Puławy
An Puławy (pinagsasambit bilang [puˈwavɨ]) sarong syudad sa sirangan kan Poland, sa probinsya kan Lublin sa taas kan Lesser Poland, nakapamugtak sa kompliwensya kan salog kan Wisla asin Kurówka. Sigun sa GUS census estimate, an syudad igwa nin total na populasyon na 49,839 kan taon 2006. An Pulawy iyo an kapital kan Pulawy County, asin pinagmidbid man bilang Nowa Aleksandria, o Nowo Aleksandria, poon 1846 hasta 1918 kan magkabaranga-banga an Poland. An coat of arms kaini iyo an Pahonia.
An Pulawy inot nang namensyonar sa mga dokumento kan ika-15 siglo. Kan panahon na idto, pinagbabaybay pa ini bilang Pollavy, asin an ngaran man kaini sinasabing hali sa Vistula river ford, na makukua sana sa harani kaini. An syudad nagin lokal na sentro nin siyensya, industriya, asin man turismo, kairiba kan hararaning banwaan kan Nałęczów asin Kazimierz Dolny. An Pulawy iyo an pinamumugtakan kan inot na museo sa Poland, asin porta sa salog kan Vistula. An banwaan igwa nin duwang tulay, apat na estasyon nin tren, na nagseserbeng sumpayan kan mga tinampo. Sa kataning kaining Deblin, igwa man nin aeropuerto. Igwa nin nagkakapirang sports club igdi, an pinakabantog ngani iyo an Wisła Puławy (men’s football 2nd Division kan 2016/17, swimming, track and field, weight lifting) asin man an KS Azoty-Puławy (men’s handball 1st Division).
Historya
[baguhon | baguhon an source]An historya kan Pulawy masususog pa sa ika-15 siglo, kan magkaigwa nin mag-iristar harani sa salog kan Vistula. Kan huring parte kan ika-17 siglo, nagbutaw ini bilang sarong rural na residencia kan mayayaman na pamilya kan Lubomirski asin Sienawski asin man kan taon 1676-1679, si Prinsipe Stanisław Herakliusz Lubomirski nagpagibo nin palasyo, na midbid ngunyan bilang Pałac Czartoryskich o an Czartoryskich Palace. Kan 1687, an aking babayi ni Lubomirski na si Elzbieta(inapod man bilang uncrowned Queen of Poland), naagom si Adam Mikolah Sieniawski, asin pinagtao an Pulawy bilang Dowry. Kan 1706, mantang nangyayari an Great Northern War, an mga istaran kairiba man an kastilyo, pinagrurumpag kan mga soldados na Swedish huli ta si Elzbieta suportador man ni Haring Augstus II the Strong.
Ika-20 Siglo
[baguhon | baguhon an source]Naresibe kan Pulawy an town charter kan taon 1906. Kan 1915, pinaglusob ini kan mga Austro-Hungarian na mga suldados, asin nagtener igdi hasta Nobyembre 1918. Kan Agosto 13, 1920, si Józef Piłsudski, Hepe kan Estado sa Poland, naghali sa Warsaw, asin pinag-establisar an pan-militar na kampo sa Pulawy. An Soviet Union Red Army nakua an kadakli kan Sirangan kan Poland asin pinaggegera man man an Warsaw. An mga radio-monitoring, kriptolohikal asin intelehensiyang serbisyo ni Pilsudki, nadiskubre an kakulangan sa mga tropa kan Soviet sa rehiyon kan Pulawy, asin pinagsugo an konsentrasyon kan mga pwersang Polish na magpalibot sa salog kan Wierpz. Kan Agosto 18, 1920, an militar na pwersa kan Polish naglansar nin kontra-atake na nagsirkulo asin nagdaog nin haros 177,000 na makukusog na pwersa kan Soviet. An atakeng ini nagparayo sa mga Red Army sa Poland asin naestablisar an seguridad digdi sa laog nin duwang dekada, hasta sa mag-abot man an mga Aleman kan 1939.
Lokasyon asin transportasyon
[baguhon | baguhon an source]An Pulawy napapamugtak sa subangan na parte kan probinsya nin Lublin, sa puro kan Lesser Polish Gorge kan Vistula, asin harani man sa pinakasirangan na parte kan salog kan Vistula. Sa mga nakaagi, an banwaan sadiri talaga kan Lesser Poland, asin kun babasaran an heograpiya, yaon ini nakapamugtak sa sumpayan kan Mazovian Lowland asin Lublin Upland. An hiwas kan banwaan nag aabot sa 50.49 kilometro kwadrado (19.49 sq mi). An Pulawy nakapamugtak sa National Road Nr. 12, pasiring sa Subangan-Sirangan, hali sa Leknica asin sumpayan ka Aleman, pasiring sa Dorohusk sa sumpayan kan Ukraine. Dugang pa kaini, an banwaan igwa nin apat na estasyon kan tren (Puławy, Puławy Azoty, Puławy Chemia asin Puławy Miasto). An harayoan na distansya kan transportasyon sa riles pinagseserbehan kan Pulawy Miasto station, na nagkokonektar man sa iba pang banwaan kan Poland.
