ISO 15919
ISO 15919 (2001) a zo anv ur reoliad etrebroadel evit romanekaat an doareoù-skrivañ implijet evit skrivañ yezhoù India. Implijout a ra sinoù diakritek evit gallout treuzlizherenniñ (pe treuzskrivañ) gant lizherennoù latin an holl vogalennoù ha kensonennoù implijet gant ar skriturioù hag ar yezhoù indezek-se.
Peuzheñvel eo ouzh al Lizherenneg etrebroadel evit treuzskrivañ ar sañskriteg (IAST) evit a sell ouzh an doare da dreuzlizherenniñ al lizherenneg devanagari.
Keñveriadur gant IAST
kemmañDre vras e klotae al Lizherenneg etrebroadel evit treuzskrivañ ar sañskriteg (IAST) gant ISO 15919 daoust ha m'eo ledanoc'h tachenn implij reizhiad treuzskrivañ an ISO-se dre ma tenn da yezhoù indezek all ouzpenn ar sañskriteg. Disheñvel eo an daou reizhiad avat er pemp keñver resis-mañ:
| Devanagari | IAST | ISO 15919 | Evezhiadenn |
|---|---|---|---|
| hindeg ए/े | e | ē | Evit gallout diforc'hañ etre 'e' berr hag 'e' hir pa vez ezhomm. Bremañ e implijer 'E' evit treuzskrivañ an hindeg ऎ/ॆ. |
| hindeg ओ/ो | o | ō | Evit gallout diforc'hañ etre 'o' berr hag 'o' hir pa vez ezhomm. Bremañ e implijer 'O' evit treuzskrivañ ar hindeg ऒ/ॊ. |
| hindeg ं | ṃ | ṁ | Hervez ISO 15919, e implijer ṃ evit treuzskrivañ ar gurmukhi Tippi panjabeg ੰ. |
| hindeg ऋ/ृ | ṛ | r̥ | E ISO 15919 e implijer ṛ evit treuzskrivañ ड़. |
| hindeg ॠ/ॄ | ṝ | r̥̄ | a-benn doujañ ouzh implij r̥ |