Gotik

De Gotik is a Stilepoche in da europäischn Kunst vom Middloita. Se is entstondn uma 1140 in da ile-de-France (Gengd um Paris) und hod neadli vo de Oipn bis uma 1500 dauad. Da zuvor herrschende Bau- und Kunststil is ois Romanik bekonnt. Da gotische Stil is nur in da Architektua genau obzugrenzn, währnd des auf de Gebiete vo Plastik und Malerei nid in gleicha Kloaheit möglich is.

De Gotik woa a Epochn, wos umd Vabildlichung vo da christlichn Ideenwoid gonga is. Se hod dabei in grossn Umfang mid Symbolik und Allegorie g'orwat. Herausrogende Kunstschöpfung is de gotische Kathedrale, des Gesomtkunstwerk vom Middloita, de wos Architektua, Plastik und (Glos-)Molarei vaeind. In da Architektua untascheidt ma no imma Früh-, Hoch- und Spätgotik, de in de vaschiednan eiropäischn Landschoftn untaschiedlich schnö iwanommen worn san.

De Bezeichnung "Gotik" (vo italienisch gotico - fremdartig, barbarisch; ursprünglich a Schimpfwoat, obgleitet vo da Bezeichnung firn Germanenstamm vo de Goten) is in da Renaissance duach den italienischen Kunsttheoretika Giorgio Vasari geprägt worn, dea damid sei Geringschätzung fird middloitaliche Kunst gengiwa dem "goidenen Zeitoita" vo da Antik ausdruckn woit. A wenn die Bewertung vom Vasari heid nimma geteilt wead, is de Bezeichnung iwanumma wuan.