Adhan
An adhan (Arabeg: أَذَان [ʔaˈðaːn]) (turkeg: Ezan) a vez graet eus ar galv islamek d'ar bedenn dibunet gant ar muezzin hervez eurvezhioù resis an devezh. Gwriziennoù ar ger zo da glask en ʾadhina أَذِنَ, a dalvez kement ha "da selaou, klevet, bezañ kelaouet gant un dra bennak".
Pemp gwech bemdez e vez klevet an adhan kanet gant ar vuezzined adal minared ar voskeenn. Pal ar galv eo kelaouiñ ar vuzulmaned eo deuet mare ar bedenn. Ouzhpenn-se ez eo un doare da lakaat war-raok deverioù pep muzulman: ar Fard (al lezenn islamek) kement hag ar salah, kentañ piler an Islam.