A Metropolitan Borough is a Vawoitungseinheit in England und a Vawoitungsuntereinheit vo am Metropolitan County.
1974 is in England a zwoastufigs Vawoitungssystem, bstehnd aus Countys (Grofschoftn) und Districts eigfiaht worn. Sechs Ballungsgebiet san dabei zu Metropolitan Counties worn, de in Metropolitan Districts untateit worn. Diese Distrikte hom de Meglichkeit eahoitn, bei da Kinigin den Status vo am Borough zu beontrogn. Des hom olle Distrikte gmocht und san so zu Metropolitan Boroughs worn. Im Gengsotz zu de Non-Metropolitan-Districts gheat zu de Kompetenzn vo de Metropolitan Boroughs aa de Schuiaufsicht.
1986 an de Rät vo de Metropolitan Counties obgschofft worn und ihre Aufgom san greßtntejs auf de Metropolitan Boroughs übatrong worn. Diese stenga domit faktisch den Unitary Authorities gleich, wern meist owa ned so gnennt.
Oanige Metropolitan Boroughs bsitzn aa den Status vo oana City (Stod).
Ois Metropolitan Boroughs san vo 1899 bis 1965 aa de domolign Londona Stodbezirke bezeichnt worn. Noch da Buidung vo Greater London san diese duach de London Boroughs easetzt worn.
