Hilienn
Un hilienn, soubilh, soubinell, pe c'hoazh chaous (brezhoneg komzet), zo un aozadenn geginañ yen, klouar pe domm, fetis pe danav, da vezañ servijet gant ur meuz sall pe sukret. Ret eo meskañ aozennoù gant ul liñvenn bennak evit he fardañ. Implijet e vez an hiliennoù e keginerezhioù ar bed a-bezh.
Un niver bras a hiliennoù disheñvel zo :
- hili graet gant amann dreist-holl: hilienn giz ar chaseourien...
- hili graet gant dienn, laezh pe yaourt dreist-holl : soubilh bechamel, tzatziki...
- hili graet gant vi dreist-holl: maionez, sabailhon, hilienn giz Holland, soubilh giz Bearn...
- hili graet gant legumaj ha/pe louzoù-kegin dreist-holl : hilienn domatez, chugon tomatez, pesto, ketchup, hilienn soja, hilienn sezv, hilienn bebr, tabasco, harissa, hilienn gari, hilienn vent, hilienn salsa, hilienn rezeger, guacamole, mafe...
- hili graet gant pesked dreist-holl : garum (hilienn ar Romaned), nuoc-mâm, hilienn Worcestershire...
- hili graet gant kig : chaous giz Bologna...
- hili graet gant frouezh dreist-holl : chatni, chugon sivi, flamboez....
Pa vez graet ar chaous gant chug ar c'hig e komzer eus larjez pe lipig.
An hilienn giz Holland, ar winêgrenn hag ar maionez zo skoueroù hiliennoù livrizet pe livrizhadoù.
Skeudennaoueg
[kemmañ | kemmañ ar vammenn]-
Hilienn giz Holland war asperjez hag avaloù-douar -
Hilienn sezv -
Hilienn giz Bologna gant spaghetti -
Pesto
