursa e-poçt üzərindən müvafiq qrupa aid olan istifadəçilərə göndərilməsi mümkündür.

Paralel olaraq yükləmə hüququ olmayan istifadəçilərə Xüsusi:Yükləmə səhifəsinə daxil olarkən Vikipediya:Yükləmə müraciətləri səhifəsinə baş çəkmələri ilə bağlı bildiriş yerləşdirilə bilər. Turkmen ^müzakirə 23:05, 17 mart 2024 (UTC)

Qrupun adı

Qrupun adını "yükləyənlər" yaxud "yükləyicilər" şəklində istifadə edə bilərik. Amma düşünürəm ki, inzibaçı/addəyişdirici və s. kimi adlandırmaları nəzərə alsaq, elə standart şəkildə "yükləyici" olsa daha yaxşı olar. Turkmen ^müzakirə 23:05, 17 mart 2024 (UTC)

Müzakirə

1.  Lehinə: inanıram ki, fikirlərimi geniş izah edə bildim. Turkmen ^müzakirə 22:59, 17 mart 2024 (UTC)
2.  Lehinə: əla Fikrdir yaradılsa efektiv olacağını düşünürəm -- ☞QRAF☜   (✉ → ♕) 23:03, 17 mart 2024 (UTC)
3.  Lehinə: məhdudlaşdırmaq lazımdır, faydalı olacaq lokal üçün. fayllar yüklənəcək commonsa. ora da onsuz özləri nəzarət edir)) müəllif hüququ pozulmayanları da silirlər, sağolsunlar)) Atakhanli (müzakirə) 23:46, 17 mart 2024 (UTC)
4.  Lehinə:— Araz Yaquboglu (müzakirə) 02:16, 18 mart 2024 (UTC)
5.  Lehinə: Hörmətlə, Gadir^müzakirə 03:37, 18 mart 2024 (UTC)
6.  Lehinə: — Firuza (müzakirə) 04:59, 18 mart 2024 (UTC)
7.  Lehinə: əla təklifdir. Moses :) 05:05, 18 mart 2024 (UTC)
8.  Əleyhinə: Azvikidəki hüquqların adi istifadəçilərdən alınıb hansısa hüquq arxasında məhdudlaşdırılmasını dəstəkləmirəm. Mənə görə addəyişdiricilər hüququ da mənasız və boş birşeydir. Bunu o halda dəstəkləyərəm ki hüquq müəyyən bir müddət sonra avtomatik verilsin, ruvikidəki kimi. Yoxsa belə düzgün deyil.— Nemoralis (müzakirə) 07:04, 18 mart 2024 (UTC)
9.  Lehinə: Əslində yüklənən faylları patrullamaq (və hətta təftiş etmək) lazım gəlirdi. Belə hüquq olsa təftiş əvvəlki mərhələyə keçəcək. Ölkədə (azərbaycandilli internet istifadəçiləri arasında deyək) müəllif hüquqları anlayışı çox zəifdi. Vikiyə yüklənməli olan bir çox fayllara düzgün göstərilməyən lisenziya səbəbindən imtina olunma riskini gözə alaraqdan da lehinə. — Bikar ^müzakirə 07:13, 18 mart 2024 (UTC)
10.  Əleyhinə: Mövcud vəziyyətdə buna ehtiyacın olmadığını düşünürəm.— Baskervill 07:53, 18 mart 2024 (UTC)
11.  Əleyhinə: Ehtiyac yoxdur. Çox da yanlış yükləmə yaşanmır. — NKO ^zi 07:55, 18 mart 2024 (UTC)
12.  Lehinə: lazımdır belə şey. Fayl yükləməyi bacarmayan şəxslər gəlib fayl yükləyirlər.— Şiroi Akuma 08:37, 18 mart 2024 (UTC)
13.  Bitərəf: Yəni bu qədər ciddimi durum?— namikilisu 10:48, 18 mart 2024 (UTC)
14.  Lehinə: Yaranacaq problemlərin qarşısını almaq və funksionallığı artırmaq üçün uyğun qərardır. Redivy (müzakirə) 10:50, 18 mart 2024 (UTC)
15.  Lehinə: — Xeyal ^(müzakirə) 20:45, 18 mart 2024 (UTC)
16.  Lehinə:— samral ^müzakirə 11:22, 19 mart 2024 (UTC)
17.  Əleyhinə: fikirlərlə razıyam. — eldarado(müzakirə | fəaliyyət | meta səhifəsi) 06:45, 23 mart 2024 (UTC)

---

Şərhlər

Nemoralis, mən də hansısa məhdudiyyətlərə qarşıyam. Bilirik, Vikipediya açıq-azad ensiklopediyadır, amma lokal vikinin mövcud vəziyyətini də nəzərə almaq lazımdır deyə düşünürəm. Vaxtı gələr, qaydalarımız və digər nüanslar mükəmməl olar, onda bu hüququ da müzakirə edib artıq lazım olmadığını bildirər və ləğv edərik. Addəyişdirici hüquqları ingilis dilində də var, amma necə işləyir dəqiq bilmirəm. Belə ki, çox səhifənin adını dəyişmək mümkün olur, mühafizəlilərdə olmur təkcə. Yəqin o səhifələri özləri seçirlər, addəyişdiricilər dəyişə bilsin minimal o səviyyədə edirlər. Amma bizdə o qədər lazımsız dəyişmələr olur ki, müvafiq istifadəçi qruplarına, təcrübəlilərə bu iş həvalə olunsa doğru olar indiki durumda. Təkmilləşdikcə, ingilislər kimi edərik bizdə. Hələ siz yox ikən, bir vaxtlar yeni məqalə yaratma icazəsini də qeydiyyatdan keçmiş istifadəçilərə vermək istəyirdik, konsensus olmadı. Səbəbi də lazımsız səhifələr, spam, qeyri-ensiklopedik mövzular yaradıldığı üçün idi. "Açıq ensiklopediya" tezisi ilə bəzi istifadəçilər kəskin qarşı çıxdılar təklifə. Bu arada, bu məhdudiyyət ingilis vikidə və bir neçə vikidə daha var. Ən təkmil vikidir ingiliscə viki, amma orada da duruma görə qərar qəbul ediblər. Hörmətlə, Gadir^müzakirə 07:10, 18 mart 2024 (UTC)

@Nemoralis, məncə də addəyişdiricilər hüququ vacib deyil və ləğv edilsə yaxşı olar. Amma fayl məsələsinə demək olar ki, baxan olmur, bir müddətdən bir mən baxıb silirəm ancaq. Faylların düzgün yüklənməməsi müəllif hüququnun pozultularına gətirib çıxarır. Şiroi Akuma 08:50, 18 mart 2024 (UTC)

EnVikidə addəyişdirici hüquqlarının mahiyyətini bilirsiz? Hörmətlə, Gadir^müzakirə 08:55, 18 mart 2024 (UTC)

Nizam-intizam hər yerdə lazımdır. Hazırda az-viki addəyişmələrdə sıfır problem yaşayırsa, deməli addəyişdirici qrupu önəmsiz deyil. Əsas da fayl addəyişdiricisi qrupunun texniki icazəsi hərkəsə açıq olsa, bu yüksək trafikli lokal faylları təhlükə altına sala bilər. Heç əvvəlindən də "filemover" hüququ hər kəsə açıq olmayıb, yalnız inzibatçılarda olub. Sadəcə o vaxt mən inzibatçılar üzərindəki yükü azaltmaq üçün bu qrupu yaratmağı təklif etmişdim. Turkmen ^müzakirə 09:07, 18 mart 2024 (UTC)

Addəyişməni rolbaker olaraq bir klikə geri qaytarmaq olur?— Bikar ^müzakirə 10:54, 18 mart 2024 (UTC)

Yox. "Əvvəlki vəziyyətinə" butonuna basanda addəyişmə paneli açılır, amma (geri alınmayıbsa). Hörmətlə, Gadir^müzakirə 10:55, 18 mart 2024 (UTC)

Bu hüququ daşıyacaq istifadəçilərin nəzərinə çatdıraq ki, bu hüquq faylları düzgün lisenziya ilə yükləyən, ədalətli istifadəyə uyğun yükləyən, duplikat fayllar yükləməyən istifadəçilərə veriləcək. Əks hallarda bu hüquq istifadəçidən alınacaq.— Şiroi Akuma 12:04, 20 mart 2024 (UTC)

VP:AOM başa çatsa, müvafiq lisenziya şablonları və səhifələr yaradılsa, hüququ daşıyacaq istifadəçilər üçün çox yaxşı olardı. Hörmətlə, Gadir^müzakirə 12:07, 20 mart 2024 (UTC)

Translate-viki keçidləri də artıq hazırdır (1, 2, 3, 4). Turkmen ^müzakirə 21:58, 23 mart 2024 (UTC)

Yekunlaşdırma

• Səs verənlər — 17
  • Etibarsız səs sayı — 0
  • Etibarlı səs sayı — 17
    • Lehinə — 13
    • Əleyhinə — 4
    • Bitərəf — 1

Yekun nəticə: Y Səsvermənin nəticələri Vikipediya:Səsvermə qaydalarına əsasən hesablanmış və bu qaydalara uyğun olaraq Vikipediya:Yükləyici qrupunun latın əlifbalı Azərbaycan dilinə idxalı rəsmi olaraq qəbul edilmişdir.— Turkmen ^müzakirə 22:59, 23 mart 2024 (UTC)

Vandallar

AzViki hal-hazırda bir qrup vandallar tərəfindən davamlı hücuma məruz qalır. Müxtəlif ip ünvanlardan istifadə edərək blokdan yayınmağa çalışsalar da diapazonlara tətbiq edilən bloklar nəticəsində mümkün iplərin əksəriyyəti bloklanıb. Həmçinin 1 dəyişiklik süzgəci quraşdırılıb. İcmanın bu barədə fikir və təkliflərini öyrənmək istəyirəm. Nemoralis (müzakirə) 11:06, 18 mart 2024 (UTC)

@Nemoralis Eynən əsasəndə gecə saatlarında buna aid yenilik olsa gözəl olardı.

Misal üçün istifadəçiyə IP bloku vermək imkanı əgər o mümkünsüzdürsə user qadağa qoyma və s kimi Redivy (müzakirə) 15:14, 18 mart 2024 (UTC)

Tək yolu təqib edib saldıracaqları səhifələri qorumaq və onları bloklamaqdır. Haradan necə hücuma keçəcəkləri bəlli deyil. Hörmətlə, Gadir^müzakirə 15:45, 18 mart 2024 (UTC)

Vandalların istifadə etdiyi sözlər, mövzular eynidir. Mühafizə edirəm əksər səhifələri. Amma yenə yazacaq bir məqalə tapırlar. Həmin sözləri bloklayacaq işlək süzgəc lazımdır sadəcə. Hansı ki, özü də avtomatik bloklaya bilər. Və ya ümumiyyətlə icazə verməsin yayımlamağa Atakhanli (müzakirə) 18:53, 18 mart 2024 (UTC)

@Atakhanli həmin sözləri Xüsusi:AbuseFilter/26-ə (26 nömrəli süzgəcə) əlavə edə bilərsiniz. Süzgəc işlədilməsinin qarşısını alacaq. Turkmen ^müzakirə 19:30, 18 mart 2024 (UTC)

bilirəm, süzgəc işləmir əksər hallarda amma Atakhanli (müzakirə) 19:48, 18 mart 2024 (UTC)

@Nemoralis burda vandalizm teqi varsa necə yayımlıya bilib?— Bikar ^müzakirə 12:43, 22 mart 2024 (UTC)

Mənə də maraqlıdır, xeylisini bloklayıb əslində Nemoralis (müzakirə) 19:30, 22 mart 2024 (UTC)

Envikinin aşağı hissəsindəki digər dillər

Ən böyük vikipediya olan ingiliscə vikipediyanın, Ana səhifəsinin aşağı hissəsində Wikipedia languages adlı bir bölmə var. Müxtəlif dil bölmələrinin vikipediyalarına keçidlər verilib. Həmin siyahı da, erməni, türk, gürcü hətta özbəkcə vikipediyaları görmək mümkündür. Maraqlıdır, görəsən Azvikini həmin siyahıya əlavə etməyin bir yolu varmı ? Keyfiyyətli məzmun, dərinlik deməyin çünkü özbəkcə bizdən bir necə baş geri qalır. Erməni təzəlikcə əlavə edilib, gürcü 7-8 il əvvəl də vardı. — Baskervill 21:05, 24 mart 2024 (UTC)

Deyəsən random əlavə edirlər, təsadüfi seçiblər. Şiroi Akuma 07:55, 25 mart 2024 (UTC)

Həmin şablonun müzakirə səhifəsinə müraciət etdikdə (https://en.wikipedia.org/wiki/Template_talk:Wikipedia_languages) əlavə edib-etməyəcəklərinə baxırlar. Özbək və erməni dillərinin əlavəsi üçün bir IP müraciət edibmiş və eyni vaxtda qəbul ediblər. (https://en.wikipedia.org/wiki/Template_talk:Wikipedia_languages/Archive_8#Protected_edit_request_on_9_July_2023) --IBAnk (müzakirə) 08:38, 25 mart 2024 (UTC)

@Baskervill, diqqətiniz üçün təşəkkür edirəm. Maraqlıdır və qəşəng olar. Lokaldakı inzibatçılardan birindən xahiş etdim, yaxında əlavə olunar yəqin ki. Hörmətlə, Gadir^müzakirə 11:49, 25 mart 2024 (UTC)

@Gadir təşəkkür edirəm. Zəhmət olmasa @IBAnkın yuxarıda təqdim etdiyi linkdə də müraciət edə bilərsinizmi ? Baskervill 00:07, 26 mart 2024 (UTC)

Nə dəyişəcək azviki əlavə olunanda? Nemoralis (müzakirə) 12:23, 25 mart 2024 (UTC)

@Nemoralis Enviki dünyanın ən böyük və gündəlik ən çox müraciət olunan vikipediyasıdır. Xüsusi heç nə baş verməyəcək, Azərbaycanca Vikipediyanın adını ən azından gündəlik minlərlə insan görəcək və oradakı nisbətən kiçik vikipediyalar üçün nə baş veribsə, o baş verəcək. Baskervill 00:08, 26 mart 2024 (UTC)

Vikipediya:Silinməyə namizəd fayllar

Salam hazırda az-vikidə faylların müzakirə ilə silinməsi, Vikianbardakı kimi hansısa istifadəçinin yüklədiyi faylların ümumi müzakirəyə çıxarılması üçün səhifə yoxdur. Proses inzibatçıların müzakirə səhifəsində, yaxud VP:SNS-də (bu səhifə də onsuz da çox yüklənib) davam edir. Faylların ayrıca müzakirələri üçün xüsusi səhifə yaratmaq olar. Hazırda hansı faylın konkret niyə silinməsi və toplu şəkildə silinməsinin araşdırılması qeyri-mümkündür. Xüsusi səhifə olsa silinmələr mərkəzləşər və rahat arxivə göndərilər.— Turkmen ^müzakirə 09:04, 25 mart 2024 (UTC)

@Turkmen, belə bir məsələ var ki, bizdə fayllar, ədalətli istifadə və müəllif hüquqları ilə bağlı qaydalar yox dərəcəsindədir. Silinməyə namizəd səhifələr üçün heç olmasa ensiklopediklik qaydalarımız var, ona əsasən məqalə təqdim edirik və ona əsasən silinib-silinməsinə qərar veririk. SNF yaradılsa, bura hansı faylları təqdim ediləcək, maraqlıdır. Sürətli silinəcək faylları belə səhifəyə təqdim etməyə ehtiyac yoxdur düşünürəm, amma sürətli silinəcək fayllar üçün də kriteriyalarımız yoxdur axı. Şiroi Akuma 10:39, 25 mart 2024 (UTC)

@White Demon, VP:F1, VP:F2, VP:F3, VP:F4, VP:F5, VP:F6, VP:F7, VP:F8, VP:F9, VP:F10, VP:F11. Hörmətlə, Gadir^müzakirə 10:54, 25 mart 2024 (UTC)

@White Demon bütün hallarda, boşluqlar olsa belə silinmələri qaydasına salsaq yaxşı olardı. Məsələn, indi sürətli silinəcək səhifələrdə 65 fayl var. Normalda da fayl bölməsi boş qalmır. Digər fayllar və silinmələr isə inzibatçıların müzakirə səhifəsindədir. Ortada nizam-intizam və standart arxiv tapmaq çətindir. Vikianbarda bir istifadəçinin yüklədiyi fayllar topa halında silinirsə bunun üçün SNF-də müzakirə açırlar. Bəzən həmin müzakirədəki istifadəçilərdən biri düzəldir faylları. Hazırda fayllar üçün müəyyən sistemləşdirmə yaradırıqsa məncə bu səhifənin aktivləşməsi də önəmli məsələdir. Turkmen ^müzakirə 10:57, 25 mart 2024 (UTC)

@Turkmen, fayllara xas {{silinməyə namizəd}} kimi şablon yaradacağıq, düzdü? Bir də yaradılacaq səhifənin intervikisi var, yəni hansısa dildə mövcuddur? Hörmətlə, Gadir^müzakirə 11:01, 25 mart 2024 (UTC)

@Gadir məncə hazırki şablon yaxşıdır. Səhifənin adını fəzaya uyğun özü təyin edir. Hələ ki, çox haçalamayaq məncə, etab-etab olsun. Turkmen ^müzakirə 11:04, 25 mart 2024 (UTC)

Doğurdan, bir anlıq unutmuşdum onları. Şiroi Akuma 11:09, 25 mart 2024 (UTC)

Müzakirə

1.  Lehinə: - faydalı olacağını düşünürəm. Səhifələr kimi fayllarla bağlı sistemləşmə olmalıdır. Turkmen ^müzakirə 09:04, 25 mart 2024 (UTC)
2.  Lehinə: Turkmen, yəqin ki, sürətli silinməyə uyğun faylların bura dəxlisi yoxdur. Hörmətlə, Gadir^müzakirə 09:08, 25 mart 2024 (UTC)

   @Gadir sürətli silinəcək faylların dəxli olmamalıdır. Amma əgər çox sayda fayl sürətli silinirsə, bu müzakirəyə çıxarılmalıdır. Səhifələrdə necə, burda da elə. Turkmen ^müzakirə 09:11, 25 mart 2024 (UTC)

   @Turkmen, aydındı. Belə bir şey var, bunun bizdə tətbiqi necə olar? Hörmətlə, Gadir^müzakirə 09:17, 25 mart 2024 (UTC)

   @Gadir, bu hələ az-viki üçün tezdir, bizdə elə də trafik yoxdur. Turkmen ^müzakirə 09:19, 25 mart 2024 (UTC)

3.  Lehinə: — Bikar ^müzakirə 09:11, 25 mart 2024 (UTC)
4.  Lehinə: — Toghrul R (m) 10:17, 25 mart 2024 (UTC)
5.  Lehinə: — Nuray95 (müzakirə) 10:20, 25 mart 2024 (UTC)
6.  Əleyhinə: Silinməyə namizəd səhifələr səhifəsində aparıla bilər müzakirə. Hər şey üçün ayrıca səhifə yaratmağa ehtiyac yoxdur, aktivlik olmayacaq. Nemoralis (müzakirə) 12:21, 25 mart 2024 (UTC)

   @Nemoralis, SNS-də hazırda 131 səhifə var, üzərinə də fayllarla bağlı müzakirələr əlavə olunsa, səhifə şişəcək. Hələ bunun arxivi də qarışacaq. Deməli bunun üçün ayrıca səhifə yaradılmalıdır, hətta gecikmişik. Bu adi, "hər şeyə" aid edilib ciddiyə alınmayacaq məsələ deyil, fayllar da səhifələr qədər önəmlidir. Turkmen ^müzakirə 14:34, 25 mart 2024 (UTC)

   Axırıncı dəfə SNSdə fayl nə zaman müzakirə olunub? Ya fayllarla bağlı müzakirə üçün təcili yer lazımdır? Azvikidəki faylların 90%dən çoxu sürətli silinməlidir, müzakirəsiz. Nemoralis (müzakirə) 15:29, 25 mart 2024 (UTC)

   @Nemoralis, olmaması normaldır. Çünki o səhifənin fayllarla əlaqəsi yoxdur. Çox sayda faylın silinməsi fikri ilə razıyam. Amma necə silinəcək? Yəni inzibatçı bu qədər faylın silinməsinə özü qərar verəcək və başqalarının xəbəri olmayacaq? Hansı ki, 90% fayl az rəqəm deyil. Turkmen ^müzakirə 16:03, 25 mart 2024 (UTC)

7.  Lehinə:— Baskervill 00:05, 26 mart 2024 (UTC)
8.  Lehinə: — Vusalsuvarov1996 (müzakirə) 05:33, 26 mart 2024 (UTC)

VP:Stil kitabçasına əlavələr

Salam, dostlar. Hər birinizi stil kitabçasına durğu işarələri qaydalarının əlavə edilməsi ilə bağlı başladılmış müvafiq müzakirəyə dəvət edirəm. — Toghrul R (m) 17:15, 25 mart 2024 (UTC)

Vikipediya:İnzibatçıların və bürokratların seçilməsi qaydalarına əlavələr və düzəlişlər

Səsvermə müddəti

Düşünürəm ki, 14 gün kifayət qədər uzun müdddətdir, müddəti aşağı salmaq olar. Məsələn, 10 gün kifayət edər. Onsuz da qərarların böyük qismi ilk 1 həftədə verilir. Digər praktikalarda da daha az müddətdən istifadə edilir.

• Səsvermə

 Əleyhinə: 14 gün əslində çox ideal bir rəqəmdir. Bir istifadəçinin inzibatçı seçilməsi icma üçün əhəmiyyətli hadisədir və hesab edirəm ki, tez-bazar inzibatçı seçmək sonradan müəyyən peşimançılıqlara və problemlərə səbəb ola bilər. Bəzi hallarda bir nəfər gəlib lehinə səs verir, günlər keçir və aşağıda aparılan müzakirələrdən sonra mövqeyini dəyişmək qərarına gəlir. Bütün bunların olması üçün də zaman lazımdır. 10 gün müddəti sadəcə inzibatçı seçilmə ehtimalı az olan və ilk başlarda əzici üstünlüklü səs toplamış istifadəçilərə faydalı ola bilər ki, icma mövqeyini dəyişmədən inzibatçı seçilsin. 14 gün olduğu kimi qalmalıdır.— Baskervill 00:11, 26 mart 2024 (UTC)

 Əleyhinə: məncə, qalsın. bəzən son saatlarda belə dəyişə bilir gedişat. müddəti uzun yaxşıdır ki, iştirak edə bilməyən də xəbəri olub iştirak edə bilsin. Atakhanli (müzakirə) 01:21, 26 mart 2024 (UTC)

 Əleyhinə: 14 gün yaxşıdır. — Araz Yaquboglu (müzakirə) 05:06, 26 mart 2024 (UTC)

 Lehinə: 10 gün kifayət qədər uzun müddətdir. — Tarixi Nadir (müzakirə) 06:39, 26 mart 2024 (UTC)

 Əleyhinə: 14 gün qalması məqsədəuyğundur. Moses :) 08:43, 26 mart 2024 (UTC)

 Əleyhinə: 14 gün olması daha yaxşıdır. — Khidirzada (müzakirə) 10:46, 26 mart 2024 (UTC)

İnzibatçıların təsdiqlənməsi

Təklif edirəm hər il yanvar ayının 10-dan etibarən mövcud inzibatçıların təsdiqi ilə bağlı səsvermə keçirilsin. Təsdiqləmə prosesi aşağıdakı qaydada təşkil edilsin:

• Yanvar ayının 10-dan 15-dək istifadəçilər mövcud inzibatçılara suallarını versinlər.
• Yanvarın 15-dən etibarən isə səsvermələr başlasın.

• Səsvermə

 Lehinə: Razıyam, hesabatlılıq olmalıdır metadakı kimi. Nemoralis (müzakirə) 22:30, 25 mart 2024 (UTC)

 Lehinə: Qulağa xoş səslənsə də, Azvikidə bu qədər səsvermənin keçirilməsi əlavə çətinliklərə səbəb ola bilər. Hesabatlılığın olması gözəl ola və bəzi inzibatçılar da başa düşər ki, dövran dəyişəndə qəfil dəyişir.— Baskervill 00:13, 26 mart 2024 (UTC)

 Əleyhinə: hesabatlılığın olmasına qatı razıyam. amma bu təklif yerində deyil. əvvala eyni anda səsvermə səs ovuna şərait yaradır. praktikada yaxşı deyil. növbəti olaraq prosedurun dəqiqləşdirməsi yoxdur. 1 ildə bu qədər səsvermə praktikada da yaxşı hal olmayacaq. bir tərəfdən də nəzərə alaq ki, onsuz da narazı olan istifadəçilər olsa etimad səsverməsi başlada bilir. bir də gərək varmı ildə 1 təsdiqləmə səsverməsinə? Atakhanli (müzakirə) 01:28, 26 mart 2024 (UTC)

 Lehinə: Son təcrübə göstərdi ki mütərəqqi addımdır. — Tarixi Nadir (müzakirə) 06:43, 26 mart 2024 (UTC)

 Şərh: təsdiqlənmə olsun. Amma hər inzibatçı hansı ay seçkisi olubsa, həmin ay olsun. Hamının yanvarda etimad səsverməsinin keçirilməsi xaos yaradacaq. — Araz Yaquboglu (müzakirə) 05:10, 26 mart 2024 (UTC)

 Lehinə: məncə çox gözəl olar. İnzibatçılar bunu bilərək daha məsuliyyətli olar. İnzibatçıların məhsuldar olması üçün yaxşı addım olar. — Khidirzada (müzakirə) 10:48, 26 mart 2024 (UTC)

Səslərin ləğvi

Azərbaycanca Vikipediyada səsvermə prosesində ciddi problemlər var. İstifadəçilər dostlarını, tanışlarını dəstəkləmək, sosial şəbəkə üzərindən dəvətlə, yaxud gələcək mövqelərini nəzərə alaraq səsverməyə qatılırlar. Təklif edirəm səs ovçuluğu ilə bağlı şübhəli olan səslər, səsvermə sonunda inzibatçıların ümumi müzakirəsinə çıxarılsın və qalması, yaxud ləğvi ilə bağlı qərar verilsin.

• Səsvermə

 Lehinə: Razıyam. Nemoralis (müzakirə) 22:30, 25 mart 2024 (UTC)

 Lehinə: səs ovçuluğu çox ciddi problemdir və mənimlə bağlı təşkil edilən sonuncu etimad səsverməsində buna bir daha şahidlik etdik. Mən təklif edirəm ki, heç bir səsvermədə heç zaman və ya ömründə 1-2 dəfə iştirak etmiş şəxslərin səsləri sayılmasın. Azvikidə elə istifadəçilər var ki, adam yalnız məqalə yazır və demək olar ki, 7-8 min redaktəsinin olmasına rəğmən heç vaxt gəlib heç bir müzakirədə iştirak etmir. Həmin şəxslərin gəlib kritik səsvermələrdə iştirak etməsi açıq formada onun dəvət edildiyini göstərir. — Baskervill 00:17, 26 mart 2024 (UTC)

 Şərh: Seçici hüquqlarını ciddiləşdirməyin tərəfdarıyam. Redivy (müzakirə) 01:02, 26 mart 2024 (UTC)

 Əleyhinə: səs ovu səsvermələri ciddi zədəliyir. sadəcə məsələ ondadır ki, əlində ciddi fakt olmadan bu səs ovu ilə gəlib demək sadəcə şəxsi iddiadır. + səsovu məsələsində sonda inzibatçıların qərar verməsi özü elə bürokratiya yaradır. bunun yerinə seçici hüququn bir az da ciddiləşdirmək lazımdır ki, sırf vikinin içində olan adamlar daşısın bu hüququ. + bəzi şəxslərdən bu hüquq ümumiyyətlə alına bilər. (Və ya müddətli alına bilər, misal 3 il ərzində heç bir səsvermədə iştirak edə bilməzsən) Atakhanli (müzakirə) 01:33, 26 mart 2024 (UTC)

 Əleyhinə: sübut edilə bilməyən bir prosedurdur. — Araz Yaquboglu (müzakirə) 05:12, 26 mart 2024 (UTC)

 Əleyhinə: sübut edilmədən sadəcə ittihamlar üzərindən danışılır. Belə olduğu halda ittihamlar üzərindən getsək səs vermələr ləğv olunsa onda nəticədə olmayacaq. — Khidirzada (müzakirə) 10:50, 26 mart 2024 (UTC)

İnzibatçı namizədliyi

Hazırda bir inzibatçı namizədi sadəcə 3 dəfə hüquq üçün müraciət edə bilər. Təklif edirəm bu qayda ləğv olunsun və yerinə tarix aralığı qoyulsun.

• İlk namizədlikdən sonra ikinci namizədlik üçün 6 ay sonra müraciət edilsin.
• Əgər istifadəçi ikinci namizədlikdə də seçilmirsə sonrakı namizədlikləri yalnız 1 il aralığı ilə edə bilər. Təbii ki, bu aralıq həm də istifadəçinin təcrübə toplaması üçün önəmlidir.

• Səsvermə

 Lehinə: Bu qayda son 3 ildə 3 dəfə namizəd olub, seçilməyən yoldaşların əlinə hesablanıb. Həmin yoldaşların adını çəkmək istəmirəm, inzibatçıların arxivindən baxıb özləri tapa bilərlər. İlk dəfə seçilmədikdən sonrakı müddətin 6 ay olaraq tətbiq edilməsi çox azdır. Əgər bir istifadəçi ilk cəhddən sonra inzibatçı seçilməyibsə, növbəti namizədliyini ən azından 1 il sonra təqdim etməlidir. Lehinə səsi 1 illik müddəti nəzərdə tutub verdim, 6 ay olsa əleyhinə səs verəcəm.— Baskervill 00:19, 26 mart 2024 (UTC)

 Lehinə: Baskervillin aralıq üçün təklif etdiyi 1 il intervalı ilə mən də razıyam. Bütün aralıqlar 1 il olsun. — Araz Yaquboglu (müzakirə) 05:21, 26 mart 2024 (UTC)

 Lehinə: ola bilər. Moses :) 08:45, 26 mart 2024 (UTC)

 Lehinə: — Khidirzada (müzakirə) 10:52, 26 mart 2024 (UTC)

İnzibatçının etimad səsverməsinin başladılması

İnzibatçının etimad səsverməsi hazırda 2 yolla keçirilə bilər. Birinci punkt "səsvermə hüququ olan" istifadəçilərin başlatdığı "sorğu/petisiya" ilə, ikinci punkt inzibatçıların öz ortaq qərarı ilə. Əgər birinci punkt artıq mövcuddursa və inzibatçılar özləri də həmin sorğuya qatıla bilirlərsə, ikinciyə nə ehtiyac? Təklif edirəm ikinci punkt tamamilə ləğv edilsin, çünki mənasızdır.

• Səsvermə

 Lehinə: razıyam. Bir-birini inkar edən qaydalar ləğv edilməli və ən güncəli sağlanılmalıdır.— Baskervill 00:21, 26 mart 2024 (UTC)

 Əleyhinə: yox, elə bir hal ola bilər ki, inzibatçılar təcili müzakirə edib konsensus əldə edib səsvermə başlada bilər. yəni inzibatçının çox ciddi səhvi və s. hallarında. bu indiki halda bir az mənasız gəlsə də, bəzi istisna hallarda inzibatçıların vəziyyətə rahat müdaxilə etməsi üçün əhəmiyyətlidir. (xüsusən də petisiyalar müddətli olarsa) Atakhanli (müzakirə) 01:38, 26 mart 2024 (UTC)

 Lehinə: əlbəttə nə ehtiyac var ki. — Araz Yaquboglu (müzakirə) 05:22, 26 mart 2024 (UTC)

 Lehinə: — Tarixi Nadir (müzakirə) 06:45, 26 mart 2024 (UTC)

 Lehinə: mükəmməl olar — Khidirzada (müzakirə) 10:53, 26 mart 2024 (UTC)

Dəqiqləşdirmələr

• Səsvermə başlayan tarixin saatı və dəqiqəsi ilə bağlı qayda yoxdur. Təklif edirəm səsvermənin başlama saatı və dəqiqəsi digər praktikalardakı kimi "Ümumdünya vaxtı" ("UTC") ilə götürülsün.
• Həmçinin inzibatçının etimad sorğusu arasında müəyyən bir intervala da ehtiyac var. Məsələn, ilk sorğudan yalnız 4 ay sonra ikinci petisiya üçün müraciət edilə bilər.
• İstifadəçinin səsvermə hüququ ilə bağlı qeydlərin birində qeyd edilir ki, səsvermə başlayan tarixdən yalnız 15 gün əvvələ kimi 5 redaktə sayı olmalıdır. Lakin hansı səsvermə? Sorğu yoxsa etimad? Təklif edirəm burada da dəqiqləşdirmə aparaq. Səsvermə hüququ sorğu başlayan tarixdən etibarən hesablansın.

• Səsvermə

Şərhlər

Düzəlişlərin hər biri üçün ayrı səsvermə başladılacaq. Turkmen ^müzakirə 20:30, 25 mart 2024 (UTC)

Salam həmkar, siz yazdıqca baxırdım, elə gözlüyürdüm axırda yazım. Hər il eyni vaxtda səsvermə keçirilməsi uyğun deyil. Təklif edirəm ki, onu dəyişək. Olsun bu qaydanın qəbuluna qədər seçilmiş inzibatçılar qayda qəbulundan 1 il sonra, qayda qəbulundan sonra seçilmiş inzibatçılar, səsvermədən tam 1il sonra. Qaydanın qəbulundan 1il keçdikdən sonra da həmin bəndi kənarlaşdırırıq. Üzü gələcəyə atılmış addım olar, eyni zamanda hamının səsverməsi olsa bir-birilərinə qarşılıqlı dəstək olmağa çalışacaqlar(çalışacaqsız(sonra demiyin ki tərəf tutub yazır)).

Ov hesab olunan səslərin inzibatçıların qərarı ilə kənarlaşdırılması da yaxşı həll deyil. Səsin ov olduğunu sübut edəcək faktlar olmur, ona görə müzakirə dönəcək olacaq səsvermə— Bikar ^müzakirə 20:44, 25 mart 2024 (UTC)

@Baskervill, söz atmasanız olmurda. Yəni nə əlaqəda? Hər istifadəçinin haqqıdır hər bir qaydada yeni bir şeyin təklifin etməsi. Bir istifadəçi 3 dəfə namizəd olub və seçilməyib deyə o deməkdir ki, bir daha seçilə bilməz? Bunun kimi mənasız qaydalardan biridə, istifadəçi bir dəfə bloklanıbsa bu vaxtdan sonra heç vaxt inzibatçı ola bilməz (bu qayda ləğv edildi). Moses :) 01:07, 26 mart 2024 (UTC)

@Moses siz məni qaralamısız lap. Gah mənim bloklanma məsələmin nə yerdə qaldığını soruşur, gah da söz atmaqda ittiham edirsiz. Mən gördüyümü yazdım sadəcə. Bir istifadəçi 3 dəfə namizəd olub seçilməyibsə və yuxarıda belə bir dəyişiklik təklif olunursa mənim də belə yazmağımda nə problem var ki ? Olanı və gördüyümü yazmışam. Siz bundan niyə narahat oldunuz ? Baskervill 01:38, 26 mart 2024 (UTC)

@Baskervill ilk yazdığınız cümlədə "seçilməyən yoldaşların əlinə hesablanıb" deməyə çalışdığınız budur ki, bu istifadəçilər 3 dəfə namizəd olub indidə görürlərki namizəd ola bilmirlər qaydalarda dəyişiklik edirlər. Bloklanma məsələsində sual verməyimin səbəbi, açılan başlıqla uzanan müzakirənin əlaqəsi yox idi. Müzakirə sizin bloklanmağınızla bağlı açılmışdı, lakin söhbət artıq bir istifadəçinin digərinə iddia etməsinə qədər gedib çıxdı. Həm də ki, siz niyə bloklanacaqsız deyə təlaşlanırsınız? icmaya güvənmirsiz?) Moses :) 02:22, 26 mart 2024 (UTC)

@Moses faktiki olaraq sözügedən qaydanın dəyişdirilməsini istəyənlər əsasən 3 dəfə inzibatçı namizədi olub, seçilməyən istifadəçilərdir. İnzibatçı olan və ya ümumiyyətlə olmaq istəməyən, bu barədə düşünməyən bir istifadəçini bu məsələ niyə qayğılandırsın ki ? İcmaya güvənirəm. Baskervill 03:19, 26 mart 2024 (UTC)

@Baskervill, inzibatçılıqdan imtina edəndə özünüz demirdiniz ki, bundan sonra qeyri-aktiv olacam (ehtimal ki, birdə inzibatçı olmaq istəmirsiniz). Bəs sizi niyə maraqlandırır inzibatçı hüquqlarının dəyişdirilməsi? Moses :) 07:37, 26 mart 2024 (UTC)

@Moses 12 ildən çoxdur ki, Azvikidə fəaliyyət göstərirəm və fəaliyyətim bundan sonra da davam edəcək. Məni nəyin maraqlandırıb, maraqlandırmaması haqqında kiməsə hesabat verməliyəm ? İcma ilə bağlı mühüm qərarların qəbul edilməsində iştirak etmək istəyirəm. İcazə almalıyammı buna görə sizcə ? Baskervill 08:31, 26 mart 2024 (UTC)

Xeyr öz şəxsi fikrinizdir, özünüz verməlisiniz qərarları. Ancaq hansısa istifadəçiyə söz atmağı etməyin, bu doğru bir şey deyil. Moses :) 08:35, 26 mart 2024 (UTC)

məncə, 15 gün ərzində 5 redaktə söhbəti səs ovuna qarşı əla iş gördü. amma məncə, başqa formada əvəzlənsə daha yaxşı olar. 15 gün azdır. misal üçün hansısa güvənilən istifadəçi sadəcə vikiyə fasilə verib. və ya redaktə etmək mood-unda deyil. sadəcə məqalələri, müzakirələri oxuyub filan. və ya qısa tətilə çıxıb. indi bu adam səsvermədə öz fikrini bildirmək istəyir. i di gəl iştirak edə bilmir, səs vermə hüququn itirib artıq. Atakhanli (müzakirə) 01:45, 26 mart 2024 (UTC)

bir də qaydalara Azərbaycanca Vikipediya sözü əlavə olunmalıdırmı? çünki misal adam azvikidə edit etməyib, amma rusvikidə edib. bunu sayacayıq? fakt aktiv olubda vikidə Atakhanli (müzakirə) 01:47, 26 mart 2024 (UTC)

@Atakhanli, bəli, lokal vikilərdəki qaydalar təkcə həmin viki üçün nəzərdə tutulur. Amma dəqiq olsun deyə məzmunu əlavə edəndə Azərbaycanca Vikipediya yazaram qarşısına. Turkmen ^müzakirə 06:41, 26 mart 2024 (UTC)

Nemoralis tərəfindən ödənişli fəaliyyətin göstərilməsi və qarşı tərəfin bundan narazı qalması

Hamıya salam. Sosial şəbəkə üzərindən mənə bir xanım yazdı və məndən kömək istədi. Xanım bildirdi ki, Emin Əliyev (ictimai xadim) haqqında məqalənin formalaşdırılması üçün Nemoralisdən yardım istəyib və Nemoralis də ödəniş qarşılığında məqalə üzərində işləməyə razı olub. Tərəflər əhəmiyyətli hesab olunacaq bir məbləğə razılaşıblar və inzibatçı həmin əhəmiyyətli məbləğin bir hissəsini elektron formada qəbul edib. Sonradan Nemoralis həmin xanımla kobud danışıb və onu bloka atıb. Qarşı tərəf indi çıxılmaz vəziyyətdə qalıb. Emin Əliyev (ictimai xadim) məqaləsi hal-hazırda SNS-dədir və böyük bir ehtimalla da silinəcək. Nemoralis Vikipediyanın rəsmi prinsiplərindən biri olan Ödənişli redaktorluq qaydalarını kobud formada pozub. Belə ki, sözügedən ödəniş Bakı vaxtı ilə 29.02.2024, 13:25 tarixində alınıb və bu barədə müvafiz qeyd inzibatçının istifadəçi səhifəsində 1 həftə sonra əlavə edilib. İnzibatçı tərəfindən icra edilən bu əmələ viki icma bir qiymət verməlidir.

Azvikinin adından sosial şəbəkə üzərindən müxtəlif şəxslərə bu kimi xidmətlər təklif etmək, həmin şəxslərlə real həyatda görüşmək, ödəniş almaq və sonradan kobud davranıb, bloka atmaq sizcə doğrudurmu ? Emin Əliyevlə bağlı SNS-də aparılan bu müzakirə şübhəli maliyyə ödənişləri səbəbindən dərhal dayandırılamlıdır. Həmin xanım mənə tərəflər arasında aparılan bütün danışıqları və ödənişinin elektron qəbzini də göndərib. Ümüd edirəm ki, heç kim şəxsi məlumatların paylaşılmasını əsas gətirib mənim bloklanmağımı tələb etməyəcək. Ortada vaxtında açıqlanmayan ödənişli redaktor fəaliyyəti və ödəniş edən şəxsin bundan narazı qalması faktı var. Hörmətlə:— Baskervill 09:54, 26 mart 2024 (UTC)

 Şərh: Ödənişli yardım göstərib o qaydalar çərçivəsində olunubsa problem deyil,qaldı bloka atmaq bəlkə danışıq tərzi və s nəsə olub.? Çünki ola bilər məqaləyə düzəliş edib daha sonra SNS çıxan kimi "Sən pul aldın Adminsən niyə SNS oldu filan" filan kimi nəsə tələbkar cümlələr işlədilib. Yəni qısaca onu bloka atıb detalları bilmirik. Bunları smm sahəsində olan təcrübəmə əsasən deyirəm qaldı müzakirənin tam olmasına siz əlavə edə bilərəm yerinə bütöv detalları əlavə etməli idiniz ki,oxuyan digər üzvlər bütöv fikirlərini yazsınlar. @Baskervill @Nemoralis --Redivy (müzakirə) 10:23, 26 mart 2024 (UTC)

@Redivy mən tərəflər arasındakı danışıqları bura əlavə etmək istəmirəm. Asanlıqla məni şəxsi yazışmaları yaymaqda günahlandıra bilərlər. Bircə onu deyim ki, əlavə etsəm çoxları ötən ilki inizbatçı səsverməsi zamanı verdiyi səsə görə təəssüf edəcək. Baskervill 10:28, 26 mart 2024 (UTC)

@Baskervill Əgər şəxs o yazışmalara əsasən Vikipedia adından istifadə vəya ciddi qayda pozutuntusuna yol veribsə Bürokratlar birinə sübut kimi təqdim edin burada nə varki. Lakin bu dedikləriniz ciddi iddiadır yalnış olsa siz bloklana bilərsiniz unutmayın. Redivy (müzakirə) 10:31, 26 mart 2024 (UTC)

@Redivy əlimdə skrin, video skrin, ödəniş qəbzi, 16 rəqəmlik bank kartının kodu olmasa yəgin ki, belə bir başlıq açmazdım. @Sortilegus, @Eldarado, @Turkmen, @Toghrul R zəhmət olmasa baxardız bu başlığa. Belə vəziyyətlərdə atılmalı olan doğru addımlar haqqında məlumatsızam, mümkün olsa məlumat verərdiniz. Baskervill 10:34, 26 mart 2024 (UTC)

@Baskervill Yəni gizlilik qoruma şərtləri ilə müraciətinizi edin lakin tək səbəb bloka atmaqdırsa mesajlardan başqa sübtu olmayacaq əlinizdə. Redivy (müzakirə) 10:38, 26 mart 2024 (UTC)

@Redivy ortada ödəniş etdiyi halda göstərilən xidmətdən narazı qalan tərəf var. Necə bir sübut təqdim edilməlidir sizcə ? Nümunə çəkə bilərsinizmi zəhmət olmasa. Baskervill 10:47, 26 mart 2024 (UTC)

@Baskervill Yalnız sübut mesajlardısa yəqin ki, Bürokratlara təqdim etmək lazım olacaq yenədə bu hal ilə bağlı daha təcrübəli istifadəçilər fikirlərini qeyd edərlər. Redivy (müzakirə) 10:52, 26 mart 2024 (UTC)

Məqaləyə görə Facebookdan mənlə əlaqə saxlayıblar və ödənişi də özləri təklif ediblər. Ödəniş nə qədər olub, necə ödənilib, nə vaxt ödənilib, nə problemlər olub, bu sizi maraqlandırmır Baskervill. Mən sadəcə məqalədə düzəlişlər etmişəm, məqalənin qalması zəmanətini verməmişəm və verə də bilmərəm. Ödənişli redaktorluq qaydalarını "kobud" formada pozmağıma gəlsək, qaydada "vaxtında açıqlamaq" deyə bir şey qeyd olunmayıb. Özünüz də görə bilərsiniz ki həmin səhifəni tamamilə yenidən yığmışam və həmin zaman o açıqlamanı da əlavə etmişəm. Həmçinin mən açıqlama verəndə məqalə heç SNS-də belə deyildi. Həmçinin "narazı qalması faktı" çox əsassızdır. Burda məhsul satmırıq ki məhsuldan narazı qalsın, mən nəyəsə zəmanət verməmişəm, sadəcə məqalədə düzəlişlər etmişəm.

Azvikinin adından sosial şəbəkə üzərindən müxtəlif şəxslərə bu kimi xidmətlər təklif etmək
Yuxarıda da qeyd etmişəm, şəxs Facebook üzərindən mənlə əlaqəyə keçib, məqalə ilə bağlı kömək istəyib. Mən də kömək etmişəm. Ödənişi isə özü təklif edib, mən isə niyə də yox deyib qəbul etmişəm. Ödənişli redaktorluğun qadağan olmadığını yaxşı bilirsiniz. Bloklanmış istifadəçinin etdiyi kimi Facebookdan kimlərəsə yazıb xidmət təklif etməmişəm və etmərəm heç vaxt.

Məqalənin taleyi SNS-də bəlli olacaq, mən ona qarışa bilmərəm. "Şübhəli maliyyə ödənişləri" səbəbilə müzakirənin bağlanması qaydalarda hansı bəndə uyğundur görə bilmədim. Məqaləni SNS edən mən deyiləm ki? Nemoralis (müzakirə) 10:38, 26 mart 2024 (UTC)

@Nemoralis həmin xanımı sosial şəbəkə üzərindən bloka atmısız və sizinlə əlaqə qura bilmirlər. Ödənişli göstərdiyiniz fəaliyyəti tam formada icra etməmisiz ki, xanım sizdən narazı qalıb. Əks halda niyə onu bloka atmısız ? Demək ki, görmək, eşitmək istəmirsiz. Ödənişli fəaliyyətin vaxtında açıqlanmamasını niyə problem olaraq görmürsüz ? Belə çıxır ki, ödənişi alıb, 5 ay sonrada qeyd etmək olar ? Baskervill 10:45, 26 mart 2024 (UTC)

Sosial şəbəkədə heç kimi bloka atmamışam. Bu yaxınlarda Facebookda mesaj qəbul etmə funksiyasını söndürmüşəm, ola bilsin ona görə yaza bilmirlər. Səhv etmirəmsə sadəcə dostluğumda olanlar yaza bilir. Əlaqə qura bilmirlər deyəndə ki, əlaqə nömrəm onlarda var. İstəsələr əlaqə qura bilərdilər. Narazı qalmaq ifadənizi anlaya bilmirəm. Həm deyirsiniz ki xidmət təklif etmək (hansı ki etməmişəm) səhvdir, həm də deyirsiniz ki xidmətdən narazı qalıb. Nemoralis (müzakirə) 10:51, 26 mart 2024 (UTC)

@Nemoralis ortada edilmiş və vəd olunan bir ödəniş varsa sizcə bu xidmət deyil ? Məsələn, biz bir restorana gedirik orada yeyib-içirik və sonda bizə göstərilən xidmətə görə ödəniş edirik. Doğrudurmu ? O zaman deyək ki, mən getmədim, sən gəlmədin, mən yemədim, sən xidmət almadın, mən deməmişdim ki, bura gəl və xidmət al. Necə olur ki, həmin müddətdə xanım sizə yaza bilib və qəfildən sizin profilinizdəki həmin funskiya işə düşüb ? Məni narahat edən icmanın və Azvikinin adının belə məsələlərdə hallanmasıdır. Həmin şəxs 10 nəfərin yanında bu hadisəni danışsa və həmin insanlarda Azviki haqqında belə bir negativ fikir formalaşsa bunun məsuliyyətini kim daşıyacaq ? Baskervill 10:58, 26 mart 2024 (UTC)

Məqalədə düzəlişlər etmişəm və ödənişi almışam. Başqa sizi narahat edən məqam nədir? Pul almışam deyə axıra qədər məqalənin dalınca düşməliyəm? Ya hazırda blokda olan istifadəçidəki kimi mənə "məqaləni müdafiə etmək" barədə müqavilə imzalatdırıblar xəbərim yoxdur? Ödənişi sadəcə məqaləyə etdiyim düzəlişlərə görə qəbul etmişəm, başqa heç bir söz və ya zəmanət verməmişəm, verə də bilmərəm. Nemoralis (müzakirə) 11:02, 26 mart 2024 (UTC)

@Nemoralis bu barədə müvafiq qeydi vaxtında açıqlamamısınız. Qarşı tərəf hələ də, sizdən narazıdır. Zəhmət olmasa onunla əlaqəyə keçin və qarşı tərəfi razı salmağa çalışın. Bütün cəmiyyətlərdə insanların etdikləri ödənişlərin müqabilində tam xidmət almaq haqqları var. Bir də, unutmayın ki, Azvikinin adı ilə bağlı belə qalmaqallar yaratmaqla sadəcə icmanın nüfuzuna ciddi formada zərər vurmuş olursunuz. Baskervill 11:06, 26 mart 2024 (UTC)

Qaydada vaxtında açıqlamaqla bağlı bir bənd görmürəm. Həmçinin vaxtında, dərhal açıqlama etsəydim indiki vəziyyətdə nəsə dəyişəcəkdi? İcmanın nüfuzuna məncə belə məsələlər ziyan vurur, bu yox. Nemoralis (müzakirə) 11:13, 26 mart 2024 (UTC)

@Nemoralis mövzudan bu formada yayınmağa çalışmağınız üzücüdür. Daxilində mənim şəxsi məlumatlarım olan linki paylaşmısız, bununla şəxsi məlumatları bölüşdüynüzün fərqindəsiz ? Eyni zamanda ikinci linkdə @Sortilegus və Wertuose bağl şəxsi məlumatlar əks olunub. Mən öz real adımı və soyadımı heç harda qeyd etməmişəm. Bunları niyə paylaşıb, qayda pozursuz ? Baskervill 11:19, 26 mart 2024 (UTC)

Azvikinin imicinə ziyan vuran müsahibə vermək üzücü deyil, amma onu burda paylaşmaq üzücüdür İkinci linkdə həmin şəxslərin istifadəçi adı ilə bağlı heç bir şey yazılmayıb, amma siz onları teq etdiyiniz üçün burda şəxsi məlumat yazan siz olursunuz artıq. Nə isə, mövzudan kənara çıxırıq, başqa sualınız var? Nemoralis (müzakirə) 11:23, 26 mart 2024 (UTC)

@Sortilegus, @Wertuose, @Araz Yaquboglu, @Eminn, @White Demon, @Nicat49, @Eldarado, @Turkmen, @Toghrul R, @Solavirum, @Atakhanli və @Sura Shukurlu inzibatçı @Nemoralis mənim heç bir vikipediya səhifəsində açıqlamadığım şəxsi məlumatlarımı ehtiva edən linki bura əlavə etməklə növbəti qayda pozuntusunu həyata keçirməkdədir. Zəhmət olmasa nəzər salın. Baskervill 11:29, 26 mart 2024 (UTC)

Bunun bu mövzuya aidiyyatı yoxdur artıq, şikayətinizi başqa səhifədə edin zəhmət olmasa. Nemoralis (müzakirə) 11:32, 26 mart 2024 (UTC)

@Nemoralis mövzu qalıb kənarda 5 il əvvəlki müsahibəni gündəmə gətirib, mövzunu dəyişdirməyə çalışırsız. Həmin xanım mənə indi yazdı və bildirdi ki, @Nemoralisin facebookdakı söndürülmüş funksiyası qəfildən yenə işə düşüb. Buna nə ad vermək olar sizcə ? Baskervill 11:32, 26 mart 2024 (UTC)

Yuxarıda yazmadınız ki zəhmət olmasa xanımla əlaqəyə keçin? Zəhmət olmasa "buna nə ad vermək olar" kimi qərəzli ifadələrdən çəkinin, xoş gəlmir. Nemoralis (müzakirə) 11:34, 26 mart 2024 (UTC)

Mövzu ilə bağlı digər bürokrat, inzibatçı və aktiv istifadəçilər öz mövqeylərini ifadə etsə yaxşı olar. Əks halda elə təsəvvür yaranacaq ki, mən nəsə şəxsi ədavət aparıram. Bircə onu deyim ki, xanım hələ də mövcud vəziyyətdən narazıdır və hesab edir ki, ona qarşı haqqsızlıq edilib. Bu qədər. Baskervill 11:39, 26 mart 2024 (UTC)