Cəmil Çiçək

Cəmil Çiçək
türk. Cemil Çiçek
Türkiyə Böyük Millət Məclisinin sədri
Vəzifədədir
4 iyun 2011-ci ildən
Şəxsi məlumatlar
Doğum tarixi	4 noyabr 1946(1946-11-04) (78 yaş)
Doğum yeri	Yozqat, Yozqat ili, Türkiyə
Partiya	Ədalət və İnkişaf Partiyası
Təhsili	İstanbul Universitetinin Hüquq fakültəsi, Ankara Universitetinin Hüquq fakültəsi[d], İstanbul Universiteti
Fəaliyyəti	siyasətçi, vəkil
Dini	islam
Vikianbarda əlaqəli mediafayllar

Cəmil Çiçək (4 noyabr 1946, Yozqat) — Türkiyə Böyük Millət Məclisinin sədri.

Həyatı və fəaliyyəti

1946-cı ildə Yozqatda doğulan Cəmil Çiçək İstanbul Universitetinin hüquq fakültəsini bitirib. Turqut Özalla bərabər Ana Vətən Partiyasının qurucularından olan Cəmil Çiçək bu qurumun hakimiyyəti illərində ailə məsələləri üzrə dövlət naziri vəzifəsini icra edib. TBMM-in 18, 20, 21, 22-ci çağırışlarında Ankaradan millət vəkili seçilib.

2002-ci ildə AKP-nin qurulmasında iştirak edən Cəmil Çiçək Rəcəb Teyyub Ərdoğan hökumətində ədliyyə naziri, baş nazirin müavini və hökumət sözçüsü vəzifələrində çalışıb.

Evlidir, 3 övladı var.

Türkiyə Böyük Millət Məclisinə sədr seçilməsi

2011-ci il iyulun 4-də Türkiyə Böyük Millət Məclisinə sədr seçilib.

Cəmil Çiçəklə bərabər sədrliyə AKP-dən Zelkif Kazdal, Milliyyətçi Hərəkat Partiyasından (MHP) Tunca Toskay namizəd olublar. İlk turda Cəmil Çiçək 302, Tunca Toskay 50, Zelkif Kazdal 23 səs alıb. Qələbə üçün millət vəkillərinin üçdə ikisinin (367) səsini almaq tələb olunduğundan ikinci tur keçirilib. Zelkif Kazdal namizədliyini geri çəkib və Cəmil Çiçək 322, Tunca Toskay isə 52 səs alıb. Bu turda da üçdə iki səs çoxluğu tələb olunduğu üçün yeni sədr üçüncü turda müəyyənləşib. Cəmil Çiçək bu turda da 322 səs alıb.

Xarici keçidlər

• TÜRKİYƏ PARLAMENTİNİN SƏDRİ ÜÇÜNCÜ TURDA MÜƏYYƏNLƏŞDİ