Lawrensyo

An elemento pigpangaran pakatapos ki Ernest Lawrence

An lawrensyo (Ingles: lawrencium) iyo sarong sintetikong elementong kimikal na may simbolong Lr (nagligad na Lw) asin atomikong bilang na 103. Pigpangaranan ini bilang pag-onra ki Ernest Lawrence, imbentor kan cyclotron, sarong kagamitan na nagamit sa pagdiskobre sa nagkapirang mga artipisyal na radyoaktibong elemento. Bilang sarong radyoaktibong metal, an lawrensyo iyo an ika-11 na transuranikong elemento asin iyo an pinakahuring kaapil kan aktinidong serye. Arug kan gabos na elementong may atomikong bilang na lagpas 100, an lawrensyo pwedeng mamokna sana sa mga partikulong akselerador sa paagi kan pagbombardo nin mas magiang mga elemento sa mga kargadong partikulo. 14 na isotopo kan lawrensyo an presenteng aram; an pinakapusog iyo an ²⁶⁶Lr na may kabangang-buhay na 11 oras, pero an mas may halipot na buhay na ²⁶⁰Lr (kabangang-buhay na 2.7 minuto) iyo an pinakanagagamit sa kimika huli pwede ining mamokna sa darakulan na sukol.

Sa mga dekada kan 1950s, 1960s, asin 1970s, nagkapirang mga pag-ako kan sintesis nin lawrensyo sa baryenteng mga kalidad an namokna sa mga laboratoryo kan Soviet Union asin Estados Unidos. An prayoridad kan pagkadiskobre asin dagos an pagngaran kan elemento iyo pinag-iiwalan sa tahaw kan mga Soviet asin Amerikanong siyentista, asin habang an International Union of Pure and Applied Chemistry (IUPAC) enot na pigheras na an lawrensyo bilang an opisyal na ngaran kan elemento asin pigtao an kredito sa grupo nin mga Amerikano sa pagkadiskobre, liwat na pig-ebalwar ini kan 1997, na nagtao sa kaparehas na grupo kan kredito pero dae na pigliwat an ngaran kan elemento.

Panluwas na takod

• "Chart of Nuclides". National Nuclear Data Center (NNDC). Retrieved 2014-08-21. 
• Los Alamos National Laboratory's Chemistry Division: Periodic Table – Lawrencium
• Lawrencium sa The Periodic Table of Videos (University of Nottingham)