Chaoser ar Ramzed
Chaoser ar Ramzed (Clochán an Aifir pe Clochán na bhFomhórach en iwerzhoneg ha Giant's Causeway e saozneg) a zo un dachenn naturel e Norzhiwerzhon (Kontelezh Aontroim) gant ur 4 000 kolonenn vazalt bennak, un anadenn heverk diwar-lerc'h dislonkadenn ur menez-tan c'hoarvezet un 40 milion a vloavezhioù 'zo. Prismoù lava yenaet a zo anezho. Lakaet eo war roll Glad bedel an UNESCO abaoe 1986.
