Вікіпедыя

Яўген Яўгенавіч Савасцьянаў

беларускі футбаліст

Яўген Савасцьянаў (нар. 30 студзеня 1988, Ваўкавыск) — беларускі футбаліст, паўабаронца польскага клуба «Ключэвія» са Старгарда.

Футбол
Яўген Савасцьянаў
Поўнае імя Яўген Яўгенавіч Савасцьянаў
Нарадзіўся 30 студзеня 1988(1988-01-30)[1] (36 гадоў)
Грамадзянства  Беларусь
Рост 187 см
Вага 84 кг
Пазіцыя абаронца, паўабаронца
Інфармацыя пра клуб
Клуб Польшча Ключэвія
Клубная кар’ера[* 1]
2005—2013 Беларусь Нёман (Гродна) 150 (6)
2014—2015 Беларусь Гомель 32 (1)
2015 →  Беларусь Нёман (Гродна) 11 (0)
2016—2018 Беларусь Нёман (Гродна) 55 (1)
2019 Беларусь Слуцк 12 (1)
2019 Беларусь Дняпро (Магілёў) 6 (0)
2020—2021 Беларусь Смаргонь 47 (6)
2022— Польшча Ключэвія (Старгард)
Нацыянальная зборная[* 2]
2009—2011 Беларусь Беларусь (да 21) 8 (0)
2011 Беларусь Беларусь (алімпійская) 1 (0)
Узнагароды і медалі
Дзяржаўныя і ведамасныя ўзнагароды
  1. ↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 17 сакавіка 2022.
  2. ↑ Колькасць гульняў і галоў за нацыянальную зборную ў афіцыйных матчах, адкарэктавана станам на канец 2012

Клубная кар’ера

правіць

Пачаў займацца футболам у Ваўкавыску, яго трэнерам быў бацька — Яўген Савасцьянаў. З 2005 года гуляў за гродзенскі «Нёман», з 2007 года пачаў праходзіць у асноўны склад каманды.

У 2010 годзе канчаткова замацаваўся ў асноўным складзе. У сезоне 2013 выступаў на пазіцыі апорнага паўабаронцы. 17 красавіка 2013 года забіў гол, які прынёс «Нёману» перамогу над БАТЭ (2:1), дзякуючы якой гродзенскі клуб адзінаасобна ўзначаліў турнірную табліцу.

У снежні 2013 года перайшоў у «Гомель». У складзе «Гомеля» спачатку выступаў як апорны паўабаронца, пазней стаў гуляць на пазіцыі правага абаронцы. У жніўні 2014 года атрымаў траўму, з-за якой выбыў да канца сезона.

У сезоне 2015 застаўся ў «Гомелі», нягледзячы на цяжкую фінансавую сітуацыю ў клубе. У складзе каманды зноў стаў выступаць у апорнай зоне. У ліпені 2015 года з-за невыканання кантрактных абавязкаў падаў у суд на «Гомель», а сам стаў трэніравацца з «Нёманам»[2]. 30 ліпеня 2015 года было абвешчана аб вяртанні Савасцьянава ў Гродна на правах арэнды[3], дзе ён замацаваўся на пазіцыі апорнага паўабаронцы.

Па заканчэнні сезона 2015 цікавасць да Савасцьянава стала праяўляць мінскае «Дынама»[4], аднак у выніку ў лютым 2016 года футбаліст падпісаў гадавы кантракт з «Нёманам»[5]. Пачатак сезона 2016 прапусціў з-за траўмы, а ўлетку вярнуў месца ў аснове.

У пачатку 2017 года спрабаваў працаўладкавацца ў іншых клубах, як то салігорскі «Шахцёр»[6] і талдыкарганскі «Жэтысу»[7], але вярнуўся ў Гродна і ў сакавіку падоўжыў кантракт з «Нёманам» на два гады[8]. У сезоне 2017 быў асноўным апорным паўабаронцам гродзенцаў, толькі ў маі, кастрычніку і лістападзе адсутнічаў з-за траўм. Сезон 2018 пачынаў у асноўным складзе, у маі не гуляў з-за траўмы, пасля вяртання некаторы час выхадзіў на замену, у ліпені вярнуў месца ў стартавым складзе.

У снежні 2018 года перайшоў у «Слуцк»[9]. Быў адным з асноўных паўабаронцаў каманды. У ліпені 2019 года пакінуў слуцкі клуб[10].

У жніўні 2019 года далучыўся да магілёўскага «Дняпра»[11], аднак у яе складзе только часа выхадзіў на замену. Па заканчэнні сезона 2019 пакінуў магілёўскі клуб.

У сакавіку 2020 года стаў іграком «Смаргоні»[12], дзе замацаваўся ў аснове. У пачатку 2021 года, калі смаргонскі клуб атрымаў месца ў Вышэйшай лізе, пераважна выхадзіў на замену, але неўзабаве пачаў трывала з’яўляцца ў стартавым складзе.

У сакавіку 2022 года далучыўся да клуба «Ключэвія» з чацвёртага польскага дывізіёна[13].

Міжнародная кар’ера

правіць

Гуляў за моладзевую зборную Беларусі (да 21), з ёй выйграў бронзавы медаль чэмпіяната Еўропы 2011 у Даніі (хоць і не з’яўляўся на полі). Згуляў адзін матч за алімпійскую зборную Беларусі.

Дасягненні

правіць

Статыстыка выступленняў

правіць
Сезон Дывізіён Клуб Краіна Матчы Галы
2005 дубль Нёман   12 1
2006 дубль Нёман   21 1
2007 Д1 Нёман   9 0
2008 Д1 Нёман   20 1
2009 Д1 Нёман   10 0
2010 Д1 Нёман   30 1
2011 Д1 Нёман   26 1
2012 Д1 Нёман   25 1
2013 Д1 Нёман   30 2
2014 Д1 Гомель   20 0
2015 (1) Д1 Гомель   12 1
2015 (2) Д1 Нёман   11 0
2016 Д1 Нёман   19 0
2017 Д1 Нёман   17 0
2018 Д1 Нёман   19 1
2019 (1) Д1 Слуцк   12 1
2019 (2) Д1 Дняпро   24 17
2020 Д2 Смаргонь   21 5
2021 Д1 Смаргонь   26 1

Грамадзянская пазіцыя

правіць

Пасля жорсткага разгону акцый пратэстаў, выкліканых масавымі фальсіфікацыямі на прэзідэнцкіх выбарах 2020 года, збіцця і катаванняў затрыманых пратэстоўцаў, разам з 92 іншымі беларускімі футбалістамі выступіў з асуджэннем гвалту ў Беларусі[14].

Зноскі

  1. ↑ Evgeni Savostjanov // Transfermarkt — 2000. Праверана 9 кастрычніка 2017.
  2. ↑ Савостьянов может вернуться в «Неман»
  3. ↑ Евгений Савостьянов спустя полтора года вернулся в "Неман"
  4. ↑ Минское «Динамо» интересуется Савостьяновым и Тимошенко
  5. ↑ Савостянов продлил контракт с "Неманом"
  6. ↑ Савостьянов на просмотре в солигорском «Шахтере»
  7. ↑ Савостьянов находится на просмотре в «Жетысу»
  8. ↑ Евгений Савостьянов на два года продлил контракт с "Неманом"
  9. ↑ Анюкевич и Савостьянов сменили "Неман" на "Слуцк"
  10. ↑ Савостьянов и Чмыриков покидают "Слуцк"
  11. ↑ БАТЭ - "Энергетик-БГУ". Объявлены составы команд
  12. ↑ Савостьянов стал игроком "Сморгони"
  13. ↑ Евгений Савостьянов продолжит карьеру в четвертом польском дивизионе
  14. ↑ 93 беларускія футбалісты выступілі з асуджэннем гвалту ВІДЭА

Спасылкі

правіць
Узята з "https://be.wikipedia.org/w/index.php?title=Яўген_Яўгенавіч_Савасцьянаў&oldid=4083133"