Трэ Крунур (замак)

Гэтая назва мае некалькі сэнсаў. Калі вас цікавяць іншыя сэнсы, глядзіце таксама Трэ крунур (неадназначнасьць).

Трэ Крунур (па-швэдзку: Tre Kronor, даслоўна «Тры кароны») — былы каралеўскі замак у Стакгольме, які існаваў з XIII стагодзьдзя да 1697 году. Цяпер на яго месцы знаходзіцца Стакгольмскі каралеўскі палац.

Гісторыя

Першыя драўляныя прыстасаваньні для заходу чаўноў на востраве Стадсгольмэн існавалі ўжо ў X стагодзьдзі. Мяркуецца, што ў XII стагодзьдзі на ім узьніклі першыя ўмацаваньні. У наступным стагодзьдзі, у 1252 годзе, ярль Біргер пабудаваў тут замак, што дало пачатак гісторыі Стакгольму. Калі ў 1521 годзе Густаў Ваза вызваліў Швэцыю ад дацкага панаваньня, ён зрабіў замак Трэ крунур галоўнай каралеўскай рэзыдэнцыяй і значна ўмацаваў яго. Яго сын Юган III, які стаў каралём з 1568 году, перабудаваў замак у стылі рэнэсанс. У паўночна-ўсходняй вежы ён пабудаваў для сваёй жонкі Кацярыны Ягелонкі каталіцкую капліцу. У 1588 годзе, калі на адным са шпіляў былі ўсталяваны тры залатыя кароны, замак атрымаў сваю назву — Трэ крунур. У 1682 годзе ў замку нарадзіўся будучы кароль Карл XII. У 1692 годзе архітэктар Нікадэмус Тэсін малодшы пачаў перабудову замка ў стылі барока, узяўшы за ўзор палац Фарнэзэ ў Рыме. Аднак 7 траўня 1697 у Трэ крунур ўзьнік пажар, які амаль цалкам зьнішчыў замак. Нікадэмус Тэсін малодшы атрымаў загад пабудаваць новы замак, будаўніцтва якога было завершана ў 1754 годзе.

Вонкавыя спасылкі

Трэ Крунур (замак) — сховішча мультымэдыйных матэрыялаў