.45 ACP
.45 ACP (англ. Automatic Colt Pistol, .45 caliber — аўтаматычны пісталет Кольта калібра .45 ), або .45 АКП — пісталетны ўнітарны патрон, распрацаваны Джонам Браўнінгам у 1905 годзе. З тых часоў з’яўляецца папулярным патронам для самаабароны (асабліва ў ЗША). З’яўляецца бясфланцавай (гэта значыць без закраіны, якая выступае) версіяй старога рэвальвернага патрона .45 Colt з дыяметрам закраіны, роўным дыяметру стандартнага вінтовачнага патрона. Пад гэты патрон быў створаны пісталет Colt M1911, а пасля шэраг амерыканскіх пісталетаў-кулямётаў (Томпсан, М3 і інш., нават нямецкі HK UMP ). Патрон мае нізкую пачатковую хуткасць кулі і таму ён часта выкарыстоўваецца для стварэння «бясшумных» варыянтаў зброі з глушыцелямі. Падчас Першай сусветнай вайны гэты патрон таксама выкарыстоўваўся ў рэвальверах Кольт М1917 і, быўшы бясфланцавым, патрабаваў паўкруглую абойму для экстракцыі з барабана.
