Delwennoù da Afrodite

Un toullad delwennoù savet da Afrodite a zo brudet-kaer, hag un toullad pennadoù, gant skeudenn an doueez, a gavor amañ.

Afrodite ha Gwener

Diwar levezon Italia eo deuet ar c'hiz da ober Venus (Gwener e brezhoneg, Venere en italianeg) eus delwennoù an doueez, ha pa vijent delwennoù hellazat. Div skouer a gement-se eo

• ar Vénus d'Arles, lakaet war gont Praksiteles, a oa hellazat neuze,
• ar Vénus de Milo, ha n'eo ket bet azeulet dindan an anv Venus gant tud Hellaz evel-just.

Delwennoù ragistorel

Diwar levezon an hendraourien, saoznek pe c'hallek avat, e vez graet an anv Venus ivez eus an holl delwennoù maouezed a bep orin, ragistorel da skouer (gwelout Gwener Willendorf) . Ur c'hiz n'eo ken, ha skiantel n'eo ket.

Ouzhpenn-se, pa ouzer eo dre c'hoap e vez graet Venus eus delwennoùigoù graet gant arzourien eus an amzerioù koshañ, e weler n'eo ket doujañs na skiant a vez maget gant darn eus ar skiantourien atav.

Anvioù an delwennoù anavezet

Venus Urania (Mirdi an Ofisoù, Firenze), luc'hskeudenn gant Giorgio Sommer e 1860.

• Afrodite Knidos, pennoberenn Praksiteles, a zo bet savet diwarni an holl zoareoù all,
• Afrodite Melos (anvet ivez Gwener Milo, Mirdi al Louvre, Pariz),
• Venus Kallipygos, e Mirdi Broadel an Hendraouriezh e Naplez, a zo un doare dezhi hec'h-unan,
• Venus de' Medici, en Uffizi, e Firenze).

Diwar Afrodite Knidos ez eus bet savet delwennoù damheñvel, ha dreist-holl:

• Venus Capitolina, a zo e Mirdioù ar C'hapitol, e Roma)
• Venus Barberini
• Venus Borghese
• Venus Arle pe Gwener Arle (Mirdi al Louvre, Pariz)
• Gwener an Eskilin, e Mirdioù ar C'hapitol, e Roma
• un delwenn all, c'hoar da Gwener an Eskilin, a zo el Louvre, e Paris[1]
• Gwener en he c'hluc'h, a zo div zelwenn c'hoar, an eil el Louvre, e Paris, eben er British Museum, e Londrez,

• Gwener Mazarin, a oa bet d'ar c'h-Kardinal Mazarin (bremañ er John Paul Getty Museum)[2], e Los Angeles, California, SUA
• Venus Victrix, a zo e Mirdi an Ofisoù, Firenze )
• Venus Felix
• Venus Lely.