Colletia paradoxa

Colletia paradoxa
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Ружакветныя Сямейства:  Крушынавыя Трыба:  Colletieae Род:  Colletia Від:  Colletia paradoxa
Міжнародная навуковая назва
Colletia paradoxa (Spreng.) Escal., 1946
Сістэматыка на Віківідах Выявы на Вікісховішчы NCBI   262929 EOL   5536082 IPNI   63181-2 TPL   kew-2731032

Colletia paradoxa — від невялікіх, моцна разгалінаваных кустоў сямейства крушынавыя (Rhamnaceae).

Апісанне

Нешматлікае, дробнае, эліптычнае лісце з’яўляецца толькі на маладых парастках і да часу цвіцення хутка ападае.

Дробныя, зелянява-белыя, бакалападобныя кветкі былі б зусім непрыкметныя, калі б не іх вялікая колькасць. Яны паасобку або ў невялікіх пучках па 2-4 кветкі размяшчаюцца ў аснове калючак. Цвіценне вясной і вельмі часта паўтараецца восенню. Кветкі духмяныя, апыляюцца матылькамі-бражнікамі.

Плады сухія і скурыстыя, хутка распадаюцца на 3 костачкі.

Вельмі засухаўстойлівая і марозаўстойлівая (да −30 °C). Прадстаўляе сабой разгалісты куст вышынёй да 3 м, шырынёй 5 м. Лісце практычна адсутнічае (лінейныя невялікія лісточкі з’яўляюцца толькі на маладых парастках і ападае да моманту цвіцення), але замест іх куст усеяны плоскімі шэра-блакітнымі шыпамі, шырынёй да 4 см. У кастрычніку распускаюцца дробныя (даўжынёй да 4 мм) бакалападобныя, белыя, духмяныя кветкі з водарам чаромхі; цвіце доўга да снежня; часам і вясной: красавік-май, але вясновае цвіценне не такое багатае і працяглае.

Лёгка размнажаецца паўадраўнелымі тронкамі і насеннем.

На голых камяністых схілах пустынных плато дзіўна мудрагелістыя дрэўцы гэтага віду ствараюць фантастычны пейзаж і, можа таму, у Бразіліі мясцовыя жыхары называюць яе «марсіянскае дрэва». Што не перашкаджае ім шырока выкарыстоўваць калючы хмызняк для стварэння жывых агароджаў.

Арэал

Расце ў засушлівых горных раёнах Паўднёвай Бразіліі і Уругвая. Жорсткія шыза-зялёныя галіны густа засаджаны буйнымі, плоскімі, трохкутнымі, вострымі калючкамі.