Ёзэф Доў Салавейчык

Ёзэф Доў Салавейчык
Дата нараджэння	27 лютага 1903(1903-02-27)
Месца нараджэння	Пружаны, Пружанскі павет, Гродзенская губерня, Літоўскае генерал-губернатарства, Расійская імперыя
Дата смерці	9 красавіка 1993(1993-04-09) (90 гадоў)
Месца смерці	Бостан, акруга Сафалк, Масачусетс, ЗША
Грамадзянства	Германія
Бацька	Мошэ Салавейчык[d]
Маці	Pescha Feinstein[d]
Жонка	Tonya Soloveitchik[d]
Дзеці	Товах Салавейчык[d], Хаім Салавейчык і Atarah Soloveitchik[d]
Род дзейнасці	філосаф, выхавацель, рабін, выкладчык універсітэта
Месца працы	Ешыва-ўніверсітэт[d]
Альма-матар	HU Berlin
Вядомыя вучні	Aharon Lichtenstein[d] і Hershel Reichman[d]
Медыяфайлы на Вікісховішчы

Ёзэф Доў Салавейчык (27 лютага 1903, Пружаны, Гродзенская губерня — 9 красавіка 1993, Бостан, ЗША)  — адзін з лідараў артадаксальнага яўрэйства ЗША.

Біяграфія

У 1913 годзе сям’я пераехала ў Хаславічы, дзе ягоны бацька Машэ заняў пост рабіна.

Навучаўся ў меламеда Баруха Райсберга. Да 22-гадовага ўзросту вывучаў Тору і Талмуд пад кіраўніцтвам бацькі. Глыбокі ўплыў на яго аказаў ягоны дзед, рабі Хаім, адзін з кіраўнікоў знакамітай Валожынскай ешывы.

У 1920 годзе сям’я пераехала ў Варшаву, дзе бацька ачоліў новую рабінскую семінарыю «Тахкемоні» («Умудры мяне»). У 1924 годзе паступіў у Вольны польскі ўніверсітэт, дзе тры гады вывучаў палітычныя навукі. У 1926 годзе пераехаў у Берлін, каб працягнуць адукацыю. У 1932 годзе абараніў доктарскую дысертацыю па тэме «Крыніца чыстых ведаў і асноваў рэальнасці» — эпістэмалогія і метафізыка Германа Когена.

У 1931 годзе ажаніўся з Тоняй Левіт (1904—1967), у наступным годзе яны пераехалі ў ЗША. Тут ён стаў рабінам яўрэйскай рады Бостана.

У 1935 годзе накіраваўся ў Палесціну, дзе вылучыў сваю кандыдатуру на пост галоўнага рабіна Тэль-Авіва.

У 1937 годзе заснаваў у Бостане школу «Майманідэс».

Пасля смерці бацькі ў 1941 годзе быў прызначаны кіраўніком Семінарыі ў Нью-Ёрку і заставаўся на гэтай пасадзе да сыходу ў адстаўку з прычыны хваробы ў 1985 годзе.