Крамянёвая даліна
Крамянё́вая далі́на (таксама Сіліко́навая далі́на, англ.: Silicon Valley) — неафіцыйная назва рэгіёна ў Сан-Францысцкай затоцы (San-Francisco Bay Area) у Паўночнай Каліфорніі, ЗША. Рэгіён атрымаў сваю назву з той прычыны, што там размешчана вельмі шмат высокатэхналагічных кампаній.
Асноўнымі сферамі дзейнасці фірм у Крамянёвай даліне з’яўляюцца электроніка, касмічная галіна, біятэхналогіі, камп’ютарнае абсталяванне і праграмнае забеспячэнне.
Гісторыя
[правіць | правіць зыходнік]Да 1950-х гадоў рэгіён спецыялізаваўся на сельскай гаспадарцы, пераважна на вырошчванні і апрацоўцы фруктаў.
Пачынальнікам праекта стаў Стэнфардскі ўніверсітэт. Універсітэт у Стэнфардзе ў 1930-х гадах меў праблемы з фінансамі. Каб падтрымаць сваіх выпускнікоў, прафесар Фрэдэрык Тэрман (Frederick Terman), які працаваў на электра-інжынернай кафедры, вырашыў, што патрэбна зацікавіць выпускнікоў, каб яны не ад’яжджалі ў іншыя рэгіёны ЗША, а заставаліся ў Каліфорніі. Ён выступіў з ідэяй стварэння свайго даследчага цэнтра. Прафесар запрасіў сваіх ранейшых вучняў, двое з іх — Уільям Хьюлет і Дэвід Пакард. Яны заснавалі камп’ютарную кампанію Hewlett Packard, якая пазней стала сусветна вядомай як вытворца камп’ютараў. Потым пачалі адчыняцца малыя фірмы, якія засноўвалі факультэты і студэнты. Пасля гэтага пачалі далучацца ўжо існуючыя вялікія кампаніі.
Стварэнню новых фірм (start-up) спрыяла і спрыяе дагэтуль наяўнасць пэўнай колькасці венчурных фірм, якія спецыялізуюцца на фінансаванні інавацыйных праектаў. Судовыя справы, звязаныя з сутыкненнямі фінансавых інтарэсаў і пытаннямі інтэлектуальнай уласнасці, абслугоўваюць шматлікія юрыдычныя фірмы.
Фірмы ў Крамянёвай даліне
[правіць | правіць зыходнік]- Adobe
- Advanced Micro Devices (AMD)
- Apple Inc.
- Cisco
- eBay
- Electronic Arts
- Hewlett-Packard
- Intel
- Intuit
- Maxtor
- National Semiconductor
- NVIDIA
- Oracle
- Sun Microsystems
- Symantec
- Yahoo!
«Крамянёвыя даліны» ў іншых краінах
[правіць | правіць зыходнік]Падобныя навукова-прыкладныя цэнтры існуюць у Вялікабрытаніі, Францыі, Германіі. У Індыі, дзе апошнім часам імкліва развіваюцца камп’ютарныя тэхналогіі, парк высокіх тэхналогій заснаваны ў горадзе Бангалор.
У Беларусі існуе аналагічны праект пад назвай «Парк высокіх тэхналогій» (ПВТ).
Зноскі
Спасылкі
[правіць | правіць зыходнік]
На Вікісховішчы ёсць медыяфайлы па тэме Крамянёвая даліна- ПВТ — пілотны праект беларускай «Сіліконавай даліны»
- Беларуска ў Сіліконавай даліне (Радыё Свабода, «Беларускае замежжа»)
- Пачынаецца «мабілізацыя» ў Парк высокіх тэхналогій
- Ці запрацуе ў Беларусі «Сіліконавая даліна»?
- Стандартам Парку высокіх тэхналогій адпавядаюць толькі 30-35 кампаній
- На 30% Парк высокіх тэхналогій будзе складацца з «жалеза»
- А. Лукашэнка падпісаў дэкрэт аб «Сіліконавай даліне»
