ESTCube-1
ESTCube-1 — першы эстонскі спадарожнік, запушчаны 7 траўня 2013 ракетай-носьбітам Vega[1]. Распрацаваны студэнтамі Тартускага ўнівэрсытэту ў межах эстонскай спадарожнікавай праграмы паводле стандарту CubeSat, выніковыя памеры спадарожніка склалі 10×10×10 см, аб’ём 1 літар, маса 1,33 кг[2].
Акрамя непасрэдна адукацыйнае, спадарожнік мае й навуковую мэту. На борце спадарожніка разгорнуты электрычны ветразь, вынайдзены фінскім навукоўцам Пэкам Янхунэнам. Такім чынам ESTCube-1 стаў першым у сьвеце спадарожнікам, што выкарыстоўвае электрычны ветразь. Будуць праведзеныя выпрабаваньні па ягоным разгортваньні, зьмяненьні хуткасьці спадарожніка і выніковым вяртаньні на Зямлю.
Агульны кошт праекту (улучна з запускам) склаў €100 000, большая частка зь якіх (€70 000) была сплочаная за кошт сяброўскага ўнёску Эстоніі як удзельніцы Эўрапейскага касьмічнага агенцтва.
Глядзіце таксама
[рэдагаваць | рэдагаваць крыніцу]Крыніцы
[рэдагаваць | рэдагаваць крыніцу]- ^ Николай Адашкевич. Европейская ракета «Вега» вывела на орбиту три спутника (рас.) // РИА Новости, 7 траўня 2013 г. Праверана 14 траўня 2013 г.
- ^ Estonia’s student cubesat satellite is ready for the next Vega launch (анг.). Arianespace (20 сакавіка 2013). Праверана 14 траўня 2013 г.
Вонкавыя спасылкі
[рэдагаваць | рэдагаваць крыніцу]
ESTCube-1 — сховішча мультымэдыйных матэрыялаў