Amazake
 Sarong tasa kan amazake | |
| Klase | Gatas sa tinanom |
|---|---|
| Kurso | Inumon |
| Ginikanang lugar | Hapon |
| Rehiyon o istado | Subangan na Asya |
| Pig-aasosyar na nasyunal na lutoon nasyunal l na lutuon | Lutuon nin Hapon |
| Ginibo ni | Panahon nin Kofun sa Hapon |
| Temperatura nin pagsirbe | Mainit, temperatura nin kwarto, o malipot |
| Pangenot na sahog | permentadong bagas |
An Amazake (甘酒, [amazake]) sarong tradisyonal na mahamis, hababang alkohol o bakong-alkoholikong inumon kan Hapon na gibo sa permentadong bagas. [1] Napetsahan an Amazake poon pa kan panahon nin Kofun, asin nasambit ini sa Nihon Shoki.[2] Parte na ini kan pamilya sa mga tradisyonal na pagkakan nin Hapones na ginibo gamit an moldeng koji na Aspergillus oryzae (麹 kōji), na kinabibilangan man kan miso, tawyo, asin sake.[3][4]
Igwang pirang mga recipe para sa amazake na ginamit sa ginatos na taon. Sa paagi kan sarong bantog na recipe, dinudugang an kōji sa pinalipot na tipasi nin bagas na nagkawsa sa mga ensima na raoton an mga kaybohaydrino sa mas simpleng daing nilinig na mga asukar. Mantang nag-incubate an timpla, natural na nabibilog an hamis. Sa paagi kan saro pang recipe, hinaluan nin tubig an sake kasu asin idinugang an asukar.[5][6]
Pwede an Amazake na panghimagas, mirendalan, natural na sweetening agent, salad dressing o smoothie. An sarong tradisyonal na inumon na amazake, na iprinipreparar sa paagi kan pagsaro kan amazake asin tubig, na pinainit sagkod sa magkalagakaga, asin midbid sa mga nagpapabakal sa tinampo an parati na kinakaganan nin kul-it nin pinong kinudkod na laya, asin siniserbe pa man ini sa mga inn, mga tsaahan, asin sa mga kapistahan. Kadaklan sa mga dambana nin Shinto asin templong budismo an nagtatao o nagpapabakal kaini sa kasagsagi kan bagong taon.[7] Kadtong ika-20 siglo, nagin available na an sarong instant na bersyon kaini.
Naglalaog an Amazake nin kadakol na mga nutrients, kabali an bitamina B1, B2, B6, asidong poriko, pandiyeta hibla, oligosaccharide, cysteine, arginina asin glutamina.[8] Parati ining kinokonsederar na bulong sa hangover sa Hapon.[9] Sa luwas kan Hapon, parati ining ipinapabakal sa mga grocery store sa Asya sa mga bulan kan tiglipot, asin, sa bilog na taon, sa mga bakalan kan natural na pagkakan sa U.S. asin Europe, bilang inumon asin natural na pampahamis.
Kadayon sa mga kaarog na inumon an jiuniang kan Tsina asin gamju kan Korya. Sa paggibo nin arak na ubas, must – sweet, mahibog, bakong permentadong grape juice - iyo an saro sa kaarog na produkto.
Hilingon man
[baguhon | baguhon an source]- Akumochizake
- Brown rice syrup
- Choujiu
- Gamju – Kaagimba kan Amazake sa Korya
- Jiuniang – Kaagimba kan Amazake sa Sina
- Must – kaarog na produkto sa paggibo nin alak
Mga toltolan
[baguhon | baguhon an source]- ↑ Goldbeck, David; Goldbeck, Nikki (October 1989). Vegetarian Times. pp. 65. https://books.google.com/books?id=uQcAAAAAMBAJ&dq=Amazake&pg=PA65.
- ↑ Studarus, Laura. "Uncovering amazake: Japan's ancient fermented 'superdrink'". www.bbc.com (in English). Retrieved 2022-07-04.
- ↑ Shurtleff, W.; Aoyagi. A. 1988. Amazake and Amazake Frozen Desserts. Lafayette, California: Soyfoods Center. 69 + [52] pp.
- ↑ Shurtleff, William; Aoyagi, Akiko (2021). History of Koji – Grains and/or Soybeans Enrobed in a Mold Culture (300 BCE to 2021): Extensively Annotated Bibliography and Sourcebook (PDF). Lafayette, CA: Soyinfo Center. ISBN 9781948436564.
- ↑ Error sa pag-cite: Imbalidong
<ref>tatak; mayong teksto na ipinagtao para sa reperensiya na pinagngaranan na:0 - ↑ "おうちで簡単 酒粕で甘酒の作り方 作り方・レシピ" [Simple at-home recipe to make sake kasu amazake]. クラシル (in Japanese). Retrieved 2022-07-04.
- ↑ "正月に甘酒を飲むのはどうして？神社などで配られる理由" [Why is amazake drank on New Years? Here are the reasons why it is distributed by places such as shrines.]. SELECT PHARMACY（セレクトファーマーシー）. 2020-12-30. Archived from the original on 2023-04-15. Retrieved 2022-07-04.
- ↑ Belleme, John; Jan Belleme (2007). Japanese Foods That Heal. Tuttle Publishing. pp. 55–58. ISBN 978-0-8048-3594-7. Retrieved 2008-05-13.
- ↑ Studarus, Laura (18 March 2020). "Uncovering amazake: Japan's ancient fermented 'superdrink'". BBC Travel. https://www.bbc.com/travel/article/20200317-uncovering-amazake-japans-ancient-fermented-superdrink.
Mga panluwas na takod
[baguhon | baguhon an source]- Shurtleff, William; Aoyagi, Akiko (2021). History of Amazake and Rice Milk (1000 BCE to 2021): Extensively Annotated Bibliography and Sourcebook (PDF). Lafayette, CA: Soyinfo Center. ISBN 9781948436557.
Igwang relatibong medya para sa Amazake duman sa Wikimedia Commons