Савет бяспекі Рэспублікі Беларусь
| Савет бяспекі Рэспублікі Беларусь | |
|---|---|
 | |
Агульная інфармацыя |
|
| Дата стварэння | 15 лістапада 1991 |
| Кіраўніцтва дзейнасцю ажыццяўляе | Прэзідэнт Рэспублікі Беларусь |
| Штаб-кватэра | г. Мінск, вул. Карла Маркса, 38 |
| Старшыня | Аляксандр Рыгоравіч Лукашэнка |
| Дзяржаўны сакратар | Аляксандр Рыгоравіч Вальфовіч |
| Сайт | president.gov.by/ru/pres… |
Саве́т бяспе́кі Рэспу́блікі Белару́сь — канстытуцыйны, вышэйшы калегіяльны каардынацыйна-палітычны орган, які фарміруецца з мэтай рэалізацыі паўнамоцтваў Кіраўніка дзяржавы ў галіне забеспячэння нацыянальнай бяспекі краіны[1][2]. Узначальваецца і фарміруецца Прэзідэнтам, які падпісвае яго пастановы.
Гісторыя
[правіць | правіць зыходнік]15 лістапада 1991 года Вярхоўны Савет Рэспублікі Беларусь ухваліў пастанову № 1249, якой утварыў Савет бяспекі ў складзе 14 асоб: старшыні Вярхоўнага Савета, яго першага намесніка і старшыні Камісіі Вярхоўнага Савета па нацыянальнай бяспецы, старшыні ўрада, генеральнага пракурора, старшыні Камітэта дзяржаўнай бяспекі, міністраў абароны, замежных і ўнутраных спраў, сувязі і транспарту, начальніка Беларускай чыгункі і ўпраўлення грамадзянскай авіяцыі, камандзіра Беларускай ваеннай акругі. Старшыня Вярхоўнага Савета займаў пасаду старшыні Савета бяспекі і прызначаў сабе памочніка ў якасці кіраўніка апарату Савета бяспекі, які налічваў 4 супрацоўнікі. Пасяджэнні склікаліся двойчы на год[3].
У 1992—1994 гадах Савет бяспекі ўзначальвалі старшыні Вярхоўнага Савета Станіслаў Шушкевіч, потым Мечыслаў Грыб. Паводле прынятай у 1994 годзе Канстытуцыі Рэспублікі Беларусь, палажэнне аб Савеце бяспекі і яго складзе зацвярджаюцца ўказамі Прэзідэнта[1].
5 жніўня 1994 года Аляксандр Лукашэнка ўвёў Указам № 24 у склад Савета бяспекі кіраўніка Адміністрацыі прэзідэнта і дзяржаўнага сакратара замест старшыні Вярхоўнага Савета і старшыні камісіі Вярхоўнага Савета па нацыянальнай бяспецы. Пасяджэнні сталі праводзіцца кожныя тры месяцы[4]. У 1997 годзе апарат Савета бяспекі, на чале якога стаяў прызначаны Прэзідэнтам дзяржаўны сакратар, быў перайменаваны ў сакратарыят[1].
Дзейнасць
[правіць | правіць зыходнік]
У адпаведнасці з артыкулам 84 Канстытуцыі Прэзідэнт Беларусі фарміруе і ўзначальвае Савет бяспекі, назначае на пасаду і вызваляе з яе Дзяржаўнага сакратара Савета бяспекі. Палітыка-прававую аснову дзейнасці Савета бяспекі складаюць Канстытуцыя і законы Беларусі, дэкрэты, указы і распараджэнні Кіраўніка дзяржавы, у тым ліку Канцэпцыя нацыянальнай бяспекі, а таксама міжнародныя дагаворы краіны па адпаведных пытаннях[2].
Да ведання Савета бяспекі аднесены пытанні ўнутранай і знешняй палітыкі Беларусі, якія закранаюць інтарэсы нацыянальнай бяспекі, прыняцце важнейшых рашэнняў па забеспячэнні палітычнай, эканамічнай, навукова-тэхналагічнай, сацыяльнай, дэмаграфічнай, інфармацыйнай, ваеннай і экалагічнай бяспекі дзяржавы і яе грамадзян[2].
Савет бяспекі мае паўнамоцтвы на выкананне шэрагу задач, сярод якіх[2]:
- вызначэнне жыццёва важных інтарэсаў краіны, выяўленне рэальных і патэнцыяльных унутраных і знешніх пагрозаў яе бяспецы;
- распрацоўка асноўных напрамкаў стратэгіі забеспячэння нацыянальнай бяспекі, арганізацыя эфектыўна функцыянуючай сістэмы гарантавання бяспекі краіны;
- падрыхтоўка прапаноў Прэзідэнту Беларусі для прыняцця рашэнняў па пытаннях унутранай і знешняй палітыкі ў галіне забеспячэння бяспекі асобы, грамадства і дзяржавы;
- каардынацыя дзейнасці дзяржаўных органаў у працэсе падрыхтоўкі і рэалізацыі рашэнняў у галіне забеспячэння бяспекі і ацэнка эфектыўнасці іх работы;
- падрыхтоўка аператыўных рашэнняў па прадухіленні надзвычайных сітуацый;
- распрацоўка прапаноў па рэфармаванні існуючых або стварэнні новых органаў, якія забяспечваюць бяспеку асобы, грамадства і дзяржавы;
- арганізацыя супрацоўніцтва з іншымі дзяржавамі па пытаннях бяспекі, інфармаванне грамадскасці аб дзяржаўнай палітыцы ў галіне нацыянальнай бяспекі і практычных мерах па яе рэалізацыі.
Пры Савеце бяспекі дзейнічаюць камісіі:
- міжведамасная камісія па абароне дзяржаўных сакрэтаў;
- міжведамасная камісія па ваенна-тэхнічным супрацоўніцтве і экспартным кантролі;
- дзяржаўныя камісія па радыёчастотах;
- міжведамасная камісія па бяспецы ў эканамічнай сферы.
- міжведамасная камісія па бяспецы ў інфармацыйнай сферы.
Склад
[правіць | правіць зыходнік]| Палітыка |
| Беларусь |
.svg) Артыкул — частка серыі: |
|
Адміністрацыйная сістэма Выбары |
У адпаведнасці з Указам Прэзідэнта Рэспублікі Беларусь ад 15 сакавіка 2021 года, у актуальны склад Савета бяспекі Рэспублікі Беларусь уваходзяць 20 асоб[5]:
- Старшыня Савета бяспекі Рэспублікі Беларусь
- Пастаянныя члены Савета бяспекі Рэспублікі Беларусь
- Прэм’ер-міністр Рэспублікі Беларусь;
- Старшыня Савета Рэспублікі Нацыянальнага сходу Рэспублікі Беларусь;
- Старшыня Палаты прадстаўнікоў Нацыянальнага сходу Рэспублікі Беларусь;
- Кіраўнік Адміністрацыі Прэзідэнта Рэспублікі Беларусь;
- Дзяржаўны сакратар Савета бяспекі Рэспублікі Беларусь;
- Міністр унутраных спраў Рэспублікі Беларусь;
- Міністр абароны Рэспублікі Беларусь;
- Старшыня Камітэта дзяржаўнай бяспекі Рэспублікі Беларусь.
- Генеральны пракурор Рэспублікі Беларусь;
- Старшыня Камітэта дзяржаўнага кантролю Рэспублікі Беларусь;
- Члены Савета бяспекі Рэспублікі Беларусь
- Старшыня Вярхоўнага суда Рэспублікі Беларусь;
- Старшыня праўлення Нацыянальнага банка Рэспублікі Беларусь;
- Старшыня Следчага камітэта Рэспублікі Беларусь;
- Міністр замежных спраў Рэспублікі Беларусь;
- Міністр па надзвычайных сітуацыях Рэспублікі Беларусь;
- Міністр фінансаў Рэспублікі Беларусь;
- Старшыня Дзяржаўнага ваенна-прамысловага камітэта Рэспублікі Беларусь;
- Старшыня Дзяржаўнага пагранічнага камітэта Рэспублікі Беларусь;
- Начальнік Генеральнага штаба Узброеных Сіл Рэспублікі Беларусь.
Членамі Савета бяспекі могуць быць і іншыя службовыя асобы, якія прызначаюцца Прэзідэнтам па прадстаўленні Дзяржаўнага сакратара Савета бяспекі. Актыўны ўдзел у рабоце Савета бяспекі і падрыхтоўцы яго рашэнняў прымаюць і іншыя кіраўнікі міністэрстваў і ведамстваў, цэнтральных і іншых арганізацый, буйнейшых нацыянальных сродкаў масавай інфармацыі, а таксама дэпутаты палат Парламента, аўтарытэтныя навуковыя і грамадскія дзеячы, эксперты ў сферах эканомікі, права, сацыяльнай палітыкі[2].
Дзяржаўны сакратарыят
[правіць | правіць зыходнік]Дзяржаўны сакратарыят Савета Бяспекі — рабочы орган Савета бяспекі Рэспублікі Беларусь. Асноўнымі задачамі Дзяржаўнага сакратарыята з’яўляюцца[6]:
- ажыццяўленне інфармацыйна-аналітычнага забеспячэння дзейнасці Прэзідэнта і Савета бяспекі ў сферы нацыянальнай бяспекі пры ацэнцы ўнутраных і знешніх пагроз жыццёва важным інтарэсам асобы, грамадства і дзяржавы, а таксама прававое і арганізацыйна-тэхнічнае забеспячэнне іх дзейнасці па рэалізацыі паўнамоцтваў у забеспячэнні бяспекі;
- каардынацыя дзейнасці дзяржаўных органаў па распрацоўцы асноўных напрамкаў стратэгіі забеспячэння нацыянальнай бяспекі;
- па даручэнні Прэзідэнта ажыццяўленне кантролю за рэалізацыяй рашэнняў Савета бяспекі і дзейнасцю дзяржаўных органаў, якія забяспечваюць бяспеку асобы, грамадства і дзяржавы;
- забеспячэнне дзейнасці міжведамасных камісій пры Савеце бяспекі.
Дзяржаўныя сакратары
[правіць | правіць зыходнік]- Віктар Уладзіміравіч Шэйман (1994—2000);
- Урал Рамдракавіч Латыпаў (27 лістапада 2000—2001);
- Генадзь Мікалаевіч Невыглас (12 верасня 2001—2006);
- Юрый Васільевіч Крывашэеў, в.а. (6 студзеня — 20 сакавіка 2006);
- Віктар Уладзіміравіч Шэйман (20 сакавіка 2006 — 8 ліпеня 2008)
- Юрый Віктаравіч Жадобін (15 ліпеня 2008—2009);
- Леанід Сямёнавіч Мальцаў (4 снежня 2009—2013);
- Аляксандр Веніямінавіч Мяжуеў (5 снежня 2013—2015);
- Станіслаў Васілевіч Зась (4 лістапада 2015 — 31 снежня 2019);
- Андрэй Аляксеевіч Раўкоў (20 студзеня 2020 — 3 верасня 2020);
- Валерый Паўлавіч Вакульчык (3 верасня 2020 — 29 кастрычніка 2020);
- Аляксандр Рыгоравіч Вальфовіч (з 26 студзеня 2021).
Зноскі
- ↑ а б в БелЭн 2002.
- ↑ а б в г д Савет Бяспекі Рэспублікі Беларусь на афіцыйным інтэрнэт-партале Прэзідэнта Рэспублікі Беларусь (бел.)
- ↑ Станіслаў Шушкевіч. Пастанова Вярхоўнага Савета Рэспублікі Беларусь ад 15 лістапада 1991 г. № 1249 (руск.) (15 лістапада 1991). Праверана 20 сакавіка 2021.
- ↑ Аляксандр Лукашэнка.. Указ прэзідэнта Рэспублікі Беларусь ад 5 жніўня 1994 г. № 24 (руск.). Беларускі прававы партал (кастрычнік 2009). Праверана 13 красавіка 2014.
- ↑ Указ Президента Республики Беларусь 15 марта 2021 г. № 106 «О составе Совета Безопасности Республики Беларусь»
- ↑ Дзяржаўны сакратарыят Савета Бяспекі Рэспублікі Беларусь на афіцыйным інтэрнэт-партале Прэзідэнта Рэспублікі Беларусь (бел.)
Літаратура
[правіць | правіць зыходнік]- А. А. Тозік. Савет бяспекі Рэспублікі Беларусь // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 52. — 10 000 экз. — ISBN 985-11-0035-8. — ISBN 985-11-0238-5 (т. 14).