kalonek

Brezhoneg

Etimologiezh

Savet diwar an anv-kadarn kalon hag al lostger -ek.

Anv-gwan

Derez	Furm
Derez-plaen	kalonek
Derez-uheloc'h	kalonekoc'h
Derez-uhelañ	kalonekañ
Derez-estlammiñ	kalonekat

kalonek /ka.ˈlɔ̃ː.nek/ ; ken kalonek, ker kalonek ; pegen kalonek, peger kalonek

1. En/He deus kalon, pe nerzh-kalon, a zo prest da ober traoù diaes.
   • Ar Vretoned a zo tud kaled ha krenv ;
     N'euz pobl ken kaloneg a-zindan an nenv. — (Taldir, Bro Goz ma Zadou, in Dihunamb!, 15^vet niverenn, miz Gwengolo 1906, p. 248-249.)
   • ..., ha breur henañ person Kemper-Gwezenneg, an Aotrou Lec'hvien, ur barzh ivez, kalonek ha tener, ... — (Jarl Priel, Va Zammig Buhez, Al Liamm, 1954, p. 60.)
   • Pa'z eus un den kalonek a-walc'h da zont e-pad an noz betek an ti, ne gav mui netra, ... — (Roparz Hemon, An Ti a Drizek Siminal, Al Liamm, 1956, p. 24.)
   • ..., pegen kalonek e vezent dindan erc'h ha skorn, ... — (Jarl Priel, Amañ hag Ahont, Al Liamm, 1957, p. 31.)
   • re voazet ouzh ar baourentez evit en em glemm, ha kalonek bepred en o labourioù tenn. — (Jakez Riou, Geotenn ar Werc'hez ha danevelloù all, Al Liamm, 1957, p. 20.)
   • ..., na vije ket bet beuzet kement a wazed dispar ha kalonek. — (Daniel Defoe, lakaet e brezhoneg gant Yeun ar Gow, Abrobin, Al Liamm, 1964, p. 21.)
   • Ha, maouez kalonek ma oa, rak kalonek e oa Loeiza ha kalet ouzh ar boan... — (Roparz Hemon, Ho kervel a rin en noz ha marvailhoù all, Al Liamm, 1970, p. 17.)
   • Skrivañ a reas da baotred Montroulez en ul lizher hir ha kalonek-meurbet oa bet anvet eskob e Kastell, ... — (Lan Inizan, Emgann Kergidu 1, Brest, 1877, eil emb. Al Liamm 1977, p. 17.)
   • [...] ; neuze, kerkoulz ha bremañ, e vije kavet, e-touez an noblañs evel e-touez ar goueriaded, martoloded kalonek a-walc'h evit ober a galon vat ar veaj, n'eus forzh peger risklus oa. — (Lan Inizan, Emgann Kergidu 1, Brest, 1877, eil emb. Al Liamm 1977, p. 21.)
   • Hogen dispont e oan ha kalonek da ziskrapañ, daoust d'an hir bredoù a rankent ober alies a-hed an hentoù, ... — (Yeun ar Gow, E Skeud Tour Bras Sant Jermen, eil emb. Al Liamm, 1978, p. 20.)
   • Ouzhpenn, ne oant ket gwell galonek nag an eil nag egile. — (Fañch Peru, Kañfarded Milin ar Wern, Skol Vreizh, 2008, p. 82.)

Gerioù heñvelster

• kadarn

Deveradoù

• kalonekaat
• kalonekaus
• kalonegezh

Troioù-lavar

• gwin kalonek
• kalonek-meurbet

Troidigezhioù

• galleg : bien portant ^(fr)
• galleg : cordial ^(fr) , plein de coeur ^(fr)
• galleg : courageux ^(fr)
• galleg : fort ^(fr) , robuste ^(fr) , vigoureux ^(fr)

Adverb

1. Ober un dra bennak kalonek : a galon.
2. Kanañ, pediñ, poaniañ kalonek.
   • Red eo poania kalounek da vont war well hed hor buez 96, — (Troude ha Milin, Jezuz-Krist skouer ar gristenien, Brest, 1842, p. 96.)
3. C'hoarzhin kalonek : kreñv, diardoù
   • C'hoarzhin a rae kalonek... — (Lan Inizan, Emgann Kergidu Lodenn 2, J.B. hag A. Lefournier, Brest, 1878, p. 226.)
4. evañ kalonek : diardoù, hep chom da vlazata