Барбарызм

Барбары́зм — іншамоўнае слова ці выраз, які поўнасьцю не засвоены моваю і ўспрымаецца як чужароднае, як парушэньне агульнапрынятае маўленчае нормы. З часам гэтае слова (выраз) можа ці выйсьці з ужытку й забыцца (да прыкладу «камільфо»), ці застацца ўжываным у абмежаваных асяродках (прафэсіяналізмы, слэнг) — як цяперашнія «пэйджар» ці «хакер», ці распаўсюдзіцца ў шырокім ужытку — як, да прыкладу, «інфармацыя». У паэзіі барбарызмы маюць рознае прызначэньне — ад псыхалягічнай і сацыяльнай характарыстыкі чалавека да сатырычнага высьмейваньня яго.

Віды барбарызмаў

У залежнасьці ад таго, зь якой мовы словы і словазлучэньні запазычаныя, адрозьніваюць:

• русізмы (з расейскай мовы),
• украінізмы (з украінскай мовы)
• палянізмы (з польскай мовы),
• англіцызмы (з ангельскай мовы),
• галіцызмы (з францускай мовы),
• германізмы (зь нямецкай мовы),
• гебраізмы (з іўрыту) і г. д.

Літаратура

• Галіна Андарала, Віктар Бекіш, Сяргей Берднік Беларуская мова. Вучэбны дапаможнік для пед. ВНУ / Пад рэд. Ларысы Грыгор’евай. — Менск: Вышэйшая школа, 1994. — 366 с. — 20 000 ас. — ISBN 5-339-00950-5