Bilog

Bilog
Sarong bilog (itom), na iyo nasusukol kan sirkumperensya (C) kaini, diyametro (D) sa cyan, asin radiyus (R) sa pula; an tahaw o sentro (O) kaini iyo nasa magenta.

An bilog o sirkulo (Ingles: circle) iyo sarong hugis na pigbibilog nin gabos na punto sa sarong patag na iyo yaon sa ispesipikong distansya gikan sa sarong ispesipikong punto, an tahaw o an sentro; kaparehas man, ini iyo an kurbada na naikurit nin sarong punto na naghihiro sa sarong patag tanganing an distansya kaini sa sarong ispesipikog punto iyo dae nagbabago. An distansya sa ultanan kan maski anong punto kan bilog sagkod kan tahaw (sentro) iyo an inaapod na radiyus.

Ispesipiko na an bilog iyo an simpleng nakasaradong kurbada na nagbabanga sa patag sa duwang rehiyon: an panlaog asin an panluwas. Sa urualdaw na paggamit, an terminong "bilog" pwede man magamit bilang kapuruhan kan pigura, o sa kabilugan kan pigura kabali an panlaog kaini; sa istriktong teknikal na paggamit, an bilog iyo an kapuruhan sana asin an kabilugang pigura iyo inaapod na disk.

An bilog pwede man matawan nin kahulugan bilang sarong espesyal na klase nin ellipse kun sain an duwang foci iyo koinsidente asin an esentrisidad (eccentricity) kaini iyo 0, o an duwang-dimensyonal na hugis na minasakop nin kadaklan sa hiwas kada yunit nin kwadradong perimetro gamit an kalkulus nin baryasyon.

Panluwas na takod

• "Circle", Encyclopedia of Mathematics, EMS Press, 2001 [1994] 
• Circle sa PlanetMath.
• Weisstein, Eric W. "Circle". MathWorld. 
• "Munching on Circles".