Марка Бар’ела

Марка Бар’ела
Агульная інфармацыя
Нарадзіўся	18 чэрвеня 1982(1982-06-18)[…] (42 гады) Неапаль, правінцыя Неапаль, Кампанія, Італія
Грамадзянства	Італія
Рост	186 см
Вага	85 кг
Пазіцыя	нападнік
Інфармацыя пра клуб
Клуб	завяршыў кар’еру
Маладзёжныя клубы
1996—2001 Мілан 1999—2001 →  Трэвіза
Клубная кар’ера
2001—2007 Мілан 16 (1) 2001 →  Трыесціна 9 (1) 2001—2002 →  Трэвіза 27 (10) 2003 →  Эмпалі 12 (1) 2004—2005 →  Рэджына 30 (2) 2005—2006 →  Сампдорыя 11 (2) 2006 →  Трэвіза 20 (5) 2007—2008 Джэноа 35 (19) 2008—2011 Мілан 37 (15) 2010—2011 →  Рома 34 (11) 2011—2015 Рома 18 (1) 2012 →  Ювентус 13 (2) 2012—2013 →  Джэноа 28 (12) 2014 →  Вест Хэм Юнайтэд 2 (0) 2015 Джэноа 8 (0) 2015—2016 Карпі 12 (4) 2016 Аталанта 15 (4) 2016—2017 Кальяры 36 (16) 2017—2018 СПАЛ 15 (1) 2018—2019 Івіса 7 (0)
Нацыянальная зборная
2001—2002 Італія (да 20) 3 (1) 2002—2003 Італія (да 21) 12 (6) 2008—2011 Італія 7 (0)
Медыяфайлы на Вікісховішчы

Марка Бар’ела (італ.: Marco Borriello; нар. 18 чэрвеня 1982, Неапаль) — былы італьянскі футбаліст, нападнік. Ігрок нацыянальнай зборнай Італіі (2008—2011).

Біяграфія

Раннія гады

Марка Бар’ела нарадзіўся 18 чэрвеня 1982 года ў горадзе Неапаль у Паўднёвай Італіі. У яго ёсць два браты: Фабіа і П’ерджорджыа. Калі Марка было 11 гадоў, сям’я страціла бацьку, які стаў ахвярай італьянскай мафіі.

Клубная кар’ера

Бар’ела з юнацкага ўзросту выхоўваўся ў футбольнай школе Мілана, але прабіцца ў каманду не здолеў. У 2001 годзе ён быў аддадзены ў арэнду спачатку «Трыесціне», потым «Трэвіза». У першай палове сезону 2002/2003 Бар’ела дэбютаваў у складзе «расанеры» і ў Серыі A, ён з’явіўся на поле 17 разоў, але забіць здолеў толькі аднойчы. У 2003 годзе з «Мілана» яго арандаваў «Эмпалі», а потым з 2004 па 2006 гады ён пагуляў па чарзе ў «Рэджыне», «Сампдорыі» і «Трэвіза», таксама на правах арэнды. У сезоне 2006/2007 Марка быў дыскваліфікаваны за ўжыванне допінгу.

21 чэрвеня 2007 года «Мілан» аддаў яго ў саўладанне ў «Джэноа» за 1,3 млн еўра, і сезон 2007/2008 стаў для Бар’ела самым удалым — у 35 матчах ён забіў 19 галоў і заняў у спісе найлепшых бамбардзіраў 3-е месца пасля Алесандра Дэль П’ера і Давіда Трэзегэ. 29 мая 2008 года ён ізноў апынуўся ў «Мілане», толькі гэтым разам яго выступ за «расанеры» склаўся больш удала.

31 жніўня 2010 года Марка Бар’ела перайшоў у «Рому» на правах гадавой арэнды з магчымасцю наступнага выкупа за 10 млн еўра. 19 снежня 2010 года забіў пераможны мяч у браму «Мілана», якому належаў кантракт Бар’ела. У чэрвені 2011 года «Рома» выкупіла ўсе правы на нападніка.

У студзені 2012 года на правах арэнды стаў іграком «Ювентуса», а сезон 2012/13 правёў у «Джэноа». У студзені 2014 года быў аддадзены ў арэнду ў «Вест Хэм», але замацавацца ў гэтым клубе не здолеў. Сезон 2014/15 пачаў у складзе «Ромы», аднак ніводнага разу на полі не з’явіўся.

У студзені 2015 года, у апошні дзень трансфернага акна, у трэці раз стаў іграком «Джэноа». У верасні 2015 года ў якасці свабоднага агента падпісаў кантракт з дэбютантам Серыі A — футбольным клубам «Карпі». У студзені 2016 года перайшоў у «Аталанту», а ўжо ў жніўні таго ж года папоўніў склад «Кальяры».

У жніўні 2017 года стаў іграком клуба СПАЛ. Пакінуў ферарскую каманду ў ліпені 2018 года. У жніўні 2018 года перайшоў у клуб трэцяга дывізіёна Іспаніі «Івіса». У студзені 2019 года пакінуў іспанскую каманду і завяршыў кар’еру.

Міжнародная кар’ера

Марка Бар’ела дэбютаваў у нацыянальнай зборнай Італіі 6 лютага 2008 года ў таварыскім матчы супраць зборнай Партугаліі, якая прахадзіла ў швейцарскім горадзе Цюрых. У тым матчы Бар’ела замяніў у другой палове другога тайма Луку Тоні.

Дасягненні

«Мілан»:

• Чэмпіён Італіі: 2003
• Пераможца Лігі чэмпіёнаў: 2007
• Уладальнік Суперкубка УЕФА: 2003

«Ювентус»:

• Чэмпіён Італіі: 2012

Спасылкі

• Профіль на сайце transfermarkt.com (англ.)
• Статыстыка на сайце National Football Teams (англ.)
• Профіль на сайце soccerway.com (руск.)
• Профіль на сайце BDFutbol.com (англ.)
• Статыстыка на сайце UEFA.com (руск.)
• Статыстыка на сайце soccerbase.com (англ.)