۲۰۱۶ آذربایجان-ارمنیستان آتیشماسی
| ۲۰۱۶ آذربایجان-ائرمنیستان آتیشماسی | |||||||||
|---|---|---|---|---|---|---|---|---|---|
| قاراباغ ساواشی | |||||||||
 ایشغال آلتینداکی توْرپاقلار آزاد ائدیلمیش توْرپاقلار
| |||||||||
| |||||||||
| طرفلر | |||||||||
 آذربایجان
|
 ائرمنیستان داغلیق قاراباغ
| ||||||||
| باشچیلار | |||||||||
| الهام علی‌یئو ذاکر حسنوْو نجم‌الدین صادقوْو آرتور راسیزاده آلتای مهدی‌یئو واصف طالبوْو
|
سِرژ سارکیسیان سئیران اوْهانیان یوری کاچاتروْو باکوْ ساهاکیان آراییک هاروتیونیان موْوسس هاکوبیان
| ||||||||
| چاتیشان بیرلیکلر | |||||||||
| آذربایجان سیلاحلی گۆجلری | ائرمنیستان سیلاحلی گۆجلری داغلیق قاراباغ اوْردوسو | ||||||||
| گۆجلر | |||||||||
| ۶۶٫۹۴۰ | ۵۱٫۵۸۰ ائرمنی اوْردوسو ۲۱٫۳۶۳ داغلیق قاراباغ حربچیلری | ||||||||
| ایتکینلر | |||||||||
| ۲ قارایاخا ۱۶ عسگر (آذربایجان ایدّیعاسی) ۱ اینسانسیز هاوا آراجی |
۲۰ اؤلو ۷۰ یارالی (ائرمنیستان ایدّیعاسی) ۱ اینسانسیز هاوا آراجی | ||||||||
آذربایجان-ائرمنیستان آتیشماسی — ۲۰۱۶-جی ایل آوریلین ۱-دن ۲-نه کئچن گئجه‌دن باشلایاراق ائرمنیستان-آذربایجان سیلاحلی گۆجلری آراسیندا باش وئرمیش ساواش. قاراباغ ساواشی‌نین بیتدیگی ۱۹۹۴ ایلیندن بری ان شیدّتلی چاتیشمالارین باش وئردیگی بیلدیریلمیشدیر.
چاتیشمالار
[دَییشدیر]۲ آوریل
[دَییشدیر]۱ آوریلی ۲ آوریله باغلایان گئجه‌ده آذربایجان-ائرمنیستان سرحدّینده یوْغون چاتیشمالارین باش وئردیگی بیلدیریلمیشدیر. آذربایجان اوْردوسونون٬ گوْرانبوْی و نافتالان شهرلری اۆچون تهلۆکه یاراتدیردیغی ایدّیعا ائدیلن تالیش کندی اطرافینداکی تپه و سئیسولان‌ین ائرمنی گۆجلردن تمیزلندیگینی بیلیرتمیشدیر. فوضولی بؤلگه‌سینده٬ هوْرادیز شهری‌نین یاخینینداکی للـه تپه‌سی ده آذربایجان اوْردوسونون الینه کئچمیشدیر.
آذربایجانین ایدّیعاسینا گؤره٬ ائرمنی گۆجلری قارایاخا یئرلشیم بیریملرینی توْپ آتیشینا تۇتوب بیر آذربایجان وطنداشی اؤلدورولموشدور. آذربایجان اوْردوسونون قارشیلیق وئرمه‌سی ایله ۳ ائرمنی عسگری اؤلدورولموشدور. آذربایجان اوْردوسو٬ قارایاخالارین جان گۆونلیگی‌نین تأمین ائدیلمه‌سی اۆچون آغ‌دره٬ ترتر٬ خوْجاوند و فوضولی بؤلگه‌لرینده عملیاتا باشلامیشدیر.
آذربایجان دیفاع وزیرلیگی٬ چاتیشمالاردا ائرمنیستان اوْردوسونا عایید ۶ تانک و ۱۵ توْپون داغیلدیغینی٬ اؤلدورولن و یا یارالانان ائرمنیستان عسگری سایی‌سی‌نین ۱۰۰-دن چوْخ اوْلدوغونو سؤیله‌میشدیر. آیریجا٬ بیر عدد می-۲۴ هلیکوپتری‌نین ائرمنیستان گۆجلری طرفیندن دۆشورولدوگو٬ ۱ تانکین ایسه پاتلایان مین‌له ایشدن دۆشدوگونو بیلدیریلمیشدیر.
۳ آوریل
[دَییشدیر]۳ آوریلده آذربایجان دیفاع وزیرلیگی تک طرفلی آتش‌کس اعلان ائتمیشدیر. ائرمنی طرفی٬ آذربایجان گۆجلرین هۆجۇملارینی سۆردوردوگونو سؤیله‌میشدیر. آذربایجان دیفاع وزیرلیگی٬ ائرمنیستانین آتیشی سۆردورمه‌سی حالدا هۆجۇملارینی سۆردوره‌جک‌لرینی آچیقلامیشدیر.
ائرمنی عسگری یئتکیلی‌لری٬ تالیش کندی و چئوره‌سی‌نین گئری آلدیغینی ایدّیعا ائتمیش٬ آذربایجان ایدّیعانی رد ائتمیشدیر. آیریجا٬ آذربایجان بیر ائرمنی اینسانسیز هاوا آراجینی دۆشورموشدور.
آذربایجان جۆمهۇرباشقانی الهام علی‌یئو٬ ائرمنیستانین باریش ایسته‌مه‌دیگینی ساوۇنموش٬ ییخیجی‌لیق ایله گۆناهلاندیرمیش و «بؤیوک بیر ظفر قازاندیق» آچیقلاماسینی سؤیله‌میشدیر. تۆرکیه جۆمهۇرباشقانی رجب طیب اردوْغان دا آذربایجانی سوْنونا قدر حیمایت ائده‌جک‌لرینی سؤیله‌میشدیر.
۴ آوریل
[دَییشدیر]صاباح ساعاتلاریندا آتیشمالارین شیدّت‌لندیگی٬ آذربایجان گۆجلری‌نین قراد تیپلی راکت‌لرله هۆجۇم ائتدیک‌لری ایفاده ائدیلمیشدیر. آیریجا٬ ائرمنی گۆجلره عایید بیر باشچیلیق مرکزی‌نین وۇرولوب ایکی داناسی‌نین یۇخاری درجه‌لری افسر اوْلماق اۆزَره بیر چوْخ عسگرین اوْلدورولدوگونو بلیرتمیشدیر. عئنی گۆن٬ بیر آذربایجان اینسانسیز هاوا آراجی‌نین ائرمنی کؤنوللولری داشی‌یان بیر اوتوبوسو وۇرماسی سوْنوجو بئش ائرمنی اؤلدورولموشدور.
ائرمنیستان دؤولت باشقانی سرژ سارکیسیان٬ چاتیشمالارین شیدّتلنمه‌سی حالیندا٬ ائرمنیستانین داغلیق قاراباغ جۆمهۇریتینی تانی‌یاجاغینی سؤیله‌میشدیر. آیریجا٬ آذربایجان دیفاع وزیرلیگی٬ ائرمنی گۆجلرین قارایاخالارا ایستیقامتلی هۆجۇملاری سۆردورمه‌سی حالیندا٬ قاراباغ ائرمنیلری‌نین باشکند اوْلاراق اعلان ائتدیک‌لری خان‌کندی‌یه هۆجۇم ائده بیله‌جک‌لری جهتینده بیر شرح ائتمیشدیر.
آخشام ساعاتلاریندا ائرمنی توْپچوسونون آتیشی نتیجه‌سینده٬ حاجی‌ممدی کندینده یارالالانلار اوْلموشدور.
۵ آوریل
[دَییشدیر]۵ آوریل گئجه‌سی ماتاگیس طرفینده یوْغون چاتیشمالار باش وئرمیشدیر.
آذربایجان دیفاع وزیرلیگی٬ چاتیشمالاردا ائرمنی گۆجلره عایید بئش تانک و مۆهیمّات دوْلو بئش وسیله‌نین ایچینده‌کیلرله بیرلیکده محو ائدیلدیگینی٬ یاخلاشیق ۷۰ ائرمنی عسگرین اؤلدورولدوگونو سؤیله‌میشدیر. چاتیشمالارین آغ‌دره بؤلگه‌سینده‌کی ماتاگیس بؤلگه‌سینده یوْغون‌لاشدیغی ایفاده ائدیلمیشدیر.
۵ آوریلده ویانادا گئرچک‌لشدیریلن گؤروشمه‌لردن آتش‌کس قراری چیخیب ایکی طرف ده قارشی‌لیقلی آتش‌کس قراری آلمیشدیرلار.
بیر ده باخ
[دَییشدیر]- داغلیق قاراباغ موناقیشه‌سی
- بیرینجی قاراباغ ساواشی
- قاراباغدا دؤیوشلر (سپتامبر ۲۰۲۳)
- ایکینجی قاراباغ ساواشی
قایناقلار
[دَییشدیر]آنادوْلو تۆرکجه‌سی ویکی‌پدیاسی‌نین ایشلدنلری طرفیندن یارانمیش«2016 Azerbaycan-Ermenistan çatışmaları»، مقاله‌سیندن گؤتورولوبدور. (۹ آوریل ۲۰۱۶ تاریخینده یوْخلانیلیبدیر).