La Salle (Aostatoi)
| La Salle | ||
|---|---|---|
|
| |
| Staat | Italien | |
| Region | Aostatoi | |
| Koordinaten | 45° 45′ N, 7° 4′ O | |
| Häh | 1001 m s.l.m. | |
| Fläch | 83 km² | |
| Eihwohna | 2.125 (31. Dez. 2013)[1] | |
| Dichtn | 26 Eihw./km² | |
| Postloatzoi | 11015 | |
| Vorwoi | 0165 | |
| ISTAT-Nummera | 007040 | |
| Voiksbezoachnung | Sallereins | |
| Schutzpatron | Hl. Kassian | |
| Hoamseitn | La Salle | |
La Salle (uma 1001 m. ü. M.) is a Gmoa vo da autonoma Region Aostatoi in de italienischn Oipn. Se hod 2125 Eihwohna (Stond: 31. Dezemba 2013) und a Fläch vo 83 km². La Salle liegt af da orografisch rechtn Seitn vo da Dora Baltea.
De Gmoa gheat'm Gmoavabond Comunità Montana Valdigne Mont Blanc o, und is iah Haptort.
De Nochboagmoana san: Avise, Courmayeur, La Thuile, Morgex und Saint-Rhémy-en-Bosses.
La Salle bsteht aus de Ortstei: Chabodey, Le Pont, La Clusaz, Croix-des-Prés, Écharlod, Écharlod dessus, Chez Béneyton, Fenêtre, Charvaz, Moras, Chez-les-Rosset, Villair, Cré, Villaret, Derby, Chez-les-Gontier, Le Champ, Écours, Prarion, Moyes, Cottin, Chaffieron, Châtelard, Le Château, Beauregard, Villarisson, Remondey, Les Places, Chaffiéry, Arbétey, Chez-les-Baud, Chez-les-Émonet, Beillardey, Chéverel, Challancin, Grassey, Morge, Planaval, Piginière und Chez-Borgne.
Sengsweat san des Schloss vo Châtelard ausm 12. Joarhundad und des Schloss Les Cours, wo ongebli Popst Innozenz V. geboan is.
Im Weinbeag owahoib vom Ort woxn de Rebn fia'n Blanc de Morgex et de La Salle, a frischa und truckana Weißwein.
Weahnd da Zeid vom Faschismus hod da Ort an italianisiatn Noma Sala Dora.
Beleg
[Werkeln | Am Gwëntext werkeln]- ↑ Statistiche demografiche ISTAT. Monatliche Bevölkerungsstatistiken des Istituto Nazionale di Statistica, Stand 31. Dezember 2013.
