Бабіт

Бабіт — сплаў на аснове волава, свінцу, цынка і алюмінію з дамешкамі сурмы, медзі, кадмію, тэлуру, кальцыю і іншых хімічных элементаў.

Сплаў вынайдзены ў 1839 годзе Ісаакам Бэбітам (англ.: Isaac Babbitt) і названы ў яго гонар. Бабіт валодае добрымі антыфрыкцыйнымі ўласцівасцямі, высокай пластычнасцю і трываласцю да сцірання. Тэмпература плаўлення 300—440 °C.

Бабіты выкарыстоўваюцца для вырабу падшыпнікаў рухавікоў, пракатных станаў, чыгуначнага рухомага саставу і інш.

Літаратура

• Химический словарь школьника / Б. Н. Кочергин, Л. Я. Горностаева, В. М. Макаревский, О. С. Аранская. — Мн.: Народная асвета, 1990. — С. 28. — 255 с. — 75 000 экз. — ISBN 5-341-00127-3. (руск.)

Спасылкі

• Баббит(недаступная спасылка) // Вялікая савецкая энцыклапедыя (руск.)