Roger Salengro

den
Reizh pe jener	paotr
Bro ar geodedouriezh	Frañs
Anv-bihan	Roger
Anv-familh	Salengro
Deiziad ganedigezh	30 Mae 1890
Lec'h ganedigezh	Lille
Deiziad ar marv	18 Du 1936
Lec'h ar marv	Lille
Doare mervel	Emlazh
Abeg ar marv	asphyxia
Lec'h douaridigezh	cimetière de l’Est
Yezh vamm	galleg
Yezhoù komzet pe skrivet	galleg
Micher	politiker
Karg	kannad gall, maer Lille, Minister of the Interior of France, maer Lille
Bet war ar studi e	University of Lille
Lec'h labour	Pariz
Strollad politikel	SFIO
Brezel	Brezel-bed kentañ
Ezel eus	Human Rights League

Roger Salengro, ganet d'an 30 a viz Mae 1890 ha marvet d'an 18 a viz Du 1936, a oa ur politkiour sokialour gall. Kannad eus Norzh ar Frañs ha maer Lille, deuet e voe da vezañ maodiern ar surentez evit ar gouarnamant Blum e 1936. Emlazhañ a ra e miz Du ar bloavezh-se, goude bezañ bet louset gant ur c'hampagn tagañ o tiskleriañ e vefe bet dizertour e-pad ar C'hentañ Brezel-bed.

An Afer Salengro

Adalek an hañv 1936, Roger Salengro a voe gouzañver d'ur c'hampagn feuls a-berzh ar c'heleier, enaouet gant kazetennoù an tu dehoù pellañ. Ar pal a voe d'en em veñjiñ diouzh e obererezhioù a-enep ar c'hevreadoù (lezenn war disolvañs ar c'hevreadoù, mennad evit broadelat ar c'hazetennoù eus an tu dehoù pellañ).

Krog eo an afer d'ar 14 a viz Gouhere 1936 gant kazetenn Charles Maurras, an Action française, hag a embann ur pennad hep sinadur o tiskleriañe oa ur vezh da welet Roger Salengro o vont war bez ar soudard dianav. Ar c'hampagn a zo adkemeret gant e benn enebour kuzul-kêr Lille e kambr an deputeed, Henri Becquart, adalek ar 14 a viz Gouhere 1936.

D'an 21 a viz Eost 1936, ar gazetenn broadelour Gringoire a embann ur pennad o zegas ar goulenn « Perak Roger Salengro, maodiern ar surentez, en d'eus dizertet d'ar 7 a viz Here 1915 ? » An tamalladur-se a oa bet graet dija, e 1923, gant ar Strollad Komunour Gall.

An Action française a adkemer an tamall en ur reiñ un nerzh brasoc'h dezhañ c'hoazh.