Сіхатэ-Алінскі запаведнік

Сіхатэ-Алінскі запаведнік
Сіхатэ-Алінскі запаведнік*
Сихотэ-Алинский заповедник**
Сусветная спадчына ЮНЕСКА
Тып	Прыродны
Крытэрыі	x
Спасылка	766
Рэгіён***	Прыморскі край, Расія
	Гісторыя ўключэння
Уключэнне	2001 (25-я сесія)
	* Міжнародная канвенцыя «ЮНЕСКА»; Назва ў афіцыйным англ. спісе; * Рэгіён па класіфікацыі ЮНЕСКА

Сіхатэ́-Алі́нскі біясферны запаведнік^[1] — запаведнік у Прыморскім краі Расіі на ўсходніх і заходніх схілах Сіхатэ-Аліня (вышыня да 1600 м) і ўзбярэжжы Японскага мора. Заснаваны ў 1935 годзе.

Плошча 347,1 тыс. гектараў. Шмат рэк, крыніц, горных азёр. Асноўны тып глеб — бурыя горна-лясныя. Лясы займаюць 99 % тэрыторыі, добра вызначана паясная занальнасць. Пануюць кедроўнікі, якія ўтвараюць шматлікія асацыяцыі. У флоры больш за 1000^[1] відаў вышэйшых раслін, у т.л. рэдкіх і знікаючых. Млекакормячых 62^[1] віды, сярод якіх прадстаўнікі прыамурскай, маньчжурскай, японскай фауны: амурскі тыгр, чорны мядзведзь, гарал, плямісты алень, магера, янотападобны сабака; з барэальнай фауны — буры мядзведзь, лось, собаль. Больш за 320^[1] відаў птушак, у т.л. эндэмікаў.

Разводзяць гаралаў.

Сіхатэ-Алінскі запаведнік з’яўляецца аб’ектам № 766 Сусветнай спадчыны ЮНЕСКА.

Зноскі

↑ ^а ^б ^в ^г БелЭн 2002.

Літаратура

Сіхатэ-Алінскі запаведнік біясферны // Беларуская энцыклапедыя: У 18 т. Т. 14: Рэле — Слаявіна / Рэдкал.: Г. П. Пашкоў і інш. — Мн. : БелЭн, 2002. — Т. 14. — С. 426. — 10 000 экз. — ISBN 985-11-0035-8. — ISBN 985-11-0238-5 (т. 14).

[FOOTNOTEБелЭн2002-1] а ^б ^в ^г БелЭн 2002.

[1]