Malawisee

Malawisee

Da Malawisee aus'm Orbit aus gsechn

Oigmoahs

Geógraafische Láug:	Ostafrika
Zuafliss:	Ruhuhu
Áufliss:	Shire

Daaten

Hächen iwern Meeresspiagel:

474

Flächen:

29600

Seeléng:

570

Seebreaden:

75

Vólumen:

8400

maximale Diaffen:

704

Durchschnidtliche Diaffen:

292

Bsunderheiten:

Da fischortnraichste See vo da Wejd

Da Malawisee (friara Nyasasee, yao nyasa „See“) in Ostafrika is da neintgrässte See vo da Erdn. Sai Oufluss is da Shire. De Orainerstootn vom See sand: Tansania, Malawi und Mosambik.

Gschicht

In da Kolonialzeit is a Eisnbohlinie vo Mtwara am Indischn Ozean noch Mbamba Bay am Malawisee plant woan, da Plan is owa ned vawirklicht woan. Haid gibs no owai Pläne, de Aisnbostreckn, da sognonnte Mtwara Development Corridor zan baun, um Koinvurkemma im Mchuchuma-Katewakegebiat zan daschliassn, sowia a oiternatiave Seevabindung fia Malawi zan schoffm.

Nkhotakota is oana vo d' ejtastn [Morktplätz vo Afrika siadlich vo da Sahara. Sai Gschicht is wenig daforscht.

Ba Karonga ligg da Fundort vom ejtastn zur Gottung Homo gstejtn Fossij, des bisher vo Paläoanthropolong enteckt woun is. Der mid mera ois zwoa Milliona Joar oide, bezounte Unterkiafer houd d' Archivnummer UR 501 dahoidn und is vo seim Entdecker, Friedmann Schrenck, ois Homo rudolfensis aigordnet woan.

Eadkund

Da Malawisee liegt im ostafrikanischn Grobmbruch. Ea is da drittgresste afrikanische See. Ea hod a Läng vo 560 Kilometan, a Broadn bis zu 80 Kilometan und a Tiafn bis zu 70 Metan. Flächnmäßi san nua da Tanganijasee und da Viktoriasee in Afrika gressa.

S Wossa vom See is sea kloar. Am Seeufa ko ma bis zum Grund schaun. Auf Noadn zua wean de Ufa steila. Ganz obm auf da tansanischn Seitn grenzn de Livingstone-Beag an an See, mit Steiwändn bis zu fost 2.500 Meta direkt am See. Do kena hohe Windgschwindigkeitn und entsprechenda Wejngang auftretn. Segln und Windsurfn ko do gfeali wean.

Fauna

Am Malawisee lebm aa vui Viecha, z. B. Seeodla, Krokodui und Flusspfeadln. Auf unbewohntn Insln gibts aa Seeschlanga und Warane.

Da Malawisee guit ois da fischreichste See vo da Wejd. Im See gibts ebba 450 Fischoartn. De moastn davo san maibriatande Buntborsch.

Tourismus

Aufm Malawisee gibts aa an Passagia- und Frochtvakea. De Hofm san im Sidn und Noadn: Monkey Bay, Chipoka, Makanjila, Nkhotakota, Nkhata Bay, Mphandi Port, Ruarwe, Charo, Mlowe, Chilumba, Kambwe bei Karonga. De Hin- und Rickfoart dauat fimf Tog. De Insln Chizumulu und Likoma wean vo Nkhata Bay zwoamoi in da Woch oglafa.

Im Distrikt Mangochi gibts an Hauffa Hotels, Lodges und Camps fia Touristn. Weida im Noadn liegt da Bodeoat Senga. Bei Ruacksocktouristn san Nkhata Bay und Cape MacLear sea beliabt.

Galerie

Seepanorama
Monkey Bay am Sidufa, mit tippischn Schinakln
Kloana Bua fischt bei Sunnaaufgang
A Insl im Malawi-See
Buntborsch im Malawisee

Im Netz

Commons: Malawisee – Sammlung vo Buidl, Videos und Audiodateien
David H. Eccles: An outline of the physical limnology of Lake Malawi. Limnology and Oceanography, Bd. 19, 5, September 1974, S. 730–742 (PDF-Datei; 1,21 MB)