Barongsai
| Barongsai | |||||||||||
|---|---|---|---|---|---|---|---|---|---|---|---|
 | |||||||||||
| Chinese name | |||||||||||
| Traditional Chinese | 舞獅 | ||||||||||
| Simplified Chinese | 舞狮 | ||||||||||
| |||||||||||
| Vietnamese name | |||||||||||
| Vietnamese alphabet | Múa lân | ||||||||||
| Korean name | |||||||||||
| Hangul | 사자춤 | ||||||||||
| Hanja | 獅子춤 | ||||||||||
| |||||||||||
| Japanese name | |||||||||||
| Kanji | 獅子舞 | ||||||||||
| |||||||||||
Barongsai inggih punika sasolahan tradisional Tiongkok sane nganggen sarung marupa singa sane kasolahang ritatkala Hari Raya Imlek. [1]
Sasolahan Singa kapah dados kalih soroh inggih punika Singa Utara sane madue surai ikal miwah masuku pat, miwah Singa Selatan soroh singa sane madue sisik taler matanduk.
Singa Utara lebih mirip singa duaning bulunnyane sane tebel, nenten madue sisik. Ring Indonesia, Singa Utara kabaos Peking Sai. Singa Utara madue bulu sane tebel miwah panajng mawarna kuning miwah barak, ketahnyane Singa Utara kasolahang antuk kalih Singa dewasa antuk pita mawarna barakk ring sirahnyane sane nyihnayang singa muani taler pita gadang nyihnayang singa luh.
Peking Sai kasolahang antuk akrobatik miwah atraktif, minakadi mamargi ring duur tali, mamargi rin duur bola, ngandong, mapiteh, miwah sane tiosan. Peking Sai wenten taler sane kasolahang antuk panak singa utawi pendekar sane makta piranti marupa bola sane mimpin para singa. Ketahnyane, sang pendekar nyolahang makudang-kudang gerakan beladiri Wushu.
Kocap, dumun atraksi Peking Sai kanggen ngibur kulawarga keraton ring Istana Tiongkok.
Singa Selatan puniki ketah kapanggih sane kabaos Barongsai. Kerangka sirah Singa Selatan kakaryanin antuk tiing, raris katempelin antuk kertas, raris kalukis, miwah katempelin bulu taler kaias. Buu sane madue kualitas becik sajeroning makarya barongsai inggih punika bulu domba utawi bulu kelinci. Sakewanten, dados nganggen bulu sintetis mangda ngamolihang aji sane mudah. Ring jaman modern, kerangka barongsai sampun kakaryanin antuk aluminium utawi rotan.
Singa Selatan madue makudang-kudang soroh, minakadi tanduk lanying, gidat sane tegeh, miwah ikuh sane panjang kabaos Fut San utawi Fo Shan utawi Fat San. Singa sane madue tanduk nenten lanying, miwah ikuh sane cenik kabaos Hok San. Makakalih kambil saking wastan genah ring Tiongkok.
Kesenian barongsai ngranjing ka Indonesia duk abad 17, ritatkala wenten migrasi ageng saking Tiongkok Selatan. [2] Ring Indonesia akeh wenten barongsai daweg jaman kantun wenten perkumpulan Tiong Hoa Hwe Koan. Perkumpulan sane wenten ring Indnesia majanten madue perkumpulan barongsai. Panglimbak barongsai raris puput ring warsa 1965 sawusan G30 S/PKI. Duaning punika, makasami kebudayaan Tionghoa ring Indonesia nenten mamargi. Sakewanten kawentenan politik Indonesia ring warsa 1998 kesenian barongsai miwah kebudayaan Tionghoa malih dados kamargiang. Sayan akeh wenten perkumpulan barongsai nenten minakadi dumun, mangkin neten wantah anak muda Tiohoa sane prasida nyolahang barongsai, sakewanten akeh kaum muda pribumi Indonesia sane taler nyarengin. [3]
Ring jaman pamerintahan Soeharto, barongsai polih nenten dados kasolahang. Wantah siki genah ring Indonesia sane dados nyolahang barongsai inggih punika ring kota Semarang, pamekasnyane ring panggung ageng kelenteng Sam Poo Kong utawi Kelenteng Gedong Batu. Nyabran warsa, ring tanggal 29-30 wulan Juni manut pananggalan Tionghoa sane kabaos Imlek, barongsai saking nem perguruan ring Semarang kasolahang. Kanenem perguruan punika minakadi ring sor puniki.
- Sam Poo Tong, nganggen pangangge putih-jingga- selem (kaos, sabuk, celana) pinaka tuan rumah.
- Hoo Hap Hwee antuk busana putih-selem.
- Dijen Gie Tong (Budi Luhur) antuk busana kuning-barak-selem.
- Dijen Ho Tong (Dharma Hangga Taruna) antuk busana putih-gadang.
- Hauw Gie Hwee antuk busana gadang-kuninggadang raris kagentosin Dharma Asih antuk busana m=barak-kuning-barak.
- Porsigab (Persatuan Olah Raga Silat Gabungan) antuk busana pelung-kuning-pelung.
Yadiastun sane nyolahang barongsai kanem kelompok punika, sakewanten nenten wantah saking krama Semarang kemanten. Duaning, kanem perguruan punika madue cabang sane magenah ring Pulo Jawa kantos ka Lampung.
- ↑ "www.sambas.go.id". web.archive.org. 2009-11-08. Kaarsipin saking versi asli tanggal 2009-11-08. Kaaksés 2023-02-28.
- ↑ Okezone (2020-01-25). "Sejarah Singkat Barongsai di Indonesia, Masuk Pada Abad Ke-17 : Okezone Lifestyle". https://lifestyle.okezone.com/ (ring Indonesia). Kaaksés 2023-02-28. External link in
|website=(help) - ↑ "Barongsai_1". www.seasite.niu.edu. Kaarsipin saking versi asli tanggal 2023-02-28. Kaaksés 2023-02-28.