Апалён Лімасол

	Апалён Лімасол
Поўная назва	Απόλλων Λεμεσού
Заснаваны	14 красавіка 1954
Горад	Лімасол, Кіпр
Стадыён	Цырыён; Умяшчальнасьць: 13 331
Прэзыдэнт	Нікас Кірзыс[d]
Галоўны трэнэр	Давід Каталя[d];
Чэмпіянат	Першы дывізіён
· 2023—2024	7 месца
	Галерэя здымкаў у Вікісховішчы; Афіцыйны сайт

«Апалён» (па-грэцку: Απόλλων) — кіпрскі футбольны клюб з гораду Лімасолу. Заснаваны ў 1954 годзе. Чатырохразовы чэмпіён Кіпру, дзевяціразовы ўладальнік Кубка Кіпру. Акрамя футбольнай дружыны ў структуру клюба ўваходзяць баскетбольная і валейбольная каманды.

Гісторыя

У канцы 1953 году талака юнакоў пастанавіла стварыць нацыянальную і спартовую асацыяцыю з мэтай прасоўваньня адукацыі і сацыяльных навычкаў сваіх маладых сяброў. 14 красавіка 1954 году генэральная асамблея сябраў на чале зь іхным лідэрам Хрыстакісам Паўлідэсам прапанавала стварыць спартовую асацыяцыю пад назвай «Апалён»^[2]. Асамблея ўхваліла прапанову і, такім чынам, ад гэтае даты лічыцца існаваньне клюбу. Першая адміністрацыйная рада каманды ўлучала сакратара, скарбніка і шэраг дарадцаў. Першы сэзон у Другім дывізіёне быў няўдалым, то бок у васьмі матчах клюб усе восем матчаў трываў паразы. У наступным яшчэ ў 1950-х «Апалён» здолеў прабіцца да Першага дывізіёну.

Па прасоўваньні ў эліту клюб доўгі час змагаўся толькі за месцы ў сярэдзіне табліцы. Прагрэс намеціўся ў сярэдзіне 1960-х^[2]. У 1965 годзе «Апалён» дасягнуў фіналу Кубка Кіпру, аднак тытул здабыла «Амонія», перагуляўшы апалёнцаў зь лікам 5:1^[3]. Праз год «Апалён» зноўку дайшоў да фінале і гэтым разам выгуляў кубак, перамогшы «Нэа Саляміну» зь лікам 4:2. У наступным годзе клюб захаваў тытул, абгуляўшы ў фінале 1967 году клюб «Алькі» зь лікам 1:0. Апасьля яшчэ 15 гадоў лімасолцы мусілі чакаць наступных тытулаў. У 1982 годзе ў клюба яшчэ быў шанец на перамогу, але ў фінальным двубою мацней за «Апалён» была «Амонія». У 1986 годзе айчынны кубак скарыўся «Апалёну», то бок у фінале быў перагуляны АПОЭЛ зь лікам 2:0.

У чэмпіянаце Кіпру ўвесь гэты час гульня ў клюба не складвалася. Усё зьмянілася з прызначэньнем нямецкага трэнэра Дытэльма Фэрнэра. Немец усталяваў дысцыпліну і культываваў працавітасьць. Ён здолеў спалучыць імпэт і здольнасьці маладых таленавітых футбалістаў з досьведам знаных футбалістаў, стварыўшы каманду, падрыхтаваную да змаганьня за першы радок. Такім чынам, у сэзоне 1990—1991 гадоў клюб упершыню здабыў перамогу ў чэмпіянаце краіны. У наступныя гады «Апалён» яшчэ здабыў некалькі тытулаў.

Склад

Актуальны на 13 верасьня 2024 году

№	Пазыцыя	Імя	Год нараджэньня
2	Аб	Праксытэліс Вурас	1995
3	Аб	Томас Лам	1993
4	Аб	Захарыяс Адані	1999
5	Аб	Жульен Сэлестын	1997
6	ПА	Сэсі Д’Альмэйда	1995
8	ПА	Ярамір Змргал	1993
9	Нап	Дыега Дарэгарай	1992
10	ПА	Кентэн Буагар	1997
11	Нап	Бабакар Дыён	1997
13	Аб	Бруну Сантус	1993
14	Аб	Ёргас Малекідыс	1997
18	Нап	Анхэлё Сагаль	1993
19	Аб	Нэархас Зынанас	2004
20	ПА	Даніла Шполярыч	1999

№	Пазыцыя	Імя	Год нараджэньня
21	Аб	Карляс Бараона (ар. Картахінэс)	2002
23	Аб	Панаётыс Артыматас	1998
25	ПА	Харалямбас Кірыяку (капітан)	1995
27	ПА	Гаэтан Вайсбэк	1997
30	Нап	Домагай Дрожджак	1996
41	Бр	Пэтэр Леэўвэнбург	1994
43	Нап	Пэдру Маркеш	1998
70	Нап	Чарлз Болі	1998
77	ПА	Ісраэль Коль	1993
78	Бр	Ёргас Ляізу	1992
81	Аб	Вэрнон Дэ Марка	1992
99	Бр	Дымітрыс Дымітрыю	1999
—	ПА	Хрыстас Харалямпус	2008
—	Нап	Клінтан Дуду	2005

Крыніцы

Вонкавыя спасылкі

Афіцыйны сайт

[_0c17255bd77db897-1] ttps://www.transfermarkt.com/apollon-limassol/mitarbeiterhistorie/verein/429

[history-2] а ^б History. Apollon FC.

[3] «Τελικοί Κυπέλλου Κύπρου – Κυπριακή Ομοσπονδία Ποδοσφαίρου».

[1]

[2]

[3]