Tarung: Pabidaan ralatan
hanyar |
(Kadada bida)
|
Ralatan pahanyarnya pada 17 Agustus 2024 09.19
| ?Terung | ||||||||||
|---|---|---|---|---|---|---|---|---|---|---|
 | ||||||||||
| Klasifikasi ilmiah | ||||||||||
| ||||||||||
| Nama binomial | ||||||||||
| Solanum melongena L. |
Tarung (Solanum melongena) adalah tanaman babuah nang dijadiakan sayur. Tiba matan banua India wan Sri Lanka.[1][2] tarung bakulaan parak lawan Kantang wan Tarung tatar, wan kula jauh lawan Balinjan.
Tarung ialah terna nang rancak ditanam saban tahun. Tanaman ngini tumbuh sampai 40–150 cm (16-57 inci) tingginya. Daunnya ganal, lawan lobus nang kasar. Ukurannya 10–20 cm (4-8 inci) panjangnya wan 5–10 cm (2-4 inci) libarnya. Parian nang sapalih liar taganal wan tumbuh sampai tinggi 225 cm (7 kaki), lawan daun nang labih pada 30 cm (12 inci) wan 15 cm (6 inci) panjangnya. Batangnya rajin bapanting. Kalir kambangnya antara putih sampai bigi ramania, lawan mahkota nang baisi lima lobus. Benang sarinya bakalir kuning. Buah bagalapung mungkal, lawan diameter nang kurang pada 3 cm gasan nang liar, wan taganal lagi gasan parian nang ditanam.
Cara menanam tanaman tarung adalah disemai, imbah tumbuh 4 daun sejati imbah nitu ditanam (dijadiakan paung dulu). Panen dimulai rahatan 70-80 hari imbah semai nang dudinya saban 5 hari.
Dari segi botani, buah nang dikelaskan sawagai beri baisi banyak biji nang halus duwa lembut. Biji nitu kawa dimakan tagal rasanya pahing marga tabuat nikotin, parian alkaloid nang banyak di dalam timbaku.
Sejarah
[babak | babak asal-mulanya]Tarung ialah tumbuhan pangan nang ditanam gasan diambil buahnya. Salusuh budidayanya tiba tumatan di bagian salatan wan timur Asia wayah jaman prasejarah, tagal hanyar dipinandui urang barat kikira tahun 1500. Buahnya baisi bamamacam kalir, paling dipinandui urang iya nang bakalir bigi ramania, hijau, wan putih. Catatan tatulis nang panambayan parihal tarung ditamui dalam Qí mín yào shù, sabuting kisah pertanian Tiongkok kuno nang ditulis wayah tahun 544.[3]
Imbah nitu, banyak ngaran bahasa Arab wan Afrika Utara gasan tarung lawan juwa kurangnya ngaran Yunani wan Romawi manunjukkan bahwa rapun ngini dibawa masuk ka dunia Barat malalui kawasan Laut Tengah lawan bangsa Arab wayah awal Abad Pertengahan. Ngaran ilmiahnya, Solanum melongena, tiba tumatan istilah Arab abad ke-16 gasan parian tanaman tarung.
Marga tarung marupakan angguta Solanaceae, buah tarung suah dikira bawisa, nangkaya buah sasukat matan kaluwarga Tarung tatar wan Kantang. Pahadangan, buah tarung kawa dimakan kada mahasilakan karacunan apa-apa gasan urang, sapalih urang, mamakan buah tarung sakalinya kawa mampangaruhi kasihatan.
Sapalih buah tarung pina pahing wan maulah sakit parut lawan juwa maulah gastritis. marga nitu, sapalih urang matan bubuhan ahli kasihatan manyambat kalaunya tarung wan parian takait kawa maulah atawa mambangati artritis nang musti dijauhi lawan urang nang kada tahan duwa tarung.[4]
Album
[babak | babak asal-mulanya]-
Kambang -
Tumbuhan -
Tumbuhan -
Buah tarung bigi ramania -
Buah tarung -
Kambang -
Tarung panjang -
tarung putih
.jpg)
Jujuhutan
[babak | babak asal-mulanya]- ^ Tsao dan Lo dalam "Vegetables: Types and Biology". Handbook of Food Science, Technology, and Engineering oleh Yiu H. Hui (2006). CRC Press. ISBN 1-57444-551-0.
- ^ Doijode, S. D. (2001). Seed storage of horticultural crops (m.s. 157). Haworth Press: ISBN 1-56022-901-2
- ^ Citakan:Cite
- ^ Childers, N.F. (PhD) & Margoles, M.S. (MD). (1993). An apparent relation of nightshades (Solanaceae) to arthritis. Journal of Neurological and Orthopedic Medical Surgery. 12: 227-231.
Pranala luar
[babak | babak asal-mulanya] |
Wikispecies baisi maklumat pasal |