Сцяг Гаваяў

Сцяг штата Гаваі
Зацверджаны	20 мая 1845
Адменены	17 чэрвеня 1893
Паўторна заснаваны	4 ліпеня 1894 12 жніўня 1898 21 жніўня 1959
Прапорцыя	1:2

Сцяг Гаваяў (англ.: Flag of Hawaii) - адзін з сімвалаў амерыканскага штата Гаваі. Адзіны сярод сцягоў штатаў ЗША, на якім знаходзіцца Юніан Джэк, перажытак перыяду ў Гавайскай гісторыі, калі Гаваі былі брытанскім пратэктаратам (1794-1843).

Апісанне сцяга

Сцяг штата Гаваі ўяўляе сабой прамавугольнае палотнішча, падзеленае па гарызанталі на восем палос аднолькавага памеру, якія сімвалізуюць восемь галоўных астравоў архіпелага. Колер палос (зверху ўніз): белы, чырвоны, сіні, белы, чырвоны, сіні, белы, чырвоны. У крыжы сцяга знаходзіцца сцяг Вялікабрытаніі.

Гісторыя сцяга

Гісторыкі прыпісваюць аўтарства сцяга афіцэру Каралеўскага флота, так як у аснове сцяга ляжыць брытанскі ваенна-марскі сцяг. Таксама выклікаюць спрэчкі прозвішча гэтага афіцэра: некаторыя крыніцы называюць Аляксандра Адамса, іншыя Джорджа Беклея.

Першапачаткова сцяг быў распрацаваны з палосамі, якія чаргуюцца ў іншым парадку - чырвоны-белы-сіні, што таксама прыпісваюць розным гістарычным сцягам Вялікабрытаніі. Аднак некаторыя сцвярджаюць, што на парадак палос паўплываў сцяг Злучаных Штатаў. Таксама першапачаткова сцяг утрымліваў дзевяць палос (дзевятая паласа сімвалізавала востраў Ніхоа). У 1845 колькасць палос на сцягу была афіцыйна зменена на восем.

Гістарычныя сцягі Гавайскіх астравў

	1793—1816	Брытанскі гандлёвы сцяг
	1816 — 25 лютага 1843	Сцяг Каралеўства Гаваі
	25 лютага 1843 — 31 ліпеня 1843	Брытанскі ваенны сцяг
	31 ліпеня 1843 — 20 мая 1845	Сцяг Каралеўства Гаваі
	20 мая 1845 — 17 студзеня 1893	Сцяг Каралеўства Гаваі
	17 студзеня 1893 — 4 ліпеня 1894	Сцяг ЗША
	з 4 ліпеня 1894	з 4 ліпеня 1894 — Сцяг Рэспублікі Гаваі з 12 жніўня 1898 — Сцяг тэрыторыі ЗША Гаваі з 21 жніўня 1959 — Сцяг штата ЗША Гаваі

Сцяг губернатара

Сцяг губернатара штата Гаваяў з 1959 года

Сцяг, які выкарыстоўваецца губернатарам Гаваяў, уяўляе сабой перасечанае напалову палотнішча, верхняя паласа сіняга колеру, ніжняя - чырвонага колеру. У цэнтры сцяга белы надпіс HAWAII (з англ.: Гаваі), акружаны васьмю белымі зоркамі, якія сімвалізуюць восем галоўных астравоў архіпелага. Раней, калі Гаваі былі Тэрыторыяй ЗША, надпіс на сцягу быў TH(Territory of Hawaii з англ.: Тэрыторыя Гаваі).